ຊາຍໜຸ່ມຊາວຈີນເຊື່ອວ່າສີຂຽວຈະເຮັດໃຫ້ເຮືອນຮວງຈຸ້ຍດີ ເລີຍຈັດການທາສີໜ້າຜາສູງກວ່າ 900 ແມດຈົນກາຍເປັນສີຂຽວກວ່າ 2,000 ຕາແມັດ ເຈົ້າຫນ້າທີ່ທ້ອງຖິ່ນເຂົ້າກວດສອບທັນທີ
ຮວງຈຸ້ຍ ເປັນຄວາມເຊື່ອໃນການຕັ້ງຂອງທີ່ຢູ່ອາໄສ ມີມາຕັ້ງແຕ່ບູຮານຂອງຈີນ ແລະຖືເປັນເລື່ອງທີ່ສຳຄັນແລະຈິງຈັງເປັນຢ່າງຫລາຍສຳລັບນັກທຸລະກິດແລະຊາວຈີນແລະບາງຄົນ ລວມເຖິງຊາຍຊາວຈີນຊົນນະບົດສີຈຽງ ໃນເມືອງສົງຊິ່ງຄົນນີ້ ເຊີ່ງເຊື່ອເລື່ອງຮວງຈຸ້ຍເປັນຢ່າງຫລາຍແນ່ນອນ ວັນທີ່ 3 ສິງຫາ ທີ່ຜ່ານມາ ເວັບໄຊຊ່ຽງໄຮ້ອິດ ເຜີຍແຜ່ເລື່ອງຂອງການສະແດງຄວາມເຊື່ອໃນແບບທີ່ແປກປະຫລາດແລະບໍ່ເຄີຍເຫັນຢູ່ໃສມາກ່ອນ
ທ້າວຫຍາງ ຈື້ກັງ ມີຄວາມເຊື່ອທາງຮວງຈຸ້ຍວ່າ ສີເກົ່າຂອງໜ້າຜານັ້ນສົ່ງຜົນບໍ່ດີຕໍ່ເຮືອນຂອງພວກເຂົາ ແລະພວກເຂົາຈະມີຖິ່ນຖານທີ່ຢູ່ອາໄສໄດ້ໄກຫລາຍເທົ່າພື້ນທີ່ໜາຜາທີ່ຄຸມດ້ວຍສີຂຽວ ດັ່ງນັ້ນພວກເຂົາຈຶ່ງສັ່ງໃຫ້ຄົນງານ 5-6 ຄົນ ປີນເຊືອກຂຶ້ນໄປທາສີໜ້າຜາໃຫ້ເປັນສີຂຽວຄືທີ່ເຫັນ ໂດຍໃຊ້ເວລາຫລາຍກວ່າອາທິດໃນການເຮັດໃຫ້ໜ້າຜາທີ່ມີຄວາມສູງເຖິງ 900 ແມັດ ແລະມີພື້ນທີ່ປະມານ 2,000 ຕາແມັດ ກາຍເປັນສີຂຽວທັງໝົດ ເຊີ່ງບາງຄົົນທີ່ເຫັນນຳກໍບອກວ່າສີຂຽວນີ້ເບິ່ງເປັນຕາຢ້ານພຶລຶກ
ຢ່າງໃດກໍດີທາງຫນ່ວຍງານເຈົ້າຫນ້າທີ່ທ້ອງຖິ່ນໄດ້ເຂົ້າກວດສອບກໍລະນີດັ່ງກ່າວເຊີ່ງສ້າງຄວາມເສຍຫາຍໃຫ້ກັບພື້ນທີ່ທຳມະຊາດເປັນວົງກວ້າງ ຂະນະທີ່ທ້າວຫຍາງໄດ້ອ້າງວ່າເປັນການປັບປຸງຄັ້ງໃຫຍ່ໃຫ້ສວຍງາມ ບໍ່ເຫັນວ່າຈະມີສິ່ງໄດ້ຜິດແຕ່ຢ່າງໃດ
