ສຳນັກຂ່າວຕ່າງປະເທດ ລາຍງານໃນວັນທີ 28 ກໍລະກົດນີ້ວ່າ ສຳນັກງານຄວາມປອດໄພສາທາລະນະຂອງນະຄອນຫລວງປັກກິ່ງ ສາທາລະນະລັດປະຊາຊົນຈີນ ໄດ້ດຳເນີນການເຂົ້າກວດກາໂຮງງານຜະລິດໂທລະສັບໄອໂຟນປອມ ແລະ ໄດ້ຈັບກຸມຜູ້ບໍລິຫານ ທີ່ມີສ່ວນກ່ຽວຂ້ອງກັບໂຮງງານດັ່ງກ່າວ 9 ຄົນ ໂດຍໂຮງງານດັ່ງກ່າວ ໄດ້ນຳເອົາຊິ້ນສສ່ວນຂອງສະມາດໂຟນມືສອງ ມາດັດແປງໃຫ້ກາຍເປັນໂທລະສັບໄອໂຟນເຄື່ອງໃໝ່ ແລ້ວສົ່ງອອກໄປຂາຍຢູ່ຕ່າງປະເທດ ແລ້ວ 41,000 ໜ່ວຍ ສ້າງລາຍໄດ້ເຂົ້າໂຮງງານເຖິງ 19 ລ້ານໂດລາສະຫະລັດ.