ພົບ​ກະ​ໂຫລກ​ປິດ​ສະໜາ ໃນ​ຍຸກ​ບູຮານ ບໍລິເວນສະ​ໂຕນ​ເຮນ ອະນຸສອນ​ສະຖານ​ ຍຸກ​ກ່ອນ​ປະຫວັດສາດ ໃນ​ປະເທດລັດ​ເຊຍ ເຊີ່ງ​ຄາດ​ວ່າ​ໜ້າ​ຈະ​ມີ​ອາ​ຍຸ​ເກົ່າ​ແກ່​ກວ່າ 4,000 ປີ ກ່ອນ ຄ.ສ

ວັນທີ່ 27 ທີ່ຜ່ານມາ ສຳ​ນັກ​ຂ່າວ​ຕ່າງ​ປະເທດ​ລາຍ​ງານ ການ​ຂຸດ​ພົບ​ກະ​ໂຫລກ​ປິດ​ສະໜາ ໃນ​ຍຸກ​ບູຮານ ບໍລິເວນ​ສະ​ໂຕນ​ເຮນ ອະນຸສອນ​ສະຖານ ​ຍຸກ​ກ່ອນ​ປະຫວັດສາດ ກາງ​ທຸ່ງ​ລາບ​ກວ້າງ​ໃຫຍ່​ເທິງ​ທົ່ງຮາບ​ຊອນບຣີ ໃນ​ປະເທດ​ລັດ​ເຊຍ ເຊີ່ງ​ຄາດ​ວ່າ​ໜ້າ​ຈະ​ມີ​ອາ​ຍຸ​ເກົ່າ​ແກ່​ກວ່າ 4,000 ປີ ກ່ອນ​ ຄ.ສ

ແຕ່​ທີ່​ໜ້າ​ປະ​ຫລາດ​ໃຈ​ກໍ​ຄື ຫົວ​ກະ​ໂຫລກ​ຂອງ​ໂຄງ​ກະດູກ​ດັ່ງ​ກ່າວ ມີ​ຄວາມ​ແຕກ​ຕ່າງ​ໄປ​ຈາກ​ຫົວ​ກະ​ໂຫລກ​ຂອງ​ມະນຸດ​ທົ່ວ​ໆ​ໄປ ໂດຍ​ໄດ້​ມີ​ການ​ສະແດງ​ຄວາມ​ຄິດ​ເຫັນ​ວ່າ​ກະ​ໂຫລກ​ນີ້​ອາດ​ເປັນ​ຂອງ​ມະນຸດ​ຕ່າງ​ດາວ ຂະນະ​ທີ່​ບາງ​ຝ່າຍ​ໃຫ້​ຄວາມ​ເຫັນ​ວ່າ​ເປັນ​ຫົວ​ກະ​ໂຫລກ​ມະນຸດ​ຂອງ​ຊົນ​ເຜົ່າ​ແປກ​ພິເສດ

ທັງ​ນີ້​ທັງ​ນັ້ນ ກະ​ໂຫລກ​ທີ່​ພົບ ມີ​ຄວາມ​ຄ້າຍ​ຄືກັບ​ກະ​ໂຫລກ​ມະນຸດ​ແຕ່​ມີ​ລັກສະນະ​ຍາວ​ກວ່າ ຮູບ​ຮ່າງ​ຄືກັບ​ໄຂ່ ເຊີ່ງ​ຜູ້​ຊ່ຽວຊານ​ດ້ານ​ UFO ໃຫ້​ຄວາມ​ສົນ​ໃຈ​ກັບ​ກະ​ໂຫລ​ກ​ນີ້​ແລະ​ຢືນຢັນ​ວ່າ​ນິ້ເປັນ​ຫລັກ​ຖານ​ຂອງ​ມະນຸດ​ຕ່າງ​ດາວ​ທີ່​ເຄີຍ​ມາ​ເຍືອນ​ໂລກ​ເທື່ອ​ໜຶ່ງ

ສ່ວນ​ທາງ​ດ້ານ​ນັກ​ບູຮານຄະດີ​ໄດ້​ຢືນຢັນ​ວ່າ​ຫົວ​ກະ​ໂຫລກ​ນີ້​ເປັນ​ຂອງ​ມະນຸດ​ເພດ​ຍິງ​ເມື່ອ 4,000 ປີ​ກ່ອນ​ ຄ.ສ ​ຫົວ​ກະ​ໂຫລກ​ນີ້​ຈຶ່ງ​ມີ​ຄວາມ​ຍາວ​ກວ່າ​ກະ​ໂຫລກ​ມະນຸດ​ໃນ​ປະຈຸບັນ

ໂດຍ​ນັກ​ວິ​ໄຈ​ນາມ​ວ່າ ມາ​ເລຍ ມາກຸ ​ໂລ​ວາ ໄດ້​ເປີດ​ເຜີຍ​ຜ່ານ ສື່ ‘ລັດ​ເຊຍ ເອດ​ເອດ’ ກະ​ໂຫລກ​ນີ້​ຖືກ​ເກັບ​ຮັກສາ​ສະພາບ​ໄວ້​ເປັນ​ຢ່າງ​ດີ ແລະ​ອາດຈະ​ເປັນ​ມະນຸດ​ຂອງ​ເຜົ່າ​ທີ່​ອາໄສ​ໃນ​ບໍລິເວນ​ເມືອງ​ອາ​ເຄມ ໃກ້​ເມືອງ​ເຊນ​ຢາ​ບິ​ນກ໌ ໃນ​ພາກ​ກາງ​ຂອງ​ລັດ​ເຊຍ ເຊີ່ງ​ເຜົ່າ​ນີ້​ມີ​ປະເພນີ​ມັດ​ຫົວ​ຜູ້​ທີ່​ຍັງ​ຢູ່ໃນ​ໄວ​ຫນຸ່ມ ເພື່ອ​ໃຫ້​ຫົວ​ຍາວ​ຜິດ​ຮູບ​ຊົງ ເນື່ອງ​ຈາກ​ເປັນ​ປະເພນີ​ປະຈຳ​ຊົນ​ເຜົ່າ

ຢ່າງໃດ​ກໍ​ຕາມ​ຈາກ​ຄວາມ​ຄິດ​ເຫັນ​ຂອງ​ນັກ​ວິທະຍາ​ສາດ ຄາດ​ການວ່າ​ຫົວ​ກະ​ໂຫລກ​ຫົວ​​ນີ້ ອາດຈະ​ມາ​ຈາກ​ມະນຸດ​ໃນ​ຊ່ວງ​ທົດສະ​ວັດ​ທີ່ 2 ຫລື 3

ທັງ​ນີ້ ເຊື່ອ​ວ່າ​ສະ​ໂຕນ​ເຮນຈ໌​ຂອງ​ລັດ​ເຊຍ​ຖືກ​ສ້າງ​ 4,000 ປີ​ກ່ອນ​ ຄ.ສ ສ່ວນ​ບໍລິເວນ​ແຖບ​ອາ​ເຄມ​ຖືກ​ຄົ້ນ​ພົບ​ໃນ​ປີ 1987 ແລະ​ກາຍ​ເປັນ​ບູຮານ​ສະຖານ​ສຳຄັນ​ສຳລັບ​ການສຶກສາ​ຍຸກ​ສຳ​ລິດ