ໃນປະຈຸບັນບໍ່ວ່າຜູ້ຍິງຫລືຜູ້ຊາຍຕ່າງເອົາໃຈໃສ່ກັບຜິວພັນແລະສຸຂະພາບພໍໆ ກັນບັນດາຜະລິດພັນທີ່ບິ່ງແຍງຜິວຈຶ່ງພາກັນຜະລິດແລະໂຄສະນາສິນຄ້າສຳລັບຜູ້ຊາຍໂດຍສະເພາະຂຶ້ນມາຫລາຍຂຶ້ນ ຜິວໜັງຂອງຜູ້ຍິງແລະຜູ້ຊາຍແຕກຕ່າງກັນຫລືບໍ່ ຕ້ອງໃຊ້ຜະລິດຕະພັນໂດຍສະເພາະສຳລັບຜູ້ຊາຍຫລືບໍ່
– ຜິວໜັງຂອງຜູ້ຍິງຈະບາງລະອຽດກວ່າຜູ້ຊາຍແຕ່ຈະມີຊັ້ນໄຂມັນໃຕ້ຜິວໜັງໜາກວ່າ
– ຄອນລາເຈນໃນຜູ້ຊາຍຈະເສື່ອມຊ້າກວ່າຜູ້ຍິງ
– ການປົກປ້ອງຄວາມຊຸ່ມຊື້ນຂອງຜິວໜັງບໍ່ມີຄວາມແຕກຕ່າງກັນໃນຊາຍແລະຍິງ
– ຜິວໜັງຜູ້ຊາຍຈະມີໄຂມັນຫລັ່ງອອກມາຈາກຕ່ອມໄຂມັນກ້ອງຜິວໜັງຫລາຍກວ່າ ເຮັດໃຫ້ຜິວໜັງມັນກວ່າເກິດສິວໄດ້ງ່າຍກວ່າ
– ຜູ້ຊາຍມັກຈະມີບັນຫາຜົມລ່ວງຜົມບາງອັນເນື່ອງມາຈາກຮອລ໌ໂມນເພດຊາຍ
ອົງປະກອບໃນຜະລິດຕະພັນບຳລຸງຜິວໂດຍທົ່ວໄປກໍເນັ້ນສັບພະຄຸນດຽວກັນບໍ່ວ່າຈະເປັນລຸດຣິ້ວຮອຍ,ໜ້າກະຈ່າງໃສບຳລຸງຜິວຂາວ ,ຄີມກັນແດດກໍເພື່ອປ້ອງກັນແດດ ຜະລິດຕະພັນລ້າງໜ້າກໍປະກອບດ້ວຍສານທຳຄວາມສະອາດ ດັ່ງນັ້ນຜະລິດຕະພັນສາມາດໃຊ້ໄດ້ບໍ່ວ່າຈະຜູ້ຊາຍຫລືຜູ້ຍິງ ການຕະລາດສຳລັບສິນຄ້າຜູ້ຊາຍ ມັກຈະເນັ້ນໄປໃນເລື່ອງສີຂອງຜະລິດຕະພັນທີ່ຈະບໍ່ຫວານແຫວວຄືຂອງຜູ້ຍິງ ເນັ້ນກິ່ນທີ່ເປັນຜູ້ຊາຍສ່ວນສ່ວນປະສົມຕ່າງໆກໍບໍ່ໄດ້ມີຄວາມແຕກຕ່າງຫລືເພີ່ມຫລາຍກວ່າຂອງຜູ້ຍິງແຕ່ຢ່າງໃດ