ເກີດເຫດອາດຊະຍາກຳໃນຮ່ອງກົງ ຜູ້ຈັດການເທັກແຫ່ງໜຶ່ງໂວຍລູກຄ້າຊາວລັດເຊຍບໍ່ຍອມອອກຈາກຮ້ານ ຄວ້າມີດຟັນບໍ່ຍັ້ງ
ຕາມຂ່າວຕ່າງປະເທດ ວັນທີ່ 29 ເວັບໄຊຕ໌ຊ່ຽງໄຮ້ອິດຕ໌ ລາຍງານວ່າ ເກີດເຫດອາດຊະຍາກຳໃນຮ່ອງກົງ ຫລັງຈາກກ້ອງວົງຈອນປິດສາມາດຈັບພາບຄະນະທີ່ຜູ້ຈັດການເທັກແຫ່ງໜຶ່ງກຳລັງໃຊ້ມີດກະໜ່ຳຟັນລູກຄ້າຊາວລັດເຊຍ ເຫດລູກຄ້າຄົນດັ່ງກ່າວບໍ່ຍອມອອກຈາກຮ້ານ ເມື່ອເຖິງເວລາປິດຮ້ານແລ້ວ
ເຊີ່ງເຫດດັ່ງກ່າວເກີດຂຶ້ນໃນເທັກ ເທິງຖະໜົນເຍົ່າຫົວ ພົບຊາວລັດເຊຍ ຮູ້ຊື່ ອະເຫລັກຊານເດີລ໌ ອາຍຸ 33 ປີ ຫລັງດື່ມເຫລົ້າກັບກຸ່ມໝູ່ເພື່ອນ ຈົນກະທັ່ງເວລາສາມໂມງເຊົ້າຕ້ອງປິດຮ້ານຕາມເວລາທ້ອງຖິ່ນ ສ່ວນຫລາຍກໍ່ກັບກັນໝົດແລ້ວ ເຫລືອພຽງແຕ່ ອະເຫລັກຊານເດີລ໌ ກັບໝູ່ອີກ 2 ຄົນ ທີ່ຍັງຄົງສັງສັນຢູ່
ຕໍ່ມາ ພະນັກງານ ເສິບຕ້ອງຍ່າງເຂົ້າໄປບອກໃຫ້ກັບ ແຕ່ອະເຫລັກຊານເດີລ໌ ບໍ່ຍອມ ຜູ້ຈັດການຮ້ານຈຶ່ງຕ້ອງຍ່າງເຂົ້າໄປປະທະກັບອະເຫລັກຊານເດີລ໌ດ້ວຍຕົນເອງ ສົ່ງຜົນໃຫ້ເປັນເລື່ອງໃຫ່ຍ ຈົນຜູ້ຈັດການຮ້ານທົນບໍ່ໄຫວ ຄວັກມີດປອກຫມາກໄມ້ຂະໜາດ 10 ນິ້ວ ຟັນອະເຫລັກຊານເດີລ໌ຢ່າງບໍ່ຍັ້ງມືຈົນຫູແລະນິ້ວຂາດ
ດ້ານພະຍານ ເຜີຍວ່າ ຫລັງຈາກເກີດເຫດດັ່ງກ່າວເຫັນອະເຫລັກຊານເດີລ໌ແລ່ນໄປລີ້ຢູ່ໃນລົດຕູ້ ຂະນະທີ່ຜູ້ຈັດການຮ້ານຍັງຄົງໃຈຮ້າຍຢູ່ ຮ້ອງດ່າອະເຫລັກຊານເດີລ໌ ພ້ອມທັງໃຊ້ມີດຟັນລົດຕູ້