ສຳນັກຂ່າວຕ່າງປະເທດ ລາຍງານໃນວັນທີ 5 ສິງຫານີ້ວ່າ ນະຄອນດູໄບ ຊຶ່ງເປັນນະຄອນທີ່ໃຫຍ່ທີ່ສຸດຂອງສະຫະລັດອາຫລັບເອມິເຣດ ແລະ ມີອັດຕາການຈະເລີນເຕີບໂຕຂອງເມືອງສູງທີ່ສຸດແຫ່ງໜຶ່ງໃນໂລກ ໄດ້ເປີດເຜີຍໂຄງການກໍ່ສ້າງຕຶກທີ່ພັກອາໄສແຫ່ງໃໝ່ ທີ່ມີຂະໜາດສູງທີ່ສຸດຂອງໂລກ ດ້ວຍງົບປະມານລົງທຶນກ່ວາ 4.3 ຕຶ້ປອນ ໂດຍມີຊື່ວ່າ ຕຶກດູໄບວັນ (The Dubai One) ທີ່ຈະປະກອບໄປດ້ວຍຄວາມຫລູຫລາຂອງລານນ້ຳພຸກວ້າງ, ແຫລ່ງການຄ້າຂະໜາດໃຫຍ່, ຊາຍຫາດ, ໂຮງແຮມ ແລະ ທ່າຈອດເຮືອ ໂດຍອາຄານດັ່ງກ່າວນີ້ ຈະປະກອບໄປດ້ວຍ 885 ຫ້ອງ ສາມາດບັນຈຸຄົນເຂົ້າພັກອາໄສໄດ້ເຖິງ 78,000 ຄົນ.

ຈາກຄວາມສູງທັງໝົດຂອງຕຶກດັ່ງກ່າວ 771 ແມັດ ແມ່ນຈະເຮັດໃຫ້ຕຶກດູໄບວັນ ກາຍເປັນຕຶກທີ່ສູງເປັນອັນດັບ 2 ຂອງໂລກ ຮອງຈາກຕຶກ ເບີດ ຄາລິຟາ (Burj Khalifa) ທີ່ຕັ້ງຢູ່ດູໄບເຊັ່ນດຽວກັນ ທີ່ມີຄວາມສູງເຖິງ 828 ແມັດ.