ການແຕ່ງໜ້າສຳລັບສາວໆໃນປະຈຸບັນເນັ້ນການມີດວງຕາທີ່ກົມໃຫຍ່ ຕົວຊ່ວຍສຳລັບດວງຕານັ້ນກໍຄື “ຂົນຕາປອມ“ ແຕ່ໃນການຕິດຂົນຕາປອມຕ້ອງໃຊ້ ກາວຕິດຂົນຕາຊຶ່ງເປັນສານເຄມີ ທີ່ຕ້ອງໃຊ້ບໍລິເວນໃກ້ດວງຕາຊຶ່ງບອບບາງຫລາຍຈຶ່ງຕ້ອງໃຊ້ຢ່າງລະມັດລະວັງແລະເລືອກຂອງທີ່ມີຄຸນນະພາບ ເພາະອາດສ່ຽງໃຫ້ດວງຕາອັກເສບຫລືຕາບອດໄດ້
ການສິ່ງນຳແປກປອມວັດດຸຕ່າງໆ ມາຕິດນັບວ່າສ່ຽງອັນຕະລາຍ ເປັນການທຳລາຍດວງຕາທາງອ້ອມ ເນື່ອງຈາກອາດເຮັດໃຫ້ເກີດສິ່ງສົກກະປົກມາສະສົມບໍລິເວນໜັງຕາ ຍິ່ງຖ້າເກັບຮັກສາຂົນຕາປອມບໍ່ຖືກວິທີ ບໍ່ສະອາດ ເມື່ອນຳມາຕິດທີ່ຂອບຕາຊຶ່ງຕິດກັບຂົນຕາ ຈຶ່ງມີໂອກາດທີ່ເຊື້ອພະຍາດຈະເຂົ້າສູ່ດວງຕາ ອາດກໍ່ເກີດອາການແພ້ລະຄາຍເຄືອງ ອັກເສບ ມີໂອກາດສ່ຽງເຖິງຂັ້ນຕາບອດໄດ້
ຂົນຕາປອມແລະກາວຕິດຂົນຕາ ທີ່ມີວາງຈຳໜ່າຍຢູ່ຂະນະນີ້ມີທັງທີ່ຜະລິດໄດ້ຕາມມາດຕະຖານແລະບໍ່ໄດ້ມາດຕະຖານຂົນຕາປອມມີທັງອ່ອນນຸ່ມໄປຈົນເຖິງແຂງຫລາຍ ໂດຍກາວທີ່ໃຊ້ຕິດຂົນຕາປອມ ຕ້ອງມີຄຸນນະພາບດີ ຜະລິດຖືກຕ້ອງຕາມຫລັກວິຊາການ ມີສ່ວນປະກອບສຳຄັນທີ່ ເໝາະກັບການໃຊ້ສະເພາະທີ່ ແລະຕ້ອງລະບຸສະຫລາກຊັດເຈນວ່າໃຊ້ກັບດວງຕາເທົ່ານັ້ນ ຫາກໃຊ້ກາວອື່ນມາຕິດ ອາດເປັນອັນຕະລາຍໄດ້
ຂໍ້ຄວນລະວັງໃນການໃຊ້ກາວຕິດກາວ
– ຂະນະຕິດຂົນຕາປອມ ຕ້ອງເຮັດຄວາມລະມັດລະວັງ
– ມືແລະອຸປະກອນທີ່ໃຊ້ຕ້ອງສະອາດ ເພາະອາດຕິດເຊື້ອໄດ້
– ບໍ່ຄວນໃຊ້ກາວຕິດຂົນຕາຫລາຍເກີນໄປ ເພາະອາດເຂົ້າຕາໄດ້
– ສານເຄມີທີ່ເປັນສ່ວນປະກອບໃນກາວຕິດຂົນຕາອາດເຮັດໃຫ້ເກີດການແພ້ລະຄາຍເຄືອງໄດ້
– ຫາກຂົນຕາຫລຸດລ່ວງເນື່ອງຈາກການຕິດຂົນຕາປອມ ຄວນຢຸດ ແລ້ວຄວນໄປພົບແພດ
ຄຳແນະນຳ – ຄວນເລືອກໃຊ້ຂົນຕາປອມແລະກາວທີ່ໄດ້ມາດຕະຖານ ລ້າງມືໃຫ້ສະອາດ ຈັດເກັບໃຫ້ສະອາດ ບໍ່ໃຊ້ຮ່ວມກັບຄົນອື່ນ ບໍ່ຄວນໃສ່ຕໍ່ເນື່ອງກັນດົນໆ ຄວນຢຸດພັກນຳ