ໜຶ່ງໃນຟີເຈີລັບໆ ທີ່ໄມໂຄຊອບລັກເພີ່ມເຂົ້າມາໃນ Windows 10 ເຊີ່ງຫລາຍຄົນອາດຍັງບໍ່ຮູ້ກໍຄື ການຮັບສົ່ງຂໍ້ມູນໄຟລ໌ອັບເດດຂອງ Windows 10 ລະຫວ່າງເຄື່ອງຂອງເຮົາກັບເຄື່ອງຂອງຜູ້ໃຊ້ Windows 10 ຄົນອື່ນໆ ທົ່ວໂລກ ໂດຍ Windows 10 ຈະໃຊ້ອິນເຕີເນັດຂະນະທີ່ຜູ້ໃຊ້ກຳລັງເຊື່ອມຕໍ່ຢູ່ແຊໄຟລ໌ອັບເດດຕ່າງໆ ໄປໃຫ້ເຄື່ອງຄົນອື່ນທີ່ກຳລັງດາວໂຫລດອັບເດດ Windows 10 ໃນຂະນະນັ້ນ ເພື່ອຊ່ວຍໃຫ້ການອັບເດດນັ້ນວ່ອງໄວຂຶ້ນໃນກໍລະນີທີ່ມີຄົນດາວໂຫລດອັບເດດຈາກ ເຊີບເວີຂອງໄມໂຄຊອບຫລາຍໆ ຫລືອະທິບາຍງ່າຍໆ ກໍຄືຄ້າຍກັບການໂຫລດ BitTorrent ນັ້ນເອງ…
ເຊີ່ງແທ້ຈິງແລ້ວຟີວເຈີນີ້ຖືວ່າເປັນຟີວເຈີທີ່ມີປະໂຫຍດ ເພາະມັນຊ່ວຍໃຫ້ຜູ້ໃຊ້ Windows 10 ສາມາດດາວໂຫລດອັບເດດໄດ້ວ່ອງໄວຍິ່ງຂຶ້ນ ແຕ່ກໍອາດເຮັດໃຫ້ຜູ້ໃຊ້ຫລາຍຄົນບໍ່ຄ່ອຍພໍໃຈເພາະມັນລັກໃຊ້ແບນວິດອິນເຕີເນັດຂອງເຮົາເອງໂດຍບໍ່ຮູ້ຕົວ ໂດຍຜູ້ໃຊ້ Windows 10 ທີ່ບໍ່ຕ້ອງການແຊໄຟລ໌ອັບເດດໄປໃຫ້ຄົນອື່ນ ບໍ່ວ່າຈະມີແບນວິດອິນເຕີເນັດຈຳກັດຫລືເພາະເຫດຜົນໃດໆກໍຕາມ ສາມາດເຂົ້າໄປປິດຟີວເຈີດັ່ງກ່າວໄດ້ດ້ວຍວິທີດັ່ງນີ້
1. ຄລິກປຸ່ມ Start ແລ້ວເລືອກ Settings (ໄອຄອນຮູບເຟືອງ)
2. ເລືອກ Update & Security
3. ຄລິກທີ່ Advanced Options ດ້ານລຸ່ມ
4. ເລືອກຫົວຂໍ້ Choose How Update Are Delivered
5. ເລືອກປັບໃຫ້ເປັນ Off
ຖ້າຫາກຕ້ອງການເລືອກໃຫ້ແຊໄຟລ໌ອັບເດດສະເພາະເຄື່ອງທີ່ຢູ່ໃນວົງ Lan ດຽວກັນ (ບໍ່ຕ້ອງໃຊ້ອິນເທີເນັດ) ໃຫ້ປັບເປັນ On ແລ້ວເລືອກ PCs on my local network ແທນ