ມຽນ​ມາ​ຜະເຊີນ​ນ້ຳ​ຖ້ວມ​ຮຸນແຮງ​ຫລັງຈາກທີ່​ຝົນ​ຕົກ​ໜັກ​ ສົ່ງ​ຜົນ​ໃຫ້​ປະຊາຊົນຫລາຍ​ກວ່າ 1.500.000 ​ຄົນ​ ຕ້ອງ​ອົບພະ​ຍົບ ເມື່ອ​ວັນທີ່ 2 ສິງຫາ ສຳ​ນັກ​ງານ​ເພື່ອ​ການ​ປະ​ສານ​ງານ​ດ້າ​ນມະນຸດສະຍະ​ທຳ​ແຫ່ງ​ສະ​ຫະ​ປະ​ຊາ​ຊາດ (OCHA) ລາຍ​ງານ​ວ່າ ເຫດ​ຝົນ​ຕົກ​ໜັກ​ ​ກໍ່​ໃຫ້​ເກີດ​ນ້ຳ​ຖ້ວມ​ຄັ້ງ​ໃຫຍ່​ໃນ​ປະເທດ​ມຽນ​ມາສົ່ງ​ຜົນ​ໃຫ້​ມີ​ປະຊາຊົນ​ເສຍຊີວິດ​ຢ່າງ​ນ້ອຍ 27 ຄົນ ແລະໃນນັ້ນປະຊາຊົນຫລາຍກວ່າ 1.500.000 ​ຄົນ​ ຕ້ອງ​ອົບພະ​ຍົບ​ຍ້າຍ​ທີ່​ຢູ່​ອາໄສ ໂດຍ​ພື້ນ​ທີ່​ທີ່​ໄດ້ຮັບ​ຜົນ​ກະທົບ​ໜັດ​ສຸດ​ຄື ລັດ​ຍະ​ໄຂ່ ເນື່ອງ​ຈາກ ອາ​ຄານ ແລະ​ທີ່​ຫລົບ​ໄພ​ຮອບ​ເມືອງ​ຊິດ​ເວ ທີ່​ເປັນ​ເມືອງ​ຫລວງ​ຂອງ​ລັດ​ຍະ​ໄຂ່​ໄດ້ຮັບ​ຄວາມ​ເສຍ​ຫາຍ

ທັງ​ນີ້​ເມື່ອ​ມື້​ວັນສຸກ​ທີ່​ຜ່ານມາ ປະ​ທາ​ນາ​ທິບໍ​ດີ​ເຕັງ​ເສັ່ງ​ຂອງ​ມຽນ​ມາ ໄດ້​ປະ​ກາດ​ພາ​ວະ​ສຸກ​ເສີນ​ໃນ 4 ພື້ນ​ທີ່​ຂອງ​ປະເທດ​ຄື ລັດ​ສິ່ນ ລັດ​ຍະ​ໄຂ່ ເຂດ​ມະ​ເກວ ແລະ​ເຂດ​ສະ​ກາຍ ຫລັງ​ຈາກ​ເກີດ​ຝົນ​ຕົກ​ໜັກ​ກໍ່​ໃຫ້​ເກີດ​ນ້ຳ​ຖ້ວມ​ໃນ​ຫລາຍ​ພື້ນ​ທີ່