ເວັບໄຊເມໂທ ຂອງອັງກິດ ເປີດເຜີຍເລື່ອງລາວບັນດານໃຈຂອງຜູ້ປ່ວຍສາວດາວຊິນໂດມຄົນໜຶ່ງ ທີ່ເຖິງວ່າຈະເກີດມາພ້ອມພາວະທີ່ຢູ່ໃນສັງຄົມໄດ້ຢ່າງຄ່ອນຂ້າງຍາກ ແຕ່ບໍ່ເຊື່ອກໍຕ້ອງເຊື່ອວ່ານາງສາມາດສານຝັນ ເປີດຮ້ານເຄື່ອງປະດັບສ້າງລາຍໄດ້ໄດ້ຫລາຍກວ່າຄົນປົກກະຕິຫລາຍໆຄົນເສຍອີກ
ລໍລາ ກີນ ຄືຊື່ຂອງສາວດາວຊິນໂດມ ອາຍຸ 28 ປີ ຈາກເມືອງລັນຄອນ ມົນທົນເຊຊຽນ ເຖິງແມ່ນວ່ານາງຈະເກີດມາພ້ອມພາວະດາວຊິນໂດມ ແຕ່ກໍບໍ່ຍອມໃຫ້ພາວະນີ້ມາເປັນອຸປະສັກຂັດຂວາງການຍ່າງຕາມຝັນຂອງນາງໄດ້ ນາງເລີ່ມເປີດຮ້ານເຄື່ອງປະດັບນ້ອຍໆ ຊື່ Serendipity ເມື່ອປີ 2012 ຂະນະທີ່ອາຍຸໄດ້ 23 ປີ (ຫລັງຈາກທີ່ສະໝັກວຽກແລ້ວບໍ່ມີບ່ອນໃດທີ່ຢາກຈະຮັບເພາະຂາດຄຸນສົມບັດ) ແລະຕອນນີ້ທຸລະກິດນາງກໍປະສົບຄວາມສຳເລັດໄປພໍສົມຄວນ
ລໍລາ ລົງທືນກັບ ລາເຊນ ເມລາລັງກີ້ ໝູ່ຊຶ່ງມີພາວະດາວຊິນໂດມຄືກັນ ທັງຄູ່ພະຍາຍາມສ້າງສັນເຄື່ອງປະດັບຫລາກຫລາຍຮູບແບບ ໂດຍໄດ້ຮັບການສະໜັບສະໜູນຈາກມູນນິທິພ (Prince’s Trust) ເຊັ່ນດຽວກັບຄອບຄົວແລະເພື່ອນຝູງຂອງນາງທີ່ສະໜັບສະໜູນທຸລະກິດນີ້ເຕັມທີ່ ແລະ ຕອນນີ້ ຫລັງຈາກເຮັດທຸລະກິດນີ້ມາຫລສຍປີລໍລາບອກວ່າຕອນນີ້ນາງມີຄວາມສຸກຫລາຍທີ່ໄດ້ເປັນນາຍແລະເປັນລູກຈ້າງຂອງຕົວເອງ
