spot_img
Homeຄວາມງາມມາຮ່ວມຊອກຫານາງສາວລາວ ປະຈຳປີ 2013

ມາຮ່ວມຊອກຫານາງສາວລາວ ປະຈຳປີ 2013

Published on

ມາຮ່ວມຊອກຫານາງສາວລາວ ປະຈຳປີ 2013

ໂຄງການ​ນາງ​ສາວ​ລາວ ຫຼື Miss Laos ໄດ້​ດຳເນີນ​ມາ​ເປັນ​ປີ​ທີ 5 ແລ້ວ ເຊິ່ງ​ຕະຫຼອດ 4 ປີຜ່ານມາ ໄດ້​ສະແດງ​ໃຫ້​ເຫັນ​ຄວາມ​ສາມາດ​ຂອງ​ແມ່ຍິງ​ລາວ​ໃນ​ຍຸກ​ໃໝ່ ໃນ​ເວທີ​ສາກົນ ໄດ້​ປະກອບສ່ວນ​ວຽກ​ງານ​ເພື່ອ​ສັງຄົມ ທັງ​ພາຍ​ໃນ ແລະ ຕ່າງປະເທດ ໄດ້​ເຜີຍແຜ່​ວັດທະນະທຳ​ອັນ​ດີງາມ​ຂອງ​ຊາດ ມາ​ຮອດ​ປີ 2013 ໄດ້​ສືບຕໍ່​ໂຄງການ​ດັ່ງກ່າວ ໂດຍ​ແມ່ນ​ກະຊວງ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ສືບຕໍ່​ຊີ້​ນຳ ແລະ ບໍລິສັດ ເຄ​ແອນ​ຊີ ຈຳກັດ ເປັນ​ຜູ້​ຈັດ​ຕັ້ງ​ປະຕິບັດ​ຕົວ​ຈິງ.

ສຳລັບ​ການ​ເປີດ​ຮັບ​ສະໝັກ ຈະ​ຈັດ​ຂຶ້ນ​ໃນ 4 ຈຸດ​ຄື: ໃນ​ລະຫວ່າງ​ວັນ​ທີ 9-13 ກັນຍາ 2013 ເປີດ​ຮັບ​ສະໝັກ​ທີ່​ນະຄອນຫຼວງ​ວຽງ​ຈັນ ທີ່​ບໍລິສັດ ເຄ​ແອນ​ຊີ ຈຳກັດ ວັນ​ທີ 9-11 ກັນຍາ 2013 ທີ່​ໂຮງແຮມ​ວິນ​ລາ​ສັນຕິ ແຂວງ​ຫຼວງ​ພະ​ບາງ ວັນ​ທີ 16-18 ກັນຍາ 2013 ທີ່​ໂຮງແຮມ​ດາວ​ສະຫວັນ ແຂວງ​ສະຫວັນ​ນະ​ເຂດ ແລະ ວັນ​ທີ 19-21 ກັນຍາ 2013 ຢູ່​ທີ່​ໂຮງແຮມ​ຈຳປາ​ສັກແກຼນ ແຂວງ​ຈຳປາ​ສັກ ຄາດ​ວ່າ​ໃນ​ຕົ້ນ​ເດືອນ​ຕຸລາ 2013 ຈະ​ສາມາດ​ຄັດ​ເລືອກ​ນາງ​ສາວ​ທີ່​ເຂົ້າ​ຮອບ 20 ຄົນ ແລະ ໃນ​ທ້າຍ​ປີ 2013 ຈະ​ເປັນ​ຮອບ​ຕັດສິນ ວ່າ​ໃຜ​ຈະ​ໄດ້​ເປັນ​ນາງ​ສາວ​ລາວ​ປະຈຳ​ປີ 2013 ທີ່​ໂຮງແຮມ​ດອນ​ຈັນ​ພາ​ເລດ ນະຄອນຫຼວງ​ວຽງ​ຈັນ.

ພິທີ​ຖະແຫຼງ​ຂ່າວ​ກ່ຽວ​ກັບ ໂຄງການ​ນາງ​ສາວ​ລາວ​ປະຈຳ​ປີ 2013 ໄດ້​ຈັດ​ຂຶ້ນ​ໃນ​ວັນ​ທີ 27 ສິງຫາ 2013 ທີ່​ຜ່ານ​ມາ ຢູ່​ທີ່​ໂຮງແຮມ​ດອນ​ຈັນ​ພາ​ເລດ ນະຄອນຫຼວງ​ວຽງ​ຈັນ ໂດຍ​ມີ​ທ່ານ ບົວ​ເງິນ ຊາ​ພູ​ວົງ ລັດຖະມົນຕີ​ຊ່ວຍ​ວ່າການ ກະຊວງ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ບັນດາ​ຄະນະ​ໃນ​ໂຄງການ ບັນດາ​ທ່ານ​ຜູ້​ອຸປະຖຳ ແລະ ສື່​ມວນ​ຊົນ​ຈາກ​ພາກສ່ວນ​ຕ່າງໆ​ເຂົ້າ​ຮ່ວມ.

ທີ່ມາhttp://www.vientianemai.net

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...