ສຳນັກຂ່າວຕ່າງປະເທດ ລາຍງານໃນວັນທີ 5 ສິງຫານີ້ວ່າ ບັນດາປະເທດຕ່າງໆໄດ້ທະຍອຍສົ່ງຄວາມຊ່ວຍເຫລືອພື້ນຖານ ເຂົ້າໄປຍັງປະເທດມຽນມາ ເພື່ອຊ່ວຍເຫລືອຜູ້ປະສົບເຄາະຮ້າຍຈາກໄພນ້ຳຖ້ວມ ໂດຍປັດຈຸບັນແມ່ນມີຍອດຜູ້ເສຍຊີວິດແລ້ວ 69 ຄົນ ໃນນັ້ນແມ່ນຢູ່ລັດຍະໄຂ່ຫລາຍກ່ວາໝູ່ເຖິງ 41 ຄົນ ແລະ ຍັງມີຜູ້ໄດ້ຮັບຜົນກະທົບເພີ່ມຂຶ້ນເປັນ 260,000 ຄົນ ຊຶ່ງບັນດາປະເທດທີ່ສົ່ງຄວາມຊ່ວຍເຫລືອເບື້ອງຕົ້ນໄປແລ້ວແມ່ນປະກອບມີ ຈີນ, ຍີ່ປຸ່ນ, ໄທ, ນອກແວ ແລະ ອື່ນໆອີກ.