ສຳນັກຂ່າວໄທ ລາຍງານໃນວັນທີ 4 ສິງຫານີ້ວ່າ ລັດຖະບານໄທປະກາດໃຊ້ກົດໝາຍລິຂະສິດສະບັບໃໝ່ ຊຶ່ງມີຜົນບັງຄັບໃຊ້ນັບແຕ່ວັນທີ 4​ ສິງຫາເປັນຕົ້ນໄປນີ້ ໂດຍມີເປົ້າໝາຍຄຸ້ມຄອງຜົນງານຂອງເຈົ້າຂອງລິຂະສິດດັ່ງເດີມທຸກປະເພດ ນັບຕັ້ງແຕ່ບົດຄວາມ, ໜັງສື, ຊອບແວຣ໌, ເພງ, ຮູບພາບ, ຮູບແຕ້ມ, ພາບຂ່າວ ຕະຫລອດຮອດຮູບເງົາ ຊຶ່ງທ່ານນາງ ມາລີ ໂຊກລ້ຳເລີດ ຫົວໜ້າກົມຊັບສິນທາງປັນຍາຂອງໄທ ໄດ້ກ່າວວ່າ ໃນກໍລະນີຫາກຜູ້ໃຊ້ງານທາງອິນເຕີເນັດ ຫາກນຳເອົາຮູບພາບ ຫລື ວີດີໂອ ທີ່ໄດ້ມາຈາກການຄົ້ນຫາໃນ google ຫລື ເວັບໄຊ້ອື່ນໆ ແລ້ວນຳມາຕັດຊື່ເຄຣດິດອອກ ເພື່ອແອບອ້າງເປັນຜົນງານຂອງຕົນເອງ ຫລື ເອົາໄປໃຊ້ໂພສຕ໌ຕໍ່ໂດຍບໍ່ມີການໃຫ້ແຫລ່ງທີ່ມາ ຫລື ເຄຣດິດ ກໍຈະມີຄວາມຜິດຂໍ້ຫາລະເມີດລິຂະສິດ ຊຶ່ງຈະມີໂທດປັບໃໝ ນັບຕັ້ງແຕ່ 20,000 ບາດ ຫາຂັ້ນໜັກສຸດເຖິງ 800,000 ບາດ.