spot_img
Homeຂ່າວພາຍ​ໃນກະຊວງອຸດສາຫະກຳ ແລະ ການຄ້າຊີ້ ລາຄາສະບຽງ​ອາຫານ ອາດມີ​ທ່າ​ອ່ຽງ​ເພີ​່ມຂຶ້ນ!

ກະຊວງອຸດສາຫະກຳ ແລະ ການຄ້າຊີ້ ລາຄາສະບຽງ​ອາຫານ ອາດມີ​ທ່າ​ອ່ຽງ​ເພີ​່ມຂຶ້ນ!

Published on

www.sabaidee168.com

ກະຊວງ​ອຸດ​ສາ​ຫະກຳ​ ແລະ ​ການ​ຄ້າ​ໃ້ຫ້ຮູ້​ວ່າ: ​ ໄລຍະຜ່ານ​ມາ​ຂະ​ແໜງ​ກາ​ນອຸດສາຫະກຳ ​ແລະ ການ​ຄ້າ​ໄດ້​ເອົາ​ໃຈ​ໃສ່​ຄຸ້ມ​ຄອງ​ລາຄາສິນຄ້າ​ໃຫ້​ຢູ່​ໃນ​ການ​ຄວບ​ຄຸມ​ຕາມ​ ດັດ​ສະ​ນີລາຄາ​ການ​ຊົມ​ໃຊ້​ໃນ​ແຕ່ລະ​ເດືອນ​ໂດຍ​ລວມ​ແລ້ວ​​ເຫັນ​ວ່າ:​ ​ສິນຄ້າຫລາຍປະເພດມີ​ທ່າ​ອ່ຽງ​ເພີ່ມ​ຂຶ້ນ, ​ໂດ​ຍສະ​ເພາະ​ແມ່ນ​ໜວດ​ສິນຄ້າ​ສະບຽງ​ອາຫານລາຄາ​​ເໜັງ​ຕີງຂຶ້ນ-ລົງຢູ່ຕະຫຼອດ, ເປັນ​ຕົ້ນ​ແມ່ນ​ສິນ​ຄ້າ​ປະ​ເພດ​ພືດຜັກຕາມລະດູການ ແລະ ຊີ້ນ​ງົວ-ຄວາຍອັນ​ເປັນ​ຜົນ​ສືບ​ເນື່ອງ​ມາ​ຈາກ​ລາຄາ​ໃນ​ປີຜ່ານມາກໍ່ຢູ່ໃນເກນຂ້ອນຂ້າງສູງ ແລະ ຍັງສັງເກດເຫັນວ່າມີ​ການ​ສົ່ງ​ອອກ​ງົວ​, ຄວາຍ​ໄປ​ປະ​ເທດ​ໃກ້​ຄຽງ​ເປັນ​ຈຳນວນ​ຫຼາຍ​ເພາະ​ມີລາຄາ​ສູງ​ກວ່າ​ການ​ຈຳໜ່າຍພາຍ​ໃນ, ຈຶ່ງ​ເຮັດ​ໃຫ້ການ​ສະໜອງບໍ່​ພຽງພໍ​ກັບ​ຄວາມ​ຕ້ອງການ, ບວກກັບ​ການ​ລ້ຽງສັດ​ທີ່​ມີ​ທ່າ​ອ່ຽງຫຼຸດ​ລົງ,​ ເນືອງ​ຈາກ​ປະຊາຊົນ​ຫັນ​ໄປ​​ເຮ​ັດອາຊີບ​ອື່ນ​ແທນ,​ ສ່ວນ​ລາຄາ​ຜືດ, ຜັກ ​ແລະ ​ໝາກ​ໄມ້​ກໍ​່ມີ​ການ​ເໜັງ​ຕີງ​ຂຶ້ນ​-ລົງ​ຕາມ​ລະດູ​ການ​ແລະ​ຄ່າ​ຂົນ​ສົ່ງ​ ແລະ ຄາດວ່າ ໃນຕໍ່ໜ້າລາສິນຄ້າປະ ເທດສະບຽງອາຫານຍັງຈະສືບຕໍ່ເພີມຂື້ນຕາມກົນໄກຂອງຕະຫຼອດ ແລະ ຄວາມຕ້ອງການຂອງຜູ້ບໍ່ລິໂພກທີ່ນັບມື້ເພີ່ມຫຼາຍຂຶ້ນ, ການ​ຄຸ້ມ​ຄອງ​ລາຄາ​ສິນຄ້າ​​ສ່ວນໃຫຍ່ຂະ​ແໜງ​ອຸດສາຫະກຳ ​ແລະ ການ​ຄ້າ​ຈະເລັ່ງ ​ແລະ ​ຄວບ​ຄຸມ​​ສິນຄ້າ​ 4 ປະ​ເພດ ແລະ 14 ລາຍການ​ເຊັ່ນ: ນ້ຳມັນ​ເຊື້ອ​ໄຟ,​ເຂົ້າ, ຊີ້ນ, ປາ, ​ເປັນ​ແຕ່ລະ​ໄລຍະ, ​ໂດຍ​ປະຕິບັດ​ຕາມ​ດຳ​ລັດ 474/ນຍ. ລົງ​ວັນ​ທີ 18/11/2010 ແລະ ເພື່ອເຮັດໃຫ້ການຄວມຄຸມລາຄາ ສິນຄ້າມີປະສິດທິພາບຂະ​ແໜ​ງອຸດສາຫະກຳ-​ການ​ຄ້າ​ຈະສືບຕໍ່ປັບປຸງ​ວຽກງານຂອງຕົນ ​ແລະ ​ເລັງໃສ່ການ​ສົ່ງ​ເສີມ​ຂະຫຍາຍ​ໂຮງງານ​ປຸງ​​ແຕ່ງ​ຜົນ​ຜະລິດ​ກະສິກຳ​ຕາມ​ເງື່ອນ​ໄຂ ​ແລະ​ ຄວາມ​ສາມາດ​ບົ່ມ​ຊ້ອນ​ຂອງ​ແຕ່ລະ​ທ້ອງ​ຖິ່ນ​ໃຫ້​ກ້ວາງ​ຂວາງ ​ແລະ ທົ່ວ​ເຖິງ, ຍົກ​ສູງ​ຄວາມ​ສຳຄັນ​ການ​ຕິດຕາມ​ກວດກາ​ການ​ເຄື້ອ​ນ​ໄຫວ​ການ​ຄ້າ​ຢູ່​ພາຍ​ໃນ, ຫ້ອງການ​ການ​ຄ້າ​ເມືອງ​ຕ້ອງ​​ເອົາ​ໃຈ​ໃສ່​ຢ່າງ​ແຂງ​ແຮງ, ໃນການຄຸມ​ຄອງ​ການ​ຜະລິດ​ຂອງ​ປະຊາຊົນ, ​ມີ​ນະ​ໂຍບາຍ​ເກັບ​ຊື້​ໃຫ້​ສອດຄ່ອງ​ເພື່ອ​​ສົ່ງ​ເສີມ​ການ​ແຂ່ງຂັນ, ບຸກບືນ, ຫ້າວຫັນ​ຂອງ​ປະຊາຊົນ​ໃນ​ການ​ຜະລິດ​ເປັນ​ສິນຄ້າ, ​ແນ​່​ໃສ່​ຕອບ​ສະໜອງ​​ຄວາ​ມຕ້ອງການ​ຂອງ​ຕະຫຼາດໄດ້ພຽງພໍ.

 

ຂອບໃຈຂ່າວຈາກ:

ລພນ

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...