spot_img
Homeຂ່າວພາຍ​ໃນSACOMBANK ຍົກລະດັບສາຂາ ເປັນທະນາຄານລົງທຶນຢູ່ລາວ 100%

SACOMBANK ຍົກລະດັບສາຂາ ເປັນທະນາຄານລົງທຶນຢູ່ລາວ 100%

Published on

sacom+bank

ພາຍຫລັງ, ທະນາຄານຫຸ້ນສ່ວນ ໄຊງ່ອນ ເທື່ອງຕິນ ຫລື ຊາຄອມແບ໋ງ( SACOMBANK) ໄດ້ເຂົ້າມາເປີດສາຂາເພື່ອດຳເນີນທຸລະກິດໃຫ້ບໍລິການດ້ານການເງິນຢູ່ລາວນັບແຕ່ທ້າຍປີ 2008 ເປັນຕົ້ນມາ ແລະ ເຫັນວ່າການ ເຄື່ອນໄຫວຂອງທະນາຄານມີບາດກ້າວເຕີບໃຫຍ່ຂະ ຫຍາຍໂຕເປັນລຳດັບ ແລະ ໄດ້ຮັບຄວາມເຊື່ອໝັ້ນຈາກສັງຄົມນັບມື້ເພີ່ມຂຶ້ນ, ດັ່ງນັ້ນໃນວັນທີ 3 ສິງຫາ 2015 ນີ້, ໂດຍໄດ້ຮັບອະນຸຍາດຈາກທະນາຄານແຫ່ງ ສປປ ລາວ ແລະ ທະນາຄານ ແຫ່ງຊາດ ສສ ຫວຽດນາມ, ທະນາຄານຊາຄອມແບ໋ງຈຶ່ງໄດ້ຍົກ ລະດັບສາຂາຂຶ້ນເປັນ ທະນາຄານລົງທຶນ ຈາກຕ່າງປະເທດ100%, ເຊິ່ງນັບວ່າແມ່ນ ບາດກ້າວໜຶ່ງທີ່ສຳຄັນເພື່ອ ຢັ້ງຢືນໃຫ້ເຫັນເຖິງການ ເຕີບໃຫຍ່ຂອງການດຳເນີນທຸລະກິດ ຂອງທະນາຄານດັ່ງກ່າວ.

ຜູ້ລາຍງານຂ່າວໃຫ້ຮູ້ວ່າ: ປັດຈຸບັນ, ທະນາຄານຊາຄອມແບ໋ງມີ 417 ສາຂາ ແລະ 428 ໜ່ວຍບໍລິການຢູ່ຫວຽດ ນາມ, ນອກຈາກນີ້ຍັງມີ 7 ສາຂາລົງທຶນ 100% ຢູ່ປະເທດກຳປູເຈຍ ແລະ 2 ສາຂາຢູ່ລາວໂດຍມການເຄື່ອນ ໄຫວຮູບ ແບບທະນາຄານທຸລະກິດ ແລະ ມີ ທຶນຈົດທະບຽນທັງໝົດ 39 ລ້ານໂດລາສະຫະລັດສະເພາະຢູ່ລາວ, ເຊິ່ງມີຫລາກຫລາຍຜະລິດຕະພັນໃຫ້ບໍລິການດ້ານການເງິນຄື : ສີນເຊື່ອເພື່ອການຊື້ດິນ, ປຸກສ້າງ ແລະ ສ້ອມແປງທີ່ພັກອາໄສ, ສີນເຊື່ອເພື່ອການລົງທຶນ-ເພີ່ມທຶນ ໝູນວຽນໃນທຸລະກິດ, ການຊົມໃຊ້, ບໍລິການເງິນຝາກ, ໂອນເງິນພາຍໃນ ແລະ ຕ່າງປະເທດ, ບໍລິການບັດເອທີເອັມ(ATM) ແລະ ອື່ນໆ ໃຫ້ແກ່ບຸກຄົນ, ນິຕິບຸກຄົນ, ວິສາຫະກິດຕ່າງໆທີ່ລົງທຶນ ຢູ່ລາວ ເພື່ອປະກອບສ່ວນເຂົ້າໃນການພັດທະນາເສດຖະກິດ ແລະ ສັງຄົມລາວເຂັ້ມແຂງດີຂຶ້ນເທື່ອລະກ້າວ.

 

ຂອບໃຈຂ່າວຈາກ:

ລພນ

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...