ສຳນັກຂ່າວຕ່າງປະເທດ ລາຍງານໃນວັນທີ 4 ສິງຫານີ້ວ່າ ສະຫະພັນເຂົ້າມຽນມາ ໄດ້ຕັດສິນໃຈລະງັບການສົ່ງອອກເຂົ້າເປັນເວລາ 1 ເດືອນເຄິ່ງ ເພື່ອຮັກສາລາຄາເຂົ້າບໍ່ໃຫ້ເພີ່ມຂຶ້ນ ແລະ ຮັບປະກັນໃຫ້ຕອບສະໜອງພຽງພໍຕໍ່ຄວາມຕ້ອງການພາຍໃນປະເທດ ເນື່ອງຈາກສະພາວະວິກິດການຂອງໄພນ້ຳຖ້ວມ ທີ່ເກີດຂຶ້ນໃນທຸກພື້ນທີ່ທົ່ວປະເທດໃນປັດຈຸບັນ.
ສະຫະພັນເຂົ້າມຽນມາຍັງໄດ້ຖະແຫລງວ່າ ຈະດຳເນີນມາດຕະການເພື່ອຊ່ວຍໃຫ້ລາຄາເຂົ້າບໍ່ປັບຕົວຂຶ້ນ ແລະ ຈະບໍ່ໃຫ້ພື້ນທີ່ທີ່ຖືກນ້ຳຖ້ວມຂາດແຄນເຂົ້າເດັດຂາດ.