ຂປລ. ຕາມ​ຂ່າວ​ຕ່າງປະ​ເທດ, ວັນ​ທີ 3 ສິງຫາ 2015​, ຜູ້​ວ່າການ ​ລັດແຄ​ລິ​ຟໍ​ເນຍ ຂອງ​ສະຫະລັດ ໄດ້​ເລັ່ງອົບ​ພະຍົບປະຊາຊົນ 6.000 ຄອບຄົວ ​ໃນທົ່ວ​ລັດອອກ​ຈາກ​ ເຂດ​ໄຟ​ໄໝ້​ປ່າ ຮຸນ​ແຮງ 21 ຈຸດ ກວມ​ເອົາ 306.250 ​ເຮັກຕາ ​ຢູ່ທາງ​ພາກ​ຕາ​ເວັນ​ຕົກ ​ຍ້ອນ​ສະພາບ ​ອາກາດ​ແຫ້ງ​ແລ້ງ​.

​ຜູ້​ວ່າການ​ລັດ ​ແຄ​ລິ​ຟໍ​ເນຍ ​ເປີດ​ເຜີຍ​ຕື່ມວ່າ: ​ເຈົ້າ​ໜ້າ​ທີ່ ດັບ​ເພີງ ພວມ​ລະດົມ​ ກຳລັງ​ເຂົ້າ​ໄປ​ ຄວບ​ຄຸມຕົ້ນ​ເພິ​ງ. ສາ​ເຫດໄຟ​ໄໝ້​ປ່າ ສ່ວນ​ໃຫຍ່ ​ເກີດ​ຈາກ​ຟ້າຜ່າ ປະກອບ​ ກັບ​ ສະພາບ​ອາກາດ ​ແຫ້ງ​ແລ້ງ ທີ່​ເປັນ​ອຸປະສັກ ຕໍ່​ການ​ຄວບ​ຄຸມ​ໄຟ. ຂະນະ​ນີ້ ​ ​​ເຮືອນ​ປະຊາຊົນ ​ແລະ ​ຕຶກ ພວມ​ກໍ່ສ້າງ​ຖືກ​ໄຟ​ໄໝ້​ໄປ 50 ກວ່າ​ຫລັງ, ພະນັກງານ ​ດັບ​ເພິ​ງ ​ເສຍ​ຊີວິດ 1 ຄົນ ​ແລະ ​ຕ້ອງ​ປິດ​ເສັ້ນທາງ​ຫລວງ ​ເຮັດ​ໃຫ້ການ​ເດີນທາງ​​ໃນ​ໄລຍະ​ນີ້​ຕິດ​ຂັດ. ລັດ​ແຄ​ລິ​ຟໍເນຍ ​ເກີດສະພາບ​ອາກາດ ​​ໄພ​ແຫ້ງ​ແລ້ງ​ຂຶ້ນ​ ຢ່າງ​ຮ້າຍ​ແຮງ​ຕິດ​ຕໍ່​ກັນ​ເປັນ​ປີ​ທີ່ 4 ​ແລ້ວ.

ຂອບໃຈຂ່າວຈາກ: