ເມື່ອ​ວັນທີ່ 6 ສິງ​ຫາ ຕາມຂ່າວ​ຕ່າງ​ປະເທດ​ຫລາຍ​ສຳ​ນັກງານ​​ຕ່າງກໍ່ໄດ້​ລາຍ​ງານ​ເລື່ອງ​​ທີ່​ສ້າງ​ຄວາມ​ຮື​ຮາ ເມື່ອ​ຍານ​ສຳ​ຫລວດ​ຄິວ​ລຽດ​ຊິ​ຕີ (Curiosity) ຂອງ​ອົງ​ການ​ບໍລິຫານ​ການ​ບິນ​ແລະ​ອາວະ​ກາດ​ແຫ່ງ​ສະ​ຫາຣັດ (NASA) ໄດ້​ບັນ​ທຶກ​ພາບ​ໜຶ່ງໄວ້​ຂະນະ​ກຳ​ລັງ​ສຳ​ຫລວດ​ບໍລິເວນ​​ປ່ອງ​ພູເຂົາ​ໄຟ​ເທິງ​ດາວ​ອັງ​ຄານ ແລະ​ພົບ​ວ່າ​ມີ​ວັດ​ຖຸ​ລຶກລັບບາງຢ່າງ​ທີ່​ມີ​ຮູບ​ຮ່າງ​ຄ້າຍ​ສິ່ງ​ມີ​ຊີວິດ

ເວັບ​ໄຊຕ໌ UFO Sightings Daily ໄດ້​ລະ​ບຸ​ວ່າ ວັດ​ຖຸ​ດັ່ງ​ກ່າວ​ມີ​ຄວາມ​ສູງ​ພຽງແຕ່ 8-10 ຊັງຕິແມັດ ລັກສະນະ​ຄ້າຍ​ຜູ້​ຍິງ​ນຸ່ງ​ຊຸດສີ​ດຳ ໂດຍ​ຈະ​ເຫັນ​ຮູບ​ຊົງ​ໜ້າ​ເອິກ​ໄດ້​ຊັດເຈນ ຍັງ​ຈະ​ເຫັນ​​ເງົາແສງ​ເທິງ​ທ່ອນ​ແຂນ​ສອງ​ຂ້າງ​ທີ່​ມີ​ສີ​ອ່ອນ​ກວ່າ ແລະ​ຫົວ​ທີ່​ຄ້າຍ​ວ່າ​ມີ​ຜົມ​ຍາວ​ນຳອີກ

“ເປັນ​ເລື່ອງ​ຍາກ​ທີ່​ຈະ​ລະ​ບຸ​ແຈ້ງ​ວ່າ​ເປັນ​ສິ່ງ​ມີ​ຊີວິດ​ຫລື​ຮູບ​ປັ້ນ​ຫິນ ຢ່າງໃດ​ກໍ​ຕາມ​ຫາກ​ເປັນ​ຮູບ​ປັ້ນ​ທີ່​ມີ​ຂະໜາດ​ນ້ອຍ​ຊ່ຳ​ນັ້ນ​ກໍ​ໜ້າ​ຈະ​ຜຸພັງໄປ​ແຕ່ດົນ​ແລ້ວ” ເວັບ​ໄຊຕ໌​ລະ​ບຸ

​ເມື່ອ​ບໍ່​ຈັກ​ມື້ມານີ້ ຊາວ​ໂລກ​ໂຊ​ຊ່ຽວ​ມີ​ເດຍ​ກໍ​ໄດ້​ສັງເກດ​ພົບ​ວັດ​ຖຸ​ຄ້າຍ​ປູ​ຫລື​ແມງ​ມຸມ​ຈາກ​ພາບ​ຖ່າຍ​ດາວ​ອັງ​ຄານ​ທີ່​ທາງ​ນາ​ຊ່າ​ໄດ້​ເຜີຍແຜ່​ເທິງ​ເພສເຟສບຸກເຕີ່ມອີກ