ຢາກອັບເກດ Windows 10 ແຕ່ບໍ່ເຫັນແຈ້ງເຕືອນໃຫ້ອັບເກດຟຣີ ຈະເຮັດຢ່າງໃດ?

fix-computer-to-windows10-upgrade-notification-appear-02

ເຊື່ອວ່າຜູ້ໃຊ້ຄອມພິວເຕີລະບົບປະຕິບັດການ Windows 7 , Windows 8 , Windows 8.1 ຢາກຈະອັບເກດສູ່ Windows 10 ແທ້ ເຫັນເຄື່ອງຄົນອື່ນໄດ້ຕົວແຈ້ງອັບເກດຟຣີໄປແລ້ວ ແຕ່ເຄື່ອງຄອມເຮົາໃຊ້ Windows ທີ່ກົງກັບ 3 ເວີຊັ່ນທີ່ໄດ້ອັບເກດຟຣີເຊັ່ນກັນ ແຕ່ເປັນຫຍັງເຮົາບໍ່ເຫັນຕົວແຈ້ງເຕືອນອັບເກດ Windows 10 ຟຣີເທິງຄອມຂອງເຮົາລະ.. ບົດຄວາມນີ້ມີຄຳຕອບໃຫ້ເຈົ້າແລ້ວ

ກໍລະນີໃຊ້ Windows 7

ສາເຫດທີ່ຕົວເຕືອນອັບເກດ Windows 10 ຍັງບໍ່ປາກົດເທິງຄອມຂອງເຈົ້າ ອາດເປັນເພາະເຈົ້າປິດ Automatic Updates ຢູ່ ດັ່ງນັ້ນຄວນເປີດການອັບເດດ ໂດຍໄປທີ່ Control Panel ຈາກນັ້ນຄລິກ System ແລ້ວເລືອກທີ່ Automatic Updates ເຈົ້າສາມາດເລືອກຕິດຕັ້ງອັບເດດແບບອັດໂນມັດ (ໃຫ້ຄອມດຳເນີນດາວນ໌ໂຫລດຕິດຕັ້ງອັດໂນມັດໄດ້ເລີຍ) ຫລືເຈົ້າຄລິກເພື່ອໂຫລດເອງ ໂດຍຄອມຈະແຈ້ງວ່າມີຕົວ update ໃໝ່ມາຫລືຍັງ ຖ້າມາແລ້ວເຈົ້າຄລິກດາວນ໌ໂຫລດຕິດຕັ້ງໄດ້

ແຕ່ Windows 7 ທີ່ສາມາດອັບເກດເປັນ Windows 10 ໄດ້ຄອມເຈົ້າຕ້ອງເປັນ Windows 7 SP1 ດ້ວຍ ແລະບາງເວີລ໌ຊັ່ນຢ່າງ Windows 7 Enterprise ຍັງບໍ່ສາມາດອັບເດດໄດ້

ທັງນີ້ການອັບເດດຕ້ອງຕິດຕັ້ງລະຫັດອັບເດດ (3035583) ແລະ (2952664) ດ້ວຍ ບໍ່ດັ່ງນັ້ນ ຈະບໍ່ມີແອບແຈ້ງເຕືອນອັບເກດ Windows 10 ຕິດຕັ້ງ

ກໍລະນີໃຊ້ Windows 8 , Windows 8.1

fix-computer-to-windows10-upgrade-notification-appear-03

ລອງກວດສອບການອັບເດດຂອງເຈົ້າອີກເທື່ອ ເນື່ອງຈາກຄອມພິວເຕີທີ່ຕໍ່ເນັດສ່ວນໃຫຍ່ຈະຕັ້ງຄ່າໃຫ້ມີການອັບເດດລະບົບອັດໂນມັດ (Automatic Updates ) ຫາກເຈົ້າຍັງບໍ່ໄດ້ອັບເດດລະບົບ ຫລື ປິດການອັບເດດຢູ່ ເຂົ້າໄປທີ່ Settings >> ເລືອກ Change PC Settings ຈາກນັ້ນເລືອກ Update and Recovery >> ແລ້ວຄລິກທີ່ check now ແລ້ວເລືອກລາຍການຕິດຕັ້ງອັບເດດລ່າສຸດ ແລ້ວກໍ່ການ Reboot ເຄື່ອງ

fix-computer-to-windows10-upgrade-notification-appear-04

ຫາກທຸກຢ່າງຮຽບຮ້ອຍກໍ ຈະປາກົດໄອຄອນ Windows ຢູ່ບໍລິເວນ taskber ດ້ານຂວາ (ແຖວໆໂມງ) ກໍຈະລັນໜ້າແຈ້ງເຕືອນແລະຮັບສິດທິອັບເກດສູ່ Widows 10 ຟຣີ

ຫາກເຈົ້າເລືອກຕິດຕັ້ງອັບເດດດ້ວຍຕົນເອງ ເຈົ້າຕ້ອງຕິດຕັ້ງລະຫັດອັບເດດ ( 2976978)ແລະ (3035583) ເຊີ່ງເມື່ອຫລັງຕິດຕັ້ງທັງ 2 ຕົວແລະ reboot ຮຽບຮ້ອຍ ຈະມີໜ້າແຈ້ງເຕືອນອັບເກດສູ່ Windows 10 ແລ້ວ

ສຳລັບ ຜູ້ໃຊ້ Windows 8/8.1 Enterprise, ຫລື Windows RT/RT 8.1, ບໍ່ສາມາດອັບເດດສູ່ Windows 10 ໄດ້

fix-computer-to-windows10-upgrade-notification-appear-01

ສຳລັບຄອມລຸ້ນເກົ່າກວ່າ Windows 7 ຢ່າງ Windows Xp , Windows Vista ຍັງບໍ່ສາມາດອັບເດດໄດ້ຕ້ອງອັບເກດລະບົບໄປຍັງ Windows 7 ກ່ອນ ແລ້ວເຊັກອັບເດດເທິງ Windows 7 ອີກເທື່ອໜື່ງ ຢ່າງໃດກໍຕາມຕ້ອງເບີ່ງສະເປັກຂັ້ນຕ່ຳທີ່ Windows 10 ເຮັດວຽກ ມາທຽບກັບຄອມຂອງເຈົ້າກ່ອນອັບເກດວ່າຖ້າອັບແລ້ວຄອມເຈົ້າເຮັດວຽກໄຫວບໍ່