ທ່ານເຄີຍຢາກເຮັດນ້ຳຫອມດ້ວຍຕົວເອງບໍ? ຖ້າເຄີຍ ສະແດງວ່າທ່ານມາຖືກທາງແລ້ວ ແລະນີ້ຄືວິທີເຮັດນ້ຳຫອມແບບ DIY ເຮົາມາເບິ່ງພື້ນຖານຂອງການເຮັດນ້ຳຫອມກັນເລີຍ
ສິ່ງທີ່ຈຳເປັນໃນການເຮັດນ້ຳຫອມ
ນ້ຳຫອມປະກອບໄປດ້ວຍສ່ວນປະສົມຫລັກທີ່ສຳຄັນ 2 ສ່ວນ ໄດ້ແກ່ ນ້ຳມັນຫອມລະເຫຍ ກັບແອນກໍຮໍທີ່ໃຊ້ສຳລັບເຮັດນ້ຳຫອມໂດຍສະເພາະ ລາຄາຂອງນ້ຳມັນຫອມລະເຫຍຈະຂຶ້ນຢູ່ກັບຄຸນນະພາບ ດັ່ງນັ້ນຈຶ່ງຂໍແນະນຳໃຫ້ເລີ່ມດ້ວຍສິນຄ້າລາຄາຖືກໄປກ່ອນໃນກໍລະນີທີ່ເປັນມືໃໝ່ຮຽນເຮັດ ເຈົ້າສາມາດຫາຊື້ນ້ຳມັນຫອມລະເຫຍໄດ້ໃນຮ້ານຄ້າທົ່ວໄປ ປົກກະຕິມັນຈະວາງຢູ່ເທິງຊັ້ນເຄື່ອງຫອມແລະມີກິ່ນໃຫ້ເລືອກຫລາກຫລາຍ ທີ່ສຳຄັນນ້ຳມັນຫອມລະເຫຍເຫລົ່ານີ້ລາຄາບໍ່ແພງອີກດ້ວຍ ສ່ວນປະກອບທີ່ 2 ຄືແອນກໍຮໍທີ່ໃຊ້ສຳລັບເຮັດນ້ຳຫອມໂດຍສະເພາະຊຶ່ງອາດຈະຫາຊື້ຍາກນິດນຶ່ງ ຕ້ອງໃຊ້ Google ຊ່ວຍ search ຫາຮ້ານຄ້າທີ່ຂາຍແອນກໍຮໍຕົວນີ້ເບິ່ງ ແຕ່ຫາກຫາບໍ່ໄດ້ແທ້ໆສາມາດໃຊ້ເຄື່ອງດື່ມທີ່ມີສ່ວນປະສົມຂອງແອນກໍຮໍ 95% ກໍໄດ້