ວັນທີ່ 1 ສິງຫາທີ່ຜ່ານມາ ສຳນັກຂ່າວຕ່າງປະເທດລາຍງານວ່າ ສະຖານທູດຊາອຸດີອາລະເບຍ ກຸງລອນດອນ ຢືນຢັນ ພົບຜູ້ເສຍຊີວິດຈາກອຸປະຕິເຫດເຄື່ອງບິນຕົກໃກ້ກັບສະໜາມບິນແບຣກບຸດ ໃນມົນທົນແຮມເຊີລ໌ ທາງຕອນໃຕ້ຂອງອັງກິດ ເມື່ອວັນທີ່ (31 ກໍລະກົດ) ໂດຍໃນຈຳນວນຜູ້ເສຍຊີວິດ 4 ຄົນ ເປັນພີ່ນ້ອງຂອງໂອຊາມາ ບິນ ລາເດນ ອະດີດຜູ້ນຳກຸ່ມອັນກໍອິດ ຈຳນວນ 3 ຄົນ ແລະອີກຄົນເປັນນັກບິນ
ເຈົ້າຫນ້າທີ່ຕຳຫລວດ ເປີດເຜີຍວ່າ ເຄື່ອງບິນລຳດັ່ງກ່າວ ເປັນເຄື່ອງບິນສ່ວນຕົວຂອງຄອບຄົວບິນລາເດນ ໂດຍອອກເດິນທາງຈາກສະຫນາມບິນມັນເປນຊາ ເມືອງມິລານ ປະເທດອິຕາລີ ໄປຍັງສະໜາມບິນແບຣກບຸດ ເຂດແຮມເຊຍ ຂອງປະເທດອັງກິດ ຄາດວ່າປະສົບບັນຫາລະຫວ່າງບິນ ແລະພະຍາຍາມລົງຈອດສຸກເສີນ ເຮັດໃຫ້ເຄື່ອງບິນລຳດັ່ງກ່າວຕົກພື້ນ ເກີດການລະເບີດໄຟລຸກ ບໍລິເວນໃກ້ກັບລານຈອດລົດຂອງສຫນາມບິນແບຣກບຸດ ຈຶ່ງເຮັດໃຫ້ຜູ້ທີ່ໂດຍສານລວມເຖິງຄົນຂັບເສຍຊີວິດໃນທີ່ເກີດເຫດ