ພາຍຸໄຕ້ຝຸ່ນເຊົາເດລໍ ພາຍຸກຳລັງແຮງທີ່ສຸດຕົ້ນປີນີ້ ກຳລັງພັດຜ່ານເຂົ້າປະເທດ ຍີ່ປຸ່ນ ໄຕ້ຫວັນ ແລະ ຈີນ 6 – 7 ສິງຫານີ້
ສຳນັກຂ່າວຕ່າງປະເທດ ລາຍງານວ່າ ຈີນ ໄຕ້ຫວັນ ແລະຍີ່ປຸ່ນ ກຳລັງວາງແຜນການເພື່ອຮັບມືກັບໄຕ້ຝຸ່ນເຊົາເດລໍ ພາຍຸທີ່ຮຸນແຮງທີ່ສຸດໃນປີ 2015 ຫລັງຈາກເຂົ້າຖະຫລົ່ມໝູ່ເກາະ ນໍເທິນ ມາເຣຍນ່າ ຂອງສະຫາຣັ ທາງມະຫາສະມຸດປາຊິີຟິກ ແລະສ້າງຄວາມເສຍຫາຍຢ່າງຫລວງຫລາຍ ເທິງເກາະໄຊປັນ ເຊີ່ງກົມອຸຕຸເຕືອນໄພໄຕ້ຝຸ່ນຂອງກອງທັບເຮືອສະຫາຣັດ ລະບຸວ່າ ໄຕ້ຝຸ່ນເຊົາເດລໍ ກຳລັງເຄື່ອນຕົວຢູ່ມະຫາສະມຸດປາຊິຟິກ ໂດຍມີຄວາມໄວລົມຫລາຍກວ່າ 257.5 ກມ./ຊມ. ແລະມີຄວາມໄວລົມພັດ ເຖິງ 321 ກມ./ຊມ. ທຽບເທົ່າກັບພາຍຸເຮີລິເຄນລະດັບ 5 ເຊີ່ງເປັນລະດັບສູງສຸດ ເຊີ່ງນັກອຸຕຸນິຍົມວິທະຍາຂອງແອກຄິວເວດເທີ ສະຫາຣັດລະບຸວ່າ ກຳລັງເກີດຄວາມກັງວົນຂຶ້ນທີ່ໄຕ້ຫວັນ ແລະໝູ່ເກາະລິວກິວ ເຊີ່ງເປັນເກາະທາງຕະເວັນຕົກສຽງໃຕ້ຂອງເກາະຄິວຊູ ຂອງປະເທດຍີ່ປຸ່ນ ເຊີ່ງອາດຕ້ອງພົບກັບບັນຫາໄຕ້ຝຸ່ນເຊົາເດລໍ ຢ່າງໄວທີ່ສຸດ ໃນວັນທີ່ 6 – 7 ສິງຫາ ທີ່ຈະມາເຖິງນີ້ ແລະພາຍຸຈະເຄື່ອນຕົວໄປພາກຕະເວັນອອກຂອງຈີນ ໃນອາທິດໜ້າ ຢ່າງໃດກໍຕາມ ເຊື່ອວ່າ ເມື່ອເຖິງຕອນນັ້ນພາຍຸຈະອ່ອນກຳລັງລົງເປັນພາຍຸລະດັບ 4 ຫລື 3 ແລ້ວ