spot_img
Homeມູມໄອທີລາວ8 ເຫດຜົນທີ່ຍັງບໍ່ຄວນອັບເກດເປັນ Windows 10

8 ເຫດຜົນທີ່ຍັງບໍ່ຄວນອັບເກດເປັນ Windows 10

Published on

8 เหตุผลที่ยังไม่ควรอัพเกรดเป็น Windows 10
8 ເຫດຜົນ​ທີ່​ຍັງ​ບໍ່​ຄວນ​ອັບ​ເກດ​ເປັນ Windows 10 ເປັນຫຍັງ​ເຖິງ​ບໍ່​ຄວນ​ອັບ​ເກດ Windows 10 ມາ​ເບິ່ງ​ກັນ
ເຊື່ອ​ວ່າ​ຫລາຍ​ຄົນ​ອາດຈະ​ກຳ​ລັງ​ລໍ​ຄອຍຖ້າ​ອັບ​ເກດ  Windows 10 ກັນ​ຢ່າງ​ໃຈ​ຈົດ​ໃຈ​ຈໍ່ ແລະ​ຕັ້ງ​ໃຈ​ວ່າ​ຈະ​ອັບ​ເກດ​ທັນ​ທີ​ເມື່ອ​ໄມ​ໂຄ​ຊອບ​ເປີດ​ໃຫ້​ອັບ​ເກດ ແຕ່​ໃນ​ຄວາມ​ເປັນ​ຈິງ​ແລ້ວ​ການ​ອັບ​ເກດ​ໄປ​ໃຊ້ Windows 10 ທັນ​ທີ​ເມື່ອ​ອອກ​ໃໝ່​ໆ ອາດ​ບໍ່ແມ່ນ​ສິ່ງ​ທີ່​ດີ​ສະເໝີ​ໄປ ຈຶ່ງ​ຄວນ​ພິຈາລະນາ​ໃຫ້​ດີ​ກ່ອນ​ຕັດ​ສິນ​ໃຈ​ອັບ​ເກດ ຈະ​ໄດ້​ບໍ່​ເສຍ​ໃຈ​ໃນ​ພາຍ​ຫລັງ ມື້​ນີ້​ເຮົາຈຶ່ງ​ໄດ້​ນຳ 8 ເຫດຜົນ​ທີ່​ຍັງ​ບໍ່​ຄວນ​ອັບ​ເກດ​ເປັນ Windows 10 ຈາກ​ເວັບ​ໄຊຕ໌  Yahoo ມາ​ໃຫ້​ໄດ້​ອ່ານ​ກ່ອນ​ຕັດ​ສິນ​ໃຈ​ກັນ

 1. ຍັງມີ​ເວລາ​ຕັດ​ສິນ​ໃຈ​ອີກ​ດົນ

ເຖິງແມ່ນວ່າ​ຜູ້​ໃຊ້ Windows 7 ແລະ Windows 8 ທຸກ​ຄົນ​ຈະ​ສາມາດ​ອັບ​ເກດ​ເປັນ Windows 10 ໄດ້​ຟຣີ ແຕ່​ນັ້ນ​ບໍ່​ໄດ້​ແປ​ວ່າ​ເຈົ້າ​ຄວນ​ຈະ​ຮີບ​ອັບ​ເກດ​ທັນ​ທີ ເພາະ​ບໍ່​ວ່າ​ຢ່າງໃດ​ໄມ​ໂຄ​ຊອບ​ກໍ​ຈະ​ຍັງ​ຄົງ​ໃຫ້​ການ​ສະໜັບສະໜູນ Windows 7 ໄປ​ຈົນ​ເຖິງ​ປີ 2020 ແລະ Windows 8 ເຖິງ​ປີ 2023 ແລະ​ເຈົ້າ​ກໍ​ຍັງມີ​ເວລາ​ອີກ​ເປັນ​ປີ​ທີ່​ຈະ​ອັບ​ເກດ​ເປັນ Windows 10 ໄດ້​ຟຣີ ແລ້ວ​ຈະ​ຮີບ​ໄປ​ເປັນຫຍັງ ແທ້ບໍ?

2. ອັບ​ແລ້ວ​ປ່ຽນ​ໃຈ​ພາຍຫລັງ​ບໍ່​ໄດ້

ເມື່ອ​ເຈົ້າ​ເລືອກ​ທີ່​ຈະ​ອັບ​ເກດ​ເປັນ  Windows 10 ຖ້າ​ຫາກ​ມີ​ບັນຫາ​ໃນ​ການ​ໃຊ້​ງານ​ແລະ​ຕ້ອງ​ການ​ຍ້ອນ​ກັບ​ໄປ​ໃຊ້ Windows ລຸ້ນ​ກ່ອນ​ໜ້າ​ຄົງ​ຈະ​ເປັນ​ເລື່ອງ​ຍາກ ເພາະ​ການ​ດາວ​ເກດ​ນັ້ນ​ເຮັດ​ບໍ່​ງ່າຍ​ແລະ​ອາດ​ເສຍ​ຂໍ້​ມູນ​ບາງ​ສ່ວນ​ໄປ​ດ້ວຍ ດັ່ງ​ນັ້ນ​ຄວນ​ຈະ​ໃຊ້​ເວລາ​ຕັດ​ສິນ​ໃຈ​ໃຫ້​ດີໆເສຍ​ກ່ອນ​ວ່າ​ເຈົ້າ​ພ້ອມ​ທີ່​ຈະ​ໃຊ້ Windows 10 ຫລື​ຍັງ
8 เหตุผลที่ยังไม่ควรอัพเกรดเป็น Windows 10

ເຖິງ​ບໍ່​ອັບ​ເກດ​ກໍ​ມີ​ຟີ​ເຈີລ໌​ໃໝ່​ໃຫ້​ໃຊ້

ເຖິງແມ່ນວ່າ  Windows 10 ຈະ​ມີ​ຟີ​ເຈີລ໌​ໃໝ່​ຫລວງຫລາຍ ແຕ່​ຫລາຍໆ ຟີ​ເຈີລ໌​ເຖິງແມ່ນ​ບໍ່​ອັບ​ເກດ​ເປັນ Windows ກໍ​ສາມາດ​ໃຊ້​ງານ​ໄດ້​ດ້ວຍ​ວິທີ​ອື່ນ​ຢູ່​ດີ ເຊັ່ນ Start Menu ແບບ​ດັ້ງ​ເດີມ​ທີ່​ສາມາດ​ໃຊ້​ວິທີ​ຕິດ​ຕັ້ງ​ໂປ​ແກມ​ໃຫ້​ມີ Start Menu ຄືເກົ່າໄດ້ ຫລື​ຢ່າງ​ບຣາວ​ເຊີ Microsoft Edge ນັ້ນແທ້ໆ ແລ້ວ​ກໍ​ບໍ່​ໄດ້​ມີ​ຟີ​ເຈີລ໌​ທີ່​ໂດດ​ເດັ່ນ​ໄປ​ກວ່າ Chrome ຫລື Firefox ປານໃດ

  4. ເວີລ໌​ຊັ່ນ​ທຳອິດມັກມີບັກຫລາຍ

Windows ທຸກ​ລຸ້ນ​ລວມ​ທັງ Windows ມັກ​ຈະ​ມີ​ບັກນັ້ນແຫລະ​ບັນຫາ​ການ​ໃຊ້​ງານ​ໃນ​ເວີລ໌​ຊັ່ນ​ທຳອິດ ເຊີ່ງ​ທີ່​ຜ່ານມາ​ໃນ​ໄລຍະ​ທົດສອບ Windows 10 Technical Preview ນັ້ນ​ກໍ​ຍັງ​ພົບ​ວ່າ​ບັກ​ບາງ​ສ່ວນ​ຍັງ​ບໍ່​ຖືກ​ແກ້​ໄຂ ແລະ​ຈະ​ຍັງ​ຄົງ​ຢູ່​ໃລ​ເວີລ໌​ຊັ່ນ​ຈຳ​ໜ່າຍ​ແທ້ ການ​ບໍ່​ຮີບ​ຮ້ອນ​ເປັນ​ໜູ​ທົດລອງ​ໃນ​ຊ່ວງ​ເວີລ໌​ຊັ່ນ​ທຳອິດ ອາດຈະ​ດີກວ່າ​ກໍ​ໄດ້
8 เหตุผลที่ยังไม่ควรอัพเกรดเป็น Windows 10

5. ປິດ​ອໍ​ໂຕ້​ອັບ​ເດດ​ບໍ່​ໄດ້

Windows 10 Home ຈະ​ບໍ່​ສາມາດ​ປິດ​ການ​ອັບ​ເດດ​ອັດ​ຕະໂນມັດ​ໄດ້ ເຊີ່ງ​ລະບົບ​ຈະ​ກໍ່ການ​ອັບ​ເດດ​ທັນ​ທີ​ເມື່ອ​ມີ​ອັບ​ເດດ​ໃໝ່​ໆ ໂດຍ​ບໍ່​ຖາມ​ຄວາມ​ສະໝັກ​ໃຈ​ຂອງ​ຜູ້​ໃຊ້​ເລີຍ ຖ້າ​ມີ​ອັບ​ເດດ​ໃດ​ມີ​ບັນຫາ​ຫລື​ຜູ້​ໃຊ້​ບໍ່​ພຶງ​ພໍ​ໃຈ ກໍ​ຕ້ອງ​ທຳ​ໃຈ​ກັນ​ສະຖານ​ດຽວ…

  6. ລາ​ກ່ອນ Windows Media Center

ໃນ  Windows 10 ໄດ້​ຕັດ Windows Media Center ອອກ​ໄປ ແລະ​ແນ່ນອນ​ວ່າ​ຖ້າ​ປົກກະຕິ​ເຈົ້າ​ໃຊ້ Windows Media Center ຢູ່​ເປັນ​ປະຈຳ ເຈົ້າ​ກໍ​ຍັງ​ບໍ່​ຄວນ​ອັບ​ເກດ​ເປັນ Windows 10

 7. ບາງ​ໂປ​ແກມ​ອາດ​ຍັງ​ບໍ່​ຮອງ​ຮັບ

ຖ້າ​ຫາກ​ເຈົ້າ​ມີ​ໂປ​ແກມ​ທີ່​ຈຳ​ເປັນ​ຕ້ອງ​ໃຊ້​ງານ ກໍ​ຄວນ​ກວດ​ສອບ​ໃຫ້​ແນ່​ໃຈ​ເສຍ​ກ່ອນ​ວ່າ​ສາມາດ​ໃຊ້​ງານ​ຮ່ວມ​ກັບ Windows 10 ໄດ້​ຫລື​ບໍ່ ເພາະ​ຖ້າ​ຕິດ​ຕັ້ງ Windows 10 ແລ້ວ​ພົບ​ວ່າ​ບໍ່​ຮອງ​ຮັບ​ໂປ​ແກມ​ທີ່​ຈຳ​ເປັນ​ຕ້ອງ​ໃຊ້​ງານ​ພາຍ​ຫລັງ ຮັບຮອງ​ວ່າ​ງານ​ເຂົ້າ​ແນ່ນອນ…

8. ສະ​ເປກ​ຄອມ​ອາດ​ແຮງ​ບໍ່​ພໍ

ຖ້າ​ຫາ​ກ​ຄອມພິວເຕີ​ຂອງ​ເຈົ້າ​ຂ້ອນ​ຂ້າງ​ເກົ່າ ສະ​ເປກ​ບໍ່​ຄ່ອຍ​ແຮງ ກໍ​ຕ້ອງ​ພິຈາລະນາ​ໃຫ້​ດີໆ ວ່າ​ຖ້າ​ຫາກ​ຕິດ​ຕັ້ງ Windows 10 ແລ້ວ​ຈະ​ໃຊ້​ງານ​ໄດ້​ດີ​ຫລື​ບໍ່ ເພາະ​ເຖິງແມ່ນວ່າ​ສະ​ເປກ​ຈະ​ເຖິງ​ຂັ້ນ​ຕ່ຳ​ທີ່​ໄມ​ໂຄ​ຊອບ​ໄດ້​ກຳນົດ​ໄວ້ ແຕ່​ກໍ​ບໍ່​ໄດ້​ໝາຍ​ຄວາມ​ວ່າ​ຈະ​ໃຊ້​ງານ​ໄດ້​ດີ​ສະເໝີ​ໄປ

ບົດຄວາມຫຼ້າສຸດ

ໂຄສະນາເຜີຍແຜ່ຜົນຮ້າຍຂອງຢາເສບຕິດ ແລະ ປະມວນກົດໝາຍອາຍາສະບັບປັບປຸງ ປີ 2017 ວ່າດ້ວຍການກະທຳຜິດກ່ຽວກັບຢາເສບຕິດ.

ພິທີໂຄສະນາເຜີຍແຜ່ຜົນຮ້າຍຂອງຢາເສບຕິດ ແລະ ປະມວນກົດໝາຍອາຍາສະບັບປັບປຸງ ປີ 2017 ວ່າດ້ວຍການກະທຳຜິດກ່ຽວກັບຢາເສບຕິດ. ໃນວັນທີ 20 ພຶດສະພາ 2025 ທີ່ຫໍວັດທະນະທຳໄກສອນພົມວິຫານ ກອງບັນຊາການ ປກສ ແຂວງສະຫວັນນະເຂດ ໄດ້ຈັດພິທີໂຄສະນາເຜີຍແຜ່ຜົນຮ້າຍຂອງຢາເສບຕິດ...

ຜູ້ເຊົ່າແກ້ເຜັດ! ຂ້າງຫ້ອງລັກລ້ຽງໝາ ສົ່ງສຽງດັງ ມີກິ່ນ ເຈີປ່ອຍງູໃຫຍ່ກາງຫ້ອງເຊົ່າເພື່ອເອົາຄືນ

ມິຕິໃໝ່ຂອງການເອົາຄືນ! ຖ້າເຈົ້າລ້ຽງໝາ ຂ້ອຍຈະລ້ຽງງູ. ເປັນອີກໜຶ່ງເລື່ອງລາວທີ່ເປັນກະແສຢູ່ທີ່ປະເທດໄທໃນຕອນນີ້ ເມື່ອມີຜູ້ໃຊ້ບັນຊີເຟສບຸກລາຍໜຶ່ງ ອອກມາໂພສໃນວັນທີ 19 ພຶດສະພາ 2025 ຜ່ານມາ, ພ້ອມພາບ ຄົນມາປ່ອຍງູໃຫຍ່ 2 ໂຕຢູ່ທາງຍ່າງຂອງຫ້ອງເຊົ່າແຫ່ງໜຶ່ງ ເຂດຣັດຊະດາ,...

ພົບເຫັນການລັກລອບຕັດໄມ້-ເລື່ອຍໄມ້ ຢູ່ເຂດເມືອງກາສີ

ເຈົ້າໜ້າທີ່ກອງກວດກາປ່າໄມ້ ພົບເຫັນການລັກລອບຕັດໄມ້-ເລື່ອຍໄມ້ ຢູ່ເຂດເມືອງກາສີ ຈົ້າໜ້າທີ່ກອງກວດກາປ່າໄມ້ ແຂວງວຽງຈັນ ໄດ້ລົງກວດກາພົບເຫັນການລັກລອບຕັດໄມ້, ເລື່ອຍໄມ້ຢູ່ເຂດປ່າປ້ອງກັນແຫ່ງຊາດແຫຼ່ງນ້ຳເຟືອງ ແລະ ປ່າຜະລິດແຫ່ງຊາດຫ້ວຍສຽດແຕ່ບໍ່ພົບເຫັນຜູ້ກະທຳຜິດ ຈຶ່ງໄດ້ຢຶດ, ອາຍັດໄມ້ໄວ້, ປັດຈຸບັນເຈົ້າໜ້າທີ່ກອງກວດກາປ່າໄມ້ແຂວງວຽງຈັນຍັງສືບຕໍ່ສົມທົບກັບພາກສ່ວນກ່ຽວຂ້ອງ ສືບສວນ-ສອບສວນ ຊອກຫາເປົ້າໝາຍຜູ້ກະທຳຜິດມາດຳເນີນຄະດີຕາມຂະບວນການຂອງກົດໝາຍ. ອີງຕາມຂໍ້ມູນຈາກກອງກວດກາປ່າໄມ້ແຂວງວຽງຈັນໃຫ້ຮູ້ວ່າ: ໂດຍປະຕິບັດຕາມຄໍາສັ່ງ...

ເປີດກອງປະຊຸມຄົບຄະນະ ຄັ້ງທີ 10 ຄະນະບໍລິຫານງານສູນກາງພັກ ສະໄໝທີ XI ຢ່າງເປັນທາງການ

ເປີດກອງປະຊຸມຄົບຄະນະ ຄັ້ງທີ 10 ຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 10 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນຢ່າງເປັນທາງການ ໃນວັນທີ 19...