ຜິວກາຍຈະມີໂອກາດແພ້ນ້ອຍກວ່າຜິວໜ້າ ແຕ່ກໍບໍ່ແມ່ນວ່າຈະບໍ່ມີປັດໄຈທີ່ເຮັດໃຫ້ເກີດການລະຄາຍເຄືອງມາເບິ່ງກັນວ່າມີປັດໄຈໃດແນ່ທີ່ທຳຮ້າຍຜິວກາຍໃຫ້ລະຄາຍເຄືອງ
- ປັດໄຈພາຍໃນ
ຜິວກາຍແພ້ງ່າຍເກີດຂຶ້ນໄດ້ທຸກຊ່ວງອາຍຸ ແຕ່ມັກພົບເລື້ອຍໃນເດັກນ້ອຍແລະຜູ້ສູງອາຍຸ ຜິວເດັກນ້ອຍມີຄວາມໜາລະມານ 1 ໃນ 5 ຂອງຜິວຜູ້ໃຫຍ່ ອີກທັງເກາະປ້ອງກັນຜິວຍັງບໍ່ສາມາດເຮັດວຽກໄດ້ເຕັມທີ່ ຈຶ່ງເຮັດໃຫ້ໄວຕໍ່ສານເຄມີແລະລັງສີຍູວີ
ສ່ວນຜູ້ໃຫຍ່ເມື່ອອາຍຸຫລາຍຂຶ້ນການເຮັດວຽກງານຂອງເກາະປ້ອງກັນຜິວກໍເລີ່ມເສື່ອມສະພາບ ເພາະການຜະລິດນ້ຳມັນຊັ້ນຜິວເລີ່ມລຸດລົງຫລືມີການປ່ຽນແປງທາງຮອລ໌ໂມນ ບໍ່ວ່າຈະຈາກການຕັ້ງທ້ອງຫລືເຂົ້າສູ່ໄວໝົດປະຈຳເດືອນ ປັດໄຈເຫລົ່ານີ້ຕົວເຮັດໄປຜິວລະຄາຍເຄືອງງ່າຍຂຶ້ນ
ນອກຈາກນັ້ນຄວາມຄຽດແລະການພັກຜ່ອນບໍ່ພຽງພໍຍັງເປັນປັດໄຈສຳຄັນທີ່ເຮັດໃຫ້ຜິວແພ້ງ່າຍ ຍິ່ງກິນອາຫານທີ່ຂາດຄຸນຄ່າທາງໂພສະນາການແລະດື່ມນ້ຳບໍ່ພຽງພໍ ກໍຈະເຮັດໃຫ້ຜິວທີ່ແຫ້ງ ຂາດນ້ຳ ແລະລະຄາຍເຄືອງຢູ່ແລ້ວເກີດອາການແພ້ງ່າຍຂຶ້ນ - ປັດໄຈພາຍນອກ
ອາກາດຜິວທີ່ຢູ່ໃນຫ້ອງແອຕະຫລອດໝົດມື້ການປ່ອຍສານທີ່ຊ່ວຍຮັກສາຄວາມສົມດຸນຂອງນ້ຳມັນເຄືອບຜິວ ສ່ວນອາກາດຮ້ອນກໍເຮັດໃຫ້ເຫື່ອອອກແລະນ້ຳຫລໍ່ລ້ຽງຜິວລະເຫຍໄປ ຜິວຈຶ່ງແຫ້ງແລະລະຄາຍເຄືອງງ່າຍ
ລັງສີຍູວີແລະມົນພາວະ ກໍ່ໃຫ້ເກີດອະໜຸມູນອິດສະຫລະໃນຊັ້ນຜິວເກາະປ້ອງກັນຜິວຈຶ່ງອ່ອນແອ ອີກທັງການຖືກແສງແດດດົນໆໂດຍບໍ່ໄດ້ທາຄີມກັນແດດຈະເຮັດໃຫ້ຜິວແຫ້ງຂາດນ້ຳຈົນຄາຍເຄືອງງ່າຍ
ຜະລິດຕະພັນເບິ່ງແຍງຜິວເຊັ່ນ ສານທຳຄວາມສະອາດບາງຊະນິດເຮັດໃຫ້ນ້ຳມັນທຳມະຊາດເທິງຊັ້ນຜິວຫາຍໄປ ສ່ວນນ້ຳຫອມ ສີສັງເຄາະ ແລະແອນກໍຮອລ໌ໃນຜະລິດຕະພັນບາງປະເພດກໍເຮັດໃຫ້ຜິວລະຄາຍເຄືອງ
ສານທີ່ອາດກໍ່ໃຫ້ເກີດອາການແພ້
ນ້ຳຫອມແລະແອນກໍຮໍ ຄວນຫລີກລ້ຽງການໃຊ້ເຄື່ອງສຳອາງແລະສຳອາງທີ່ແຕ່ງສີ ແຕ່ງກິ່ນ
ຢາຮັກສາສິວກຸ່ມເລຕິນອຍສານກຸ່ມນີ້ມີຜົນຂ້າງຄຽງເຮັດໃຫ້ຜິວແດງຜິວລອກໂດຍສະເພາະພາຍໃນເດືອນທຳອິດຫລັງໃຊ້ໄລຍະທຳອິດຈຶ່ງແນະນຳໃຫ້ໃຊ້ສານນີ້ໜຶ່ງມື້ເວັ້ນສອງມື້ ຜ່ານໄປ 2 ອາທິດຈຶ່ງໃຊ້ມື້ເວັ້ນມື້ ຖ້າບໍ່ມີອາການຄັນ ຈຶ່ງຈະທາໄດ້ທຸກມື້ໂດຍໃຊ້ສະເພາະຕອນກາງຄືນໃນປະລິມານເທົ່າເມັດຖົ່ວຂຽວເທົ່ານັ້ນ ສ່ວນຕອນກາງເວັນຕ້ອງຫລີກລ້ຽງແສງແດດແລະຄວນທາຄີມກັນແດດຮ່ວມດ້ວຍ