ກົມສື່ມວນຊົນກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ(ຖວທ) ຈັດສຳມະນາກ່ຽວກັບ “ວາລະສານກັບການເຮັດໜ້າທີ່ການເມືອງໃນໄລຍະໃໝ່” ຂຶ້ນໃນວັນທີ 5 ສິງຫານີ້, ທີ່ສະຖານນີວິທະຍຸກະຈາຍສຽງແຫ່ງຊາດ,ພາຍໃຕ້ການເປັນປະທານຂອງທ່ານ ສະຫວັນຄອນ ຣາຊມຸນຕຣີ ລັດຖະມົນຕີຊ່ວຍວ່າການກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ມີບັນດາຄະນະບັນນາທິການ ແລະ ວິຊາການຈາກວາລະສານ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ສະຫວັນຄອນ ຣາຊມຸນຕຣີ ມີຄໍາເຫັນວ່າ: ຜ່ານການສະຫລຸບຕີລາຄາຂອງອົງການຄຸ້ມຄອງວຽກຖະແຫລງຂ່າວ-ສື່ມວນຊົນເຫັນວ່າປະເພດສື່ສິ່ງພິມ, ວາລະສານພາຍໃຕ້ການຄຸ້ມຄອງ, ຊີ້ນຳ-ນຳພາຂອງຂະແໜງການທີ່ຮັບຜິດຊອບໄດ້ມີການພັດທະນາທັງດ້ານປະລິມານ ແລະ ຄຸນນະພາບ ເພື່ອເຮັດໜ້າທີ່ໂຄສະນາເຜີຍແຜ່ແນວທາງ, ແຜນນະໂຍບາຍຂອງພັກ ແລະ ລະບຽບກົດໝາຍຂອງລັດ, ໃຫ້ຄວາມຮູ້ຂໍ້ມູນຂ່າວສານ, ສາລະບັນເທີງແກ່ສັງຄົມ. ການສຳມະນາ
ຄັ້ງນີ້ເປັນໂອກາດອັນດີທີ່ຈະໄດ້ປຶກສາຫາລືກັນກ່ຽວກັບການປັບປຸງເນື້ອໃນ ແລະ ຮູບແບບຂອງວາລະສານແຕ່ລະປະເພດ, ເຮັດແນວໃດເພື່ອໃຫ້ສັງຄົມໄດ້ຮັບຮູ້ ແລະ ເຂົ້າໃຈເຖິງຄວາມສຳຄັນ ແລະ ບົດບາດຂອງສື່ມວນຊົນ, ເຫັນໄດ້ຄວາມສຳຄັນຂອງຂໍ້ມູນຂ່າວສານໃນຍຸກປັດຈຸບັນ ແລະ ບັນຫາສຳຄັນອື່ນໆ. ພ້ອມທັງແລກປ່ຽນຄຳຄິດຄຳເຫັນເຮັດແນວໃດຈະປະຕິບັດໜ້າທີ່ຮັບໃຊ້ສັງຄົມຕາມພາລະໜ້າທີ່ຂອງຕົນ ແລະ ເຮັດໃຫ້ຖືກຕ້ອງຕາມກົດໝາຍ, ຕາມແນວ ທາງ, ທັດສະນະ ແລະ ຈັນຍາບັນຂອງສື່ມວນຊົນ.
ໂອກາດນີ້, ທ່ານໄດ້ຕາງໜ້າຄະນະພັກ, ຄະນະນຳກະຊວງຖວທຕີລາຄາສູງຕໍ່ການປະກອບສ່ວນຂອງພາ ຫະນະສື່ມວນຊົນ. ຄະນະອຳນວຍການ, ຄະນະບັນນາທິການ. ບັນດາພະນັກງານສື່ມວນຊົນທຸກພາກສ່ວນທີ່ໄດ້ປະກອບ ສ່ວນໃນການເຮັດໜ້າທີ່ໂຄສະນາເຜີຍແຜ່ແນວທາງ, ແຜນນະໂຍບາຍຂອງພັກ ແລະ ລະບຽບກົດໝາຍຂອງລັດ, ໃຫ້ການສຶກສາອົບຮົມທາງດ້ານການເມືອງແນວຄິດແກ່ມະຫາຊົນ, ປຸກລະດົມຊຸກຍູ້ມະຫາຊົນປະກອບສ່ວນປະຕິບັດ 2 ໜ້າທີ່ຍຸດທະສາດຄື: ພາລະກິດແຫ່ງການສືບຕໍ່ສ້າງ ແລະ ຂະຫຍາຍລະບອບປະຊາທິປະໄຕ ປະຊາຊົນ ແລະ ສ້າງປະຖົມປັດໄຈໃຫ້ແກ່ການກ້າວຂຶ້ນສູ່ສັງຄົມນິຍົມເທື່ອລະກ້າວ.
ຂອບໃຈຂ່າວຈາກ:
