ດາວໂຫຼດເພງຈາກ Apple Music ແບບ Offline

ຕອນ​ນີ້​ໃຜ​ທີ່​ອັບ​ເດດ iOS 8.4 ແລ້ວ​ຕ້ອງ​ລອງ​ສຳ​ພັດ​ກັບ​ຂອງ​ຫຼີ້ນ​ໃໝ່ Apple Music ເບິ່ງ​ເນາະ ບໍ​ລິ​ການ​ເພງ​ອອນ​ລາຍ​ຂອງ​ແອັບ​ເປີ້ນ​ທີ່​ຫາ​ກໍ​ ເປີດ​ໃຫ້​ບໍ​ລິ​ການ​ສົດໆ​ຈົນ​ອາ​ກາດ​ຮ້ອນ ຫຼັງ​ຈາກ​ທີ່ Mobiletalk ພວກ​ເຮົາ​ໄດ້​ທົດ​ສອບ​ການ​ໃຊ້​ບໍ​ລິ​ການ​ມາ ໜ້າ​ປະ​ທັບ​ໃຈ​ຫຼາຍ​ທັງ​ຄຸນ​ນະ​ພາບ​ສຽງ​ແລະ​ລະ​ບົບ​ຄົ້ນ​ຫາ​ທີ່​ສະ​ດວກ​ງ່າຍ ບໍ​ລິ​ການ Apple Music ນີ້​ມີ​ເພງ​ໃຫ້​ຟັງ​ຫຼາຍ​ພໍ​ສົມ​ຄວນ ລວມ​ເຖິງ​ທຸກໆ​ເພງ​ທີ່​ຢູ່​ໃນ Apple Music. ບາດ​ນີ້​ເຮົາ​ກໍ​ເລີຍ​ມີ​ວິ​ທີ​ແນະ​ນຳ​ວິ​ທີ​ດາວ​ໂຫຼດ​ເພງ​ຈາກ Apple Music ມາ​ເກັບ​ໄວ້​ໃນ​ເຄື່ອງ ເພື່ອ​ທີ່​ຈະ​ໄດ້​ຟັງ​ແບບ Offline ເພື່ອ​ບໍ່​ໃຫ້​ເປືອງ​ເນັດ​.

ເລີ່ມການໃຊ້ງານ
Apple Music

1. ເປີດແອັບແລະໃຫ້ເຮົາໄປເລືອກເພງທີ່ຕ້ອງການດາວໂຫຼດມາເກັບໄວ້ ຈາກແທັບ For You ຫຼື New ກໍໄດ້.

2. ກົດໄປບ່ອນ……ທ້າຍຊື່ເພງແລ້ວເລືອກ Make Available Offline ເພງທີ່ຖືກເລືອກຈະດາວໂຫຼດມາເກັບໄວ້ເທິງເຄື່ອງກົດເບິ່ງໄດ້ຈາກ My Music.

3. ຕອນນີ້ Apple ໃຫ້ທົດລອງໃຊ້ 3 ເດືອນ ໃຜຢາກລອງ ກໍສະໝັກໃຊ້ງານເບິ່ງໄດ້ເລີຍ.

Apple Music ຖືວ່າຄຸມຄ່າສຸດໆເພາະເຮົາໄດ້ເລືອກຟັງເພງໃດກໍໄດ້ທຸກໆທີ່ຢູ່ Apple Music ດ້ວຍຄ່າເຊົ່າຖືກໆ ແຕ່ຕອນນີ້ເຮົາສາມາດທົດລອງໃຊ້ງານ Apple Music ໄດ້ສາມເດືອນກາຍສາມເດືອນແມ່ນເສຍເງິນຄ່າເຊົ່າຕໍ່ເດືອນ.

ພາບ ແລະ ຂໍ້ມູນຈາກ MobileTalk.TV

http://mobiletalk.tv/