spot_img
Homeຂ່າວເຫດການຖະແຫລງຂ່າວ ວັນສ້າງຕັ້ງ ຄະນະສັນຕິພາບ ແລະ ສາມັກຄີລາວ ຄົບຮອບ 32 ປີ

ຖະແຫລງຂ່າວ ວັນສ້າງຕັ້ງ ຄະນະສັນຕິພາບ ແລະ ສາມັກຄີລາວ ຄົບຮອບ 32 ປີ

Published on

DSC_0466

​ເນື່ອງ​​ໃ​ນ​ໂອກາດ​ສະ​ເຫລີ​ມສະຫລອງ​ວັນ​ສ້າງ​ຕັ້ງ​ຄະນະ​ສັນຕິພາບ ​ແລະ ສາມັກຄີ​ລາວ ຄົບຮອບ 32 ປີ (1/8/ 1983-1/8/2015) ​ແລະ ວັນ​ສາກົນ ​ເພື່ອ​ສັນຕິພາບ 21 ກັນຍາ ປະຈຳ​ປີ 2015 ຄະນະສັນຕິພາບ ແລະ ສາມັກຄີລາວເຮົາ ກໍໄດ້ຈັດງານຖະແຫລງຂ່າວ ເພື່ອຍົກໃຫ້ເຫັນບົດບາດ ແລະ ໜ້າທີ່ອັນສໍາຄັນຂອງ ຄະນະດັ່ງກ່າວ ຂຶ້ນ​ທີ່​ສະມາຄົມ​ນັກ​ຂ່າວ​ແຫ່ງ ສປປ ລາວ, ນະຄອນຫລວງ​ວຽງ​ຈັນ ໃນ​ວັນ​ທີ 31 ກໍລະກົດ​ນີ້ ໂດຍທ່ານປະທານຄະນະກຳມະການດັ່ງກ່າວ ຄຳພັນ ສິມມາລາວົງ ໄດ້ມີຄວາເຫັນໃນພິທີວ່າ: ຄະນະ​ສັນຕິພາບ ​ແລະ ສາມັກຄີ​ຂອງ​ລາວ ​ສ້າງ​ຕັ້ງ​ຂຶ້ນ​ເພື່ອ​ປຸກລະດົມ ແລະ ​ໂຄສະ​ນາ ​ເຜີຍແຜ່ເພື່ອເຮັດ​ໃຫ້​ປະຊາຊົນ​ບັນ​ດາ​ເຜົ່າ​ໃຫ້​ຮັບ​ຮູ້ ​ແລະ ​ເຂົ້າ​ໃຈ​ຢ່າງ​ກ້ວາງ​ຂວາງ ກ່ຽວ​ກັບ​ວຽກງານ​ສັນຕິພາບ, ເພີ່ມ​ຄວາມ​ເຂົ້າ​ໃຈ​ໃນ​ການ​ປະກອບສ່ວນ​ຕໍ່ສູ້​ເພື່ອ

​ສັນຕິພາບ​ໂລກ, ສຶກສາ​ອົບຮົມ​​ປະຊາຊົນ​ລາວ ບັນດາ​ເຜົ່າ​ເຂົ້າ​ໃຈ​ເຖິງ​ຄວາມ​ຈຳ​ເປັນ​ທີ່​ຕ້ອງ​ປະກອບ ສ່ວນ​ຕໍ່ສູ້ ​ແລະ ​ເສີມ​ສ້າງສັນ​ຕິ​ພາບ, ​ເພື່ອ​ການພັດທະນາ, ຕ້ານ​ການ​ຫັນປ່ຽນ​ໂດຍສັນຕິ ​ແລະ ​ແບ່ງ​ແຍ​ກຄວາມ​ສາມັກຄີ​ຂອງ​ຝ່າຍ​ທີ່​ເປັນ​ປໍ​ລະ​ປັກ, ​ເປີດ​ກວ້າງ​ການ​ພົວພັນ ​ແລະ ການ​ຮ່ວມ​ມື​ແບບ​ສອງ​ຝ່າຍ​ກັບ​ບັນດາ​ອົງການ​ຈັດ​ຕັ້ງ​ ສັນຕິພາບ ​ແລະ ອົງການ​ຈັດ​ຕັ້ງ​ອື່ນໆ​ຢູ່ຕ່າງປະ​ເທດ ​ເພື່ອ​ສົ່ງ​ເສີມ​ສັນຕິພາບ, ມິດຕະພາບ ​ແລະ ຄວາມ​ເຂົ້າ​ອົກ​ເຂົ້າ​ໃຈ​ເຊິ່ງກັນ ​ແລະ ກັນ. ​

ທ່ານ​ກ່າວ​ວ່າ: ​ທຸກໆ​ປີຜ່ານມາ, ຄະນະສັນຕິພາບລາວ​ເຮົາ​ ກໍໄດ້​ຈັດ​ກິດຈະກຳ​ຕ່າງໆ​ເຊັ່ນ: ຈັດ​ປະຖະກະຖາ​, ຍ່າງ​ເພື່ອສັນຕິພາບ, ​ແຂ່ງຂັນ​ແຕ້ມ​ຮູບ​ໃຫ້​​​ເດັກນ້ອຍ ​ໄດ້​ມີ​ສ່ວນ​ຮ່ວມ ​ແລະ ອື່ນໆ​, ​​ເຊິ່ງໃນ​ປີ​ນີ້, ທາງ​ຄະນະ​ສັນຕິພາບ ​ແລະ​ ຄວາມ​ສາມັກ​ຄີ​ລາວຈະ​​ໄດ້​ຈັດ​ປະຖະກະຖາ​ຂຶ້ນ​ຢູ່ມະຫາວິທະຍາ​ໄລ ແລະ ສະຖາບັນການສຶກສາຕ່າງໆ​ໃນແຂວງ​ພາກ​ເໜືອ, ພາກ​ໃຕ້ ​ແລະ ມະຫາວິທະຍາ​ໄລ​ແຫ່ງ​ຊາດ, ​ໂດຍການ​​ເລົ່າຄືນ​ມູນ​ເຊື້ອ ແລະ ປະຫວັດ​ຄວາມ​ເປັນມາຂອງອົງການ ແລະ ຈະເປັນການເປີດ​ກວ້າງ​ໃຫ້​ໂອກາດມວນ​ຊົນ​ທີ່​ເຂົ້າ​ຮ່ວມ​ປະຖະກະຖາ ໄດ້​ມີ​ຄຳ​ຖາມ​ກ່ຽວ​ກັບ​ວັນ​ດັ່ງກ່າວ ​ໃຫ້​ເຂົາ​ເຈົ້າ​​ໄດ້​ຮັບ​ຮູ້ ​ແລະ ​ເຂົ້າ​ໃຈເລິກເຊິ່ງຕື່ມອີກ.

ຄະນະ​ສັນຕິພາບ ​ແລະ ສາມັກຄີ​ຂອງ​ລາວ ​ເປັນ​ອົງການ​ຈັດ​ຕັ້ງມະຫາຊົນ​ໜຶ່ງ​ທີ່​ມີ​ງົບປະມານ ​ແລະ ກົງຈັກ​ສະ​ເພາະ​ຂອງ​ຕົນ, ການ​ເຄື່ອນ​ໄຫວ​ວຽກ​ງານ​​ແມ່ນ​ຢູ່​ພາຍ​ໃຕ້​ການ​ຊີ້ນຳ​ຂອງ​ຄະນະ​ພົວພັນ​ຕ່າງປະ​ເທດ​ສູນ​ກາງ​ພັກ, ​ເຊິ່ງ​ໄດ້​ຮ່ວມ​ມື​ກັບ​ສະພາ​ສັນຕິພາບ​ໂລກ, ອົງການ​ສາມັກຄີ​ກັບ​ປະຊາຊົນ​ອາຊີ-ອາ​ຟຣິກາ ​ແລະ ອາ​ເມ​ລິ​ການ​ລາ​ຕິນ. ມາ​ຮອດ​ປັດຈຸບັນ ຄະນະ​ສັນຕິພາບ ​ແລະ ຄວາມ​ສາມັກ​ຄີ​ຂອງ​ລາວ ​ໄດ້​ຫລຸດຜ່ອນ​ການ​ເຄື່ອນ​ໄຫວ​ວຽກ​ງານ​ໃນ​ສາກົນ, ​ໂດຍ​ເລັ່ງ​ໃສ່​ການ​ພົວພັນ​ຮ່ວມ​ມື​ຢ່າງ​ສະ​ໜິດ​ແໜ້ນ​ກັບ​ສອງ​ປະ​ເທດ​ເພື່ອນ​ມິດຍຸດ​ທະ​ສາດ​ຄື: ສສ ຫວຽດນາມ ​ແລະ ສປ ຈີນ ​ ແລະ ​ໄດ້​ສົ່ງ​ຄະນະ​ຜູ້​ແທນ​ໄປ​ຮ່ວມ​ກອງ​ປະຊຸມ​ສັນຕິພາບ​ປະຈຳ​ຂົງ​ເຂດ​ພາກ​ພື້ນ​ຕ່າງໆ​ທຸກໆ​ປີ ​ແລະ ພັດ​ປ່ຽນ​ກັນ​ເປັນ​ເຈົ້າ​ພາບ​ຈັດກອງປະຊຸມ​ສໍາຄັນຕ່າງໆອີກ​ດ້ວຍ.

 

ຂອບໃຈຂ່າວຈາກ:

ລພນ

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...