ສາຍສັນຍານ ທີ່ເຮົາໃຊ້ກັນຢູ່ໃນປະຈຸບັນ ເປັນໜຶ່ງໃນຂອງທີ່ມີ ສາຍຊະນິດດຽວກັນ ຄວາມຍາວເທົ່າກັນ ລາຄາມີໃຫ້ເລືອກຕັ້ງມີຫລາຍລາຄາ ໂດຍມີຄຳກ່າວວ່າ ສາຍຍິ່ງແພງ ສັນຍານຍິ່ງແຈ້ງ ພາບ ແລະສຽງຈະສົມຈິ່ງໄດ້ມີຕິຍິ່ງກວ່າເດີມ ວ່າມັນແທ້ຫລືບໍ່ ຄຸ້ມກັບມູນຄ່າທີ່ເຮົາຕ້ອງຈ່າຍເພີ່ມຫລືບໍ່ ແຕ່ລະຊະນິດມີສາຍດັ່ງນີ້
HDMI
ສຳລັບ HDMI ແລ້ວ ທຸກເສັ້ນມີລັກສະນະໃນການເຮັດຄືກັນ ຖ້າທ່ານໄດ້ພາບແລ້ວ (ເຄື່ອງຫລິ້ນມີເດຍ ສະຕີມເມີ, ກ່ອງດິຈິຕອນແລະ ອື່ນໆ) ຖ້າພາບຂຶ້ນເທິງຈໍ ແປວ່າການເຮັດຂອງມັນສົມບູນແບບ ບໍ່ວ່າຈະໃຊ້ສາຍຖຶກຫລືແພງ ເຮົາໄດ້ຮັບບໍ່ແຕກຕ່າງກັນ ເພາະມັນມີສັນຍານແບບດິຈິຕອນ 0 ກັບ 1 ເທົ່ານັ້ນ
ແລະຢ່າຕົກເປັນເຫຍື່ອການຕະຫລາດ ໂລກນີ້ບໍ່ມີ HDMi 1.4, HDMI special cable for 3D, 120 ຫລື 240Hz ຫຍັງທັງນັ້ນ ສາຍ HD <I ມີຢູ່ແຕ່ພຽງ 4 ແບບ ເທົ່ານັ້ນ ຄື
- Standard HDMI Cable
- High Speed HDMI Cable
- Standard HDMI Cable with Ethernet
- High Speed HDMI Cable with Ethernet
ໃນການໃຊ້ງານປົກກະຕິ High Speed HDMI Cable ກໍຄອບຄຸມການເຮັດວຽກທັງໝົດແລ້ວ ບໍ່ວ່າຈະເປັນການສົ່ງສັນຍານພາບລະດັບ 1080p ຫລື UltraHD 4K
ຈາກການທົດສອບຂອງ Tested ຜົນລັບຂອງສາຍລາຄາ 50.000 ແລະສາຍລາຄາ 1.500.000 ບໍ່ມີຄວາມແຕກຕ່າງກັນແຕ່ຢ່າງໃດ
ເຄດິດພາບ http: //www. tested. com/tech/3329-the-difference-between-cheap-and-expensive-hdmi-cables/
ແຕ່ກໍມີຂໍ້ຍົກເວັ້ນຢູ່ນຳ ໃນລໄລຍະທຳມະດາທົ່ວໄປ ຫາກຕ້ອງການລາກສາຍໄກໆ ໄລຍະເກີນ 20 ແມັດ ເຮົາອາດຈະຕ້ອງໃຊ້ສາຍລາຄາແພງໃນການເຮັດວຽກ ໂດຍເລືອກໃຊ້ສາຍທີ່ມີເທກໂນໂລຍີ Redmere ເຊີ່ງຈະມີການຝັງຊິບຊ່ວຍບູດສັນຍານ ເຮັດໃຫ້ສົ່ງໄດ້ໄກຂຶ້ນ ແຕ່ຖ້າເຮົາໃຊ້ປົກກະຕິ ໄລຍະໃນເຮືອນ ເຈົ້າຈະບໍ່ເຫັນຄາມແຕກຕ່າງນີ້
USB (ແລະສາຍ Lightning)
ມີຄວາມເຊື່ອຜິດໆ ຂອງຄົົນທີ່ຕິດກັບມາຍາທີ່ວ່າ ສາຍ USB ລາຄາແພງຈະສົ່ງຂໍ້ມູນໄດ້ດີກວ່າ ພາບທີ່ໄດ້ຈະມີອາລົມ ສຽງທີ່ໄດ້ຈະອິ່ມກວ່າ ກໍລະນີນີ້ມັນກໍບໍ່ຕ່າງຫຍັງກັບສາຍ HDMI ໂລກຂອງດິຈິຕອນມັນບໍ່ມີຫຍັງຊັບຊ້ອນ ນອກຈາກ 0 ກັບ 1 ໃນການຮັບສົ່ງຂໍ້ມູນແລ້ວ ສາຍ USB ບໍ່ວ່າຈະຖືກຫລືແພງກໍບໍ່ແຕກຕ່າງກັນ ກໍລະນີລວມເຖິງສາຍ Lightning ຂອງ Apple ພ້ອມ ທີ່ຍົກມາລວມກັນເນື່ອງຈາກການເຮັດວຽກຂອງສາຍທັງສອງຮູບແບບນີ້ບໍ່ແຕກຕ່າງກັນ
ແຕ່ກໍມີຂໍ້ຍົກເວັ້ນ ໃນເລື່ອງຂອງການສົ່ງພະລັງງານໄຟຟ້າ ສາຍ USB ແຕ່ລະເສັ້ນມີຄວາມໄວໃນການສາກອຸປະກອນແຕກຕ່າງກັນ ສາຍ USB ຄຸນນະພາບດີຈະສົ່ງກະແສໄຟຟ້າຜ່ານສາຍໄດ້ໃນຈຳນວນ Amps ທີ່ຫລາຍກວ່າ ຫາກຕ້ອງການຄວາມໄວໃນການສາກ [ອຸປະກອນ] ອັນນີ້ເຮົາກໍຕ້ອງເລືອກສາຍ USB ທີ່ມີຄຸນນະພາບດີແດ່ ແຕ່ກໍບໍ່ຈຳເປັນຕ້ອງແພງເວີຈົນເກີນໄປກໍໄດ້ມັນບໍ່ໄດ້ແຕກຕ່າງກັນຫລາຍຂະໜາດໃດ
ສຸດທ້າຍຂໍຢ້ຳອີກວ່າ ສາຍ USB ບໍ່ເຮັດໃຫ້ພາບຫລືສຽງມີຄຸນນະພາບທີ່ດີຂຶ້ນ
ສາຍລຳໂພງ (Speaker Cables)
ນັກຟັງຫູທອງເຊື່ອໝັ້ນວ່າສາຍລຳໂພງລາຄາແພງສາມາດປ່ຽນຄຸນນະພາບສຽງທີ່ໄດ້ຈາກເຄື່ອງຫລິ້ນເພງໄດ້ມິຕິສຽງອິ່ມຫລາຍກວ່າເກົ່າ
ສຳລັບສາຍລຳໂພງແລ້ວ ຄ່າຄວາມຕ້ານທານຂອງສາຍສົ່ງຜົນຕໍ່ສຽງ ແລະມີການພິສູດແລ້ວດ້ວຍຫລັກການທາງວິທະຍາສາດ ສາຍແຕ່ລະເສັ້ນທີ່ແຕກຕ່າງກັນເຮັດໃຫ້ສັນຍານສຽງຈາກເຄື່ອງຫລິ້ນທີ່ອອກມາຍັງລຳໂພງແຕກຕ່າງກັນແທ້
ໝາຍຄວາມວ່າເຮົາ ເຮົາຕ້ອງຈ່າຍເງີນແພງຂຶ້ນເພື່ອໃຫ້ໄດ້ສຽງທີ່ໄດ້ຂຶ້ນແມ່ນຫລືບໍ່ ຄຳຕອບຄື ບໍ່ທັງໝົດ ເປັນການຍາກທີ່ເຮົາຈະຄາດເດົາວ່າສາຍແບບໃດເໝາະກັບເຄື່ອງຫລິ້ນຕົວໃດ ເຖິງຈະໃຫ້ສຽງທີ່ເໝາະສົມທີ່ສຸດ ສາຍລາຄາແພງອາດຈະເຮັດໃຫ້ສຽງທີ່ໄດ້ດີຂຶ້ນຫລືຮ້າຍກວ່າເກົ່າ ມີໂອກາດເກີດຂຶ້ນໄດ້ທັງນັ້ນ
ແລະສາຍສົ່ງຜົນຕໍ່ສຽງນ້ອຍຫລາຍ ຫາກທຽບກັບ DAC ການປ່ຽນ DAC ຈະໃຫ້ຄວາມຊັດເຈນຫລາຍກວ່າ ຫລືແມ່ນແຕ່ຍັບລຳໂພງ ການຈັດຫ້ອງໃຫ້ທິດທາງຂອງຄື້ນສຽງປ່ຽນໄປ ກໍສົ່ງຜົນຕໍ່ສຽງທີ່ເຮົາຈະໄດ້ຍິນໄດ້ທັງນັ້ນ
ສາຍລຳໂພງນັ້ນມີຄວາມແຕກຕ່າງຈາກ USB ແລະ HDMI ເພາະສາຍລຳໂພງນັ້ນເຮັດວຽກເປັນ Analog ຄຸນນະພາບຂອງສາຍຈະສົ່ງຜົນຕໍ່ສຽງແລະວິດີໂອໄດ້ (ແຕ່ກໍເລັກນ້ອຍ)
Optical cables
ສັນຍານທີ່ສົ່ງຜ່ານສາຍ Optical cable ສ່ວນໃຫຍ່ຈະເປັນສັນຍານແບບດິຈິຕອນ ສັນຍານສຽງຈະເປັນຮູບແບບ PCM (Pulse Code Modulation) ຫລືບໍ່ກໍ Dolby Digital Formal
ໃນການຖອດລະຫັດສັນຍານແບບ Dolby Digital ຖ້າສັນຍານທີ່ໄດ້ຮັບບໍ່ສົມບູນ ສຽງຈະຫາຍໄປເລີຍຫລືກາຍເປັນສຽງບາດຫູທີ່ອາດຈະສ້າງຄວາມເສຍຫາຍແກ່ລຳໂພງຂອງເຈົ້າເລີຍ
ແຕ່ຖ້າເປັນການສົ່ງສັນຍານແບບ PCM ແລ້ວ ນັກຟັງຫູທອງກ່າວວ່າສາມາດຈັບຄວາມແຕກຕ່າງຂອງສຽງທີ່ໄດ້ຈາກສາຍທີ່ຄຸນນະພາບແຕກຕ່າງກັນ ແຕ່ຈາກການທົດສອບທາງວິທະຍາສາດລະຫວ່າງສາຍແພງແລະສາຍຖືກແລ້ວ ພົບວ່າບໍ່ແຕກຕ່າງກັນຢູ່ດີ
ເຄດິດພາບ http: //archimago. blogspot. se/2013/05/measurements-toslink-optical-audio. html
ສາຍແລນ (Ethernet)
ບໍ່ມີຫຍັງແຕກຕ່າງ ຖ້າມັນໃຊ້ງານໄດ້ ກໍຄື ມັນໃຊ້ໄດ້
DVI ແລະ DisplayPort
ການເຮັດວຽກຂອງພອດ DVI ມີລັກສະນະການເຮັດວຽກຄືກັບສາຍ HDMI ທຸກປະການ ຖ້າມັນເປັນດິຈິຕອນ ແລະມັນເຮັດວຽກໄດ້ ແປວ່າມັນເຮັດວຽກໄດ້ສົມບູນ DisplayPort ກໍເຊັ່ນດຽວກັນ
VGA (RGB-15)
ບໍ່ຮູ້ວ່າຍັງມີຄົນໃຊ້ພອດນີ້ຢູ່ຫລືບໍ່ ແຕ່ຖ້າມີ ກ່ອນອື່ນສາຍ VGA ລາຄາແພງຕອນນີ້ກໍຈະກາຍເປັນລາຄາຖືກໄປແລ້ວເນື່ອງຈາກຕົກລຸ້ນໄປຫລາຍປີ ແຕ່ຕາມຫລັກການສາຍ VGA ເຮັດວຽກແບບອະນາລັອກ ຖ້າຫາກສາຍຄຸນນະພາບສູງກໍມີຄວາມເປັນໄປໄດ້ວ່າພາບທີ່ໄດ້ຈະສະແດງຜົນດີກວ່າ
ສາຍໄຟ (Power Cables)
ຖ້າເຈົ້າເຂົ້າວົງການເຄື່ອງຫລິ້ນສຽງແລ້ວ ມັນເປັນເລື່ອງໜ້າຕື່ນເຕັ້ນຫລາຍທີ່ເຈົ້າພົບວ່າ ພວກເຂົາເຊື່ອວ່າສາຍໄຟທີ່ດີລວມເຖິງປັກທີ່ມີການກອງໄຟ ຈະເຮັດໃຫ້ຄຸນນະພາບສຽງທີ່ໄດ້ຮັບນັ້ນດີຂຶ້ນ ຖ້າເຈົ້າເຊື່ອວ່າການປ່ຽນປັກໄຟຈະເຮັດໃຫ້ສຽງດີຂຶ້ນ ເຮົາກໍຂໍສະແດງຄວາມເສຍໃຈນຳ ສາຍໄຟບໍ່ມີສ່ວນກ່ຽວຂ້ອງຕໍ່ການສົ່ງສັນຍານສຽງຫລືພາບໃດໆ ທຸກປະການ