1.ກູຕາໄທໂອນ (glutathione) ແມ່ນຫຍັງ
ກູຕາໄທໂອນເປັນສານຕ້ານອະນຸມູນອິດສະຫລະທີ່ເຊວໃນຮ່າງກາຍມະນຸດສາມາດສັງເຄາະໄດ້ເອງ ມີຄຸນສົມບັດເປັນໂປຕີນຊະນິດໜຶ່ງ ເຮັດຫນ້າທີ່ໃນການປົກປ້ອງເນື້ອເຍື່ອບໍ່ໃຫ້ຖືກທຳລາຍໂດຍສານອານຸມູນອິດສະຫລະທີ່ສະສົມຢູ່ຕາມສ່ວນຕ່າງໆຂອງຮ່າງກາຍ ກະຕຸ້ນພູມຄຸ້ມກັນຂອງຮ່າງກາຍ ແລະທີ່ສຳຄັນຍັງຊ່ວຍໃນການທຳລາຍແລະກຳຈັດສານພິດອອກຈາກຮ່າງກາຍ
2ຮ່າງກາຍຜະລິດ ກູຕາໄທໂອນໄດ້ຫລື ບໍ່
ເຊວທຸກເຊວໃນຮ່າງກາຍສາມາດຜະລິດກູຕາໄທໂອນໄດ້ເອງ ແລະຖືກຜະລິດຫລາຍທີ່ສຸດທີ່ຕັບ, ປອດ ຫມາກໄຂ່ຫລັງ, ມ້າມ, ຕັບອ່ອນ ແລະເລນແກ້ວຕາ ສະຫລຸບຮ່າງກາຍສາມາດສ້າງໄດ້ ແພດກວດພົບວ່າຄົົນທີ່ສຸກຂະພາບດີມີກູຕ້າໄທໂອນສູງ ກວ່າຄົນປ່ວຍ
- ຄົ້ນພົບໄດ້ແນວໃດ
ໃນທາງການແພດພົບວ່າມີການນຳກູຕາໄທໂອນມາທົດລອງໃຊ້ໃນການປິ່ນປົວພະຍາດຕ່າງໆ ຊຶ່ງຍັງບໍ່ໄດ້ຮັບການອະນຸຍາດບົ່ງໃຊ້ຈາກອົງການອາຫານແລະຢາ ຜົນຂ້າງຄຽງຢ່າງໜຶ່ງທີ່ໜ້າແປກໃຈ ຄື ຜູ້ປ່ວຍທີ່ໄດ້ຮັບການປິ່ນປົວດ້ວຍການສີດກູຕາໄທໂອນນັ້ນມີສີຜິວທີ່ຂາວຂຶ້ນ ຈຶ່ງມີຄົນສະຫລາດນຳຈຸດນີ້ມາກໍ່ການຕະຫລາດ - ກິນແລ້ວຂາວຊ້າແຕ່ຂາວແທ້ຫລືບໍ່
ບໍ່ເປັນຄວາມຈິງທີ່ ຜະລິດຕະພັນກູຕາໄທໂອນທີ່ມີຂາຍກັນທົ່ວໄປ ໃນຮູບແບບຜົງແລະເມັດ ສາມາດຖືກທຳລາຍໄດ້ໃນທາງເດີນອາຫານຂອງມະນຸດ ດັ່ງນັ້ນປະໂຫຍດທີ່ຈະເກີດຂຶ້ນຈາກການຮັບປະທານກູຕາໄທໂອນໃນຮູບແບບຂອງຢາຮັບປະທານນັ້ນແທບຈະບໍ່ມີເລີຍເກືອບເທົ່າກັບ 0 - ສີດເລີຍດີກວ່າຂາວໄວ
ເມື່ອກິນບໍ່ໄດ້ຜົນ ຫລາຍຄົນຈຶ່ງຫັນໄປສີດ ການສີດໃນປະລິມານທີ່ຫລາຍ ໄດ້ຜົນຂາວຂຶ້ນແທ້ ແຕ່ຂາວພຽງເວລາສັ້ນໆເທົ່ານັ້ນ ຫາກໂຊກຮ້າຍອາດຖືກຢາປອມ!!! ໝໍປອມອີກ!!! ການສີດຢາຈຳເປັນຕ້ອງກະທຳໂດຍຜູ້ປະກອບວິຊາຊີບທີ່ຊ່ຽວຊານເທົ່ານັ້ນ ເພື່ອປ້ອງກັນບັນຫາທີ່ອາດເກີດຂຶ້ນໄດ້ລະຫວ່າງການໃຫ້ຢາ ເຊັ່ນ ການສີດຢາໃນອັດຕາທີ່ໄວເກີນໄປ ການຕິດເຊື້ອໃນກະແສເລືອດຈາກເຄື່ອງມືທີ່ບໍ່ສະອາດເກີດຟອງອາກາດອຸດຕັນຫລອດເລືອດ ອາດເຮັດໃຫ້ເສຍຊິວິດໄດ້ທັນທີ - ທາທຸກມື້ຂາວແທ້ຫລືບໍ່
ສານກູຕາໄທໂອນ ເມື່ອນຳມາປະສົມໃນຜະລິດຕະພັນປະເພດຄີມ ຫລືເຈນ ສຳລັບທາຜິວໜັງ ເພື່ອຫວັງໃຫ້ຜິວຂາວນັ້ນຈະບໍ່ໄດ້ຮັບປະໂຫຍດໃດໆເພາະໂມເລກຸນສານນີ້ຄ່ອນຂ້າງໃຫຍ່ບໍ່ສາມາດຊຶມຜ່ານຜິວໜັງໄດ້ສາວໆມັກຖືກຕວະຈາກຜະລິດຕະພັນບຳລຸງຜິວ - ມີອຍ. ຕ້ອງປອດໄພ
ຫລາຍຄົນຕວະຂາຍວ່າ ກູຕ້າໄທໂອນມີ ອຍ. ແລ້ວ ປະຈຸບັນທີ່ພົບທົ່ວໄປໃນທ້ອງຕະຫລາດເປັນຢາເມັດທີ່ ອຍ. ອະນຸຍາດໃຫ້ຂາຍເປັນອາຫານເສີມນັ້ນ ທີ່ຈິງເປັນສານຕັ້ງຕົ້ນໃນການສັງເຄາະກູຕາໄທໂອນຄື ອະໝິໂນແອຊິດ ເອັນອະຊິທິນຊິດເຕອີນ ຊຶ່ງໂມເລກຸນຊະນິດນີ້ ຈະສາມາດຖືກດູດຊຶມເຂົ້າທາງເດີນອາຫານໄດ້ງ່າຍແລະວ່ອງໄວ ແລະຈະໄປລວມຕົວກັບໂປຕີນອີກ 2 ຊະນິດ ຄື ອະໝິໂນແອຊິດ ໄກຊິນ ແລະ ກູຕາເມດທີ່ມີຢູ່ຫລວງຫລາຍໃນກະແສເລືອດຈາກອາຫານທີ່ຮັບປະທານເຂົ້າໄປ ການລວມຕົວຂອງມິໂນແອຊິດທັງ 3 ຊະນິດ ກໍ່ໃຫ້ເກີດເປັນໂມເລກຸນກູຕາໄທໂອນໃນກະແສເລືອດ