ຜູ້ຍິງເຮົາຕ້ອງພິຖີພິຖັນໃນການແຕ່ງຕົວ ເລືອກເສື້ອຜ້າໃຫ້ເຂົ້າບຸກຄະລິກແລະຮູບຮ່າງ ຫລືເລືອກໃສ່ເພື່ອອຳພາງຈຸດບົກຜ່ອງຂອງຕົວເອງ ມາເບິ່ງການເລືອກເສື້ອຜ້າທີ່ເຮັດໃຫ້ຜູ້ຍິງເຮົາເບິ່ງຂາຍາວງາມຂຶ້ນ ເບິ່ງສູງຂຶ້ນ
– ໃສ່ເກີບສີນູ້ດ ຫາເກີບສົ້ນສູງສີນູ້ດຫລືສີເນື້ອທີ່ເບິ່ງກົມກືນໄປກັບສີຜິວມາໃສ່ເພາະສີນູ້ດທີ່ເບິ່ງກົມກືນແລະບໍ່ຕັດກັນກັບສີຜິວຈະຊ່ວຍເຮັດໃຫ້ຊ່ວງຂາເບິ່ງຍາວຂຶ້ນ ເພີ່ມປະກາຍໃຫ້ລຽວຂາດ້ວຍການທາແປ້ງຫລືຄີມທາຜິວບໍລິເວນໜ້າແຂ້ງຈະຊ່ວຍເຮັດໃຫ້ຂາເບິ່ງລຽວແລະມີມິຕິຈາກປະກາຍຂອງຊ່ວງກະດູກທີ່ໂດດເດັ່ນ
– ເສື້ອຜ້າໂທນສີດຽວກັນ ເຮັດໃຫ້ຮູບຮ່າງເບິ່ງສູງຂຶ້ນ ການຫລອກຕາຂອງສີທີ່ກົມກືນສີໂທນດຽວກັນໃນທີ່ນີ້ບໍ່ໄດ້ໝາຍຄວາມວ່າຕ້ອງເປັນສີດຽວກັນເປ໊ະ ແຕ່ໃຫ້ເລືອກໂທນສີທີ່ໃກ້ຄຽງກັນ
– ກະໂປງຫລືໂສ້ງແອວສູງ ເຮັດໃຫ້ຊ່ວງຕົວດ້ານລຸ່ມເບິ່ງມີຄວາມຍາວຫລາຍຂຶ້ນຈາກການທີ່ຮອບແອວຢູ່ສູງຂຶ້ນໄປ ຫາກເປັນໂສ້ງຂາຍາວໃຫ້ໃສ່ໂສ້ງທີ່ປາຍຂາຍາວກວ່າຂໍ້ຕີນລົງໄປໜ້ອຍໜື່ງ ໂດຍໃສ່ຄູ່ກັບເກີບສົ້ນສູງຈະຍິ່ງເຮັດໃຫ້ຊ່ວງຂາເບິ່ງຍາວຂຶ້ນໄດ້ອີກ
– ກະໂປງແອວສູງ ຖ້າໝັ່ນໃຈວ່າຂາບໍ່ໃຫຍ່ ກໍສາມາດໃສ່ກະໂປງແອວສູງສັ້ນເພື່ອໂຊລຽວຂາທີ່ເບິ່ງພຽວໄດ້ ແຕ່ສຳລັບຄົົນທີ່ມີຕົ້ນຂາອວບໃຫ້ໃຊ້ກະໂປງແອວສູງທີ່ມີຄວາມຍາວພໍດີເຂົ່າຫລືກາຍເຂົ່າລົງມານິດໜຶ່ງກໍຈະເຮັດໃຫ້ຂາເບິ່ງຍາວແລະລຽວໄດ້ສັດສ່ວນ