ຫາກເຈົ້າເປັນຄົົນທີ່ໃຊ້ງານຄອມພິວເຕີລະບົບປະຕິບັດການ Windows ເປັນປະຈຳ ເວລາເຂົ້າໂປແກມໃຊ້ງານຕ່າງໆກໍມັກຈະຄລິກຜ່ານທາງໜ້າຈໍ Desktop ຫລືຜ່ານທາງ Start Menu ແຕ່ມື້ນີ້ຈະນຳສະເໜີວິທີເຂົ້າໂປແກມທີ່ໃຊ້ເລື້ອຍແບບໄວຂຶ້ນ ດ້ວຍ Keyboard Shortcut ທີ່ເຈົ້າສາມາດສ້າງປຸ່ມດ່ວນເພື່ອຮຽກໂປແກມໃຊ້ງານໄດ້ທັນທີ ແບບບໍ່ຕ້ອງຄລິກ ພຽງແຕ່ຈື່ຄຳສັ່ງເທິງຄີບອດທີ່ເຈົ້າສ້າງເທົ່ານັ້ນ
ສົມມຸດວ່າຕ້ອງການເຂົ້າເຖິງໂປແກມ Line ເທິງ PC ຢ່າງວ່ອງໄວເລີຍຈະສ້າງປຸ່ມລັດໄປແອບ Line
ຄລິກຂວາທີ່ໄອຄອນ Shortcut ໂປແກມ Line ເທິງ Desktop ແລ້ວເລືອກທີ່ Properties
ຈາກນັ້ນກໍສັງເກດໜ້າຕ່າງ Properties ວ່າເລືອກທີ່ແທັບ Shortcut ບໍ່ ຖ້າ ແມ່ນ ກໍເບິ່ງໃນສ່ວນ Shortcut key ກໍກຳນົດປຸ່ມລັດເພື່ອເປີດ ແອບ Line ໄດ້ເລີຍ ທີມງານກໍເລີຍລອງກົດ L ກໍປາກົດເປັນ ctrl + alt + L ເປັນການສ້າງປຸ່ມລັດເພື່ອເປີດໂປແກມ Line ເທິງ Windows ໄວ້ໃຫ້ ຖ້າພໍໃຈກໍຄລິກທີ່ ok ຫລື apply ໄດ້ເລີຍ
ສຳເລັດແລ້ວກໍລອງທົດສອບ Keyboard Shortcut ໂດຍກົດປຸ່ມ ປຸ່ມລັດທີ່ສ້າງໄວ້ ຕົວຢ່າງນີ້ ກົດ ctrl + alt + L ເບິ່ງວ່າແອບ Line ຈະເປີດຂື້ນບໍ່ ປາກົດວ່າເປີດເຂົ້າສູ່ໂປແກມ Line For PC ແທ້ໆ ຖືວ່າການຕັ້ງຄ່າສຳເລັດສົມບູນ ວິທີນີ້ໃຊ້ໄດ້ກັບ Windows ເກືອບທຸກເວີຊັ່ນ ແຕ່ຕ້ອງ login ດ້ວຍບັນຊີທີ່ໄດ້ສິດເປັນເຈົ້າຂອງເຄື່ອງ ຫລື Admin ເທົ່ານັ້ນ