ຜອ ສູນວິໄຈເອມສ໌ ຂອງນາຊ່າ ອອກມາກ່າວເທື່ອທຳອິດວ່າ ກວດພົບແສງເຄື່ອນທີ່ໄດ້ ເທິງດາວເຄາະຊື່ເຄບເລີ-22ບີ (Kepler-22b) ເຊື່ອວ່າເປັນມະນຸດຕ່າງດາວ
ອົງການບໍລິຫານການບິນ ແລະອາວະກາດແຫ່ງຊາດ (ນາຊ່າ) ຂອງສະຫາລັດອະເມລິກາ ໄດ້ອອກມາຖະແຫລງຂ່າວຢືນຢັນເທື່ອທຳອິດກ່ຽວກັບການຄົ້ນພົບ ທີ່ຄາດວ່າເປັນສິ່ງມີຊີວິດເທິງດາວເຄາະ ເຄບເລີ-22ບີ (Kepler-22b) ທີ່ຢູ່ຫ່າງໄປຈາກໂລກປະມານ 600 ປີແສງ ອີກທັງຍັງພົບວ່າມີແຫລ່ງນ້ຳ ລວມທັງອຸນຫະພູມເທິງດາວເຄາະດັ່ງກ່າວ ຍັງໃກ້ຄຽງກັບໂລກອີກໂດຍຢູ່ທີ່ ປະມານ 22 ອົງສາໂດຍກ້ອງຂອງຍານສຳຫລວດອາວະກາດຂອງນາຊ່າ ຍັງສາມາດຈັບພາບແສງສະຫວ່າງກຳລັງເຄື່ອນທີ່ເທິງ ເຄບເລີ-22ບີ ແລະຍັງມີຮ່ອງຮອຍນ້ອຍໆ ຕາມມາຫລັງຈາກແສງເດິນທາງຜ່ານໄປ ເຊີ່ງທາງນາຊ່າ ເຊື່ອວ່າໜ້າຈະເປັນສິ່ງທີ່ມີຊີວິດ ຫລືທີ່ເອີ້ນວ່າມະນຸດຕ່າງດາວ
ດ້ານພີດ ວໍເດນ ຜູ້ອຳນວຍການສູນວິໄຈເອມສ໌ ຂອງນາຊ່າ ໃນລັດແຄລິຟໍເນຍ ກ່າວຍອມຮັບວ່າ ເຮົາໄດ້ເຂົ້າໄປໃກ້ດາວເຄາະຫລາຍ ແລະໃກ້ທີ່ຈະພົບສິ່ງມີຊີວິດເທິງດາວເຄາະແລ້ວ
ທັງນີ້ເຄບເລີ-22ບີ (Kepler-22b) ຢູ່ຫ່າງໄປຈາກໂລກ 600 ປີແສງ ໃຫຍ່ກວ່າໂລກປະມານ 2.4 ເທົ່າ ໂຄຈອນຮອບດາວເລິກທີ່ຄ້າຍດວງອາທິດ ແລະເປັນໜຶ່ງໃນດາວເຄາະທີ່ຢູ່ນອກລະບົບສຸລິຍະທີ່ອົງການນາຊ່າຄົ້ນພົບ