ກູເກີນເປີດຕົວ Google Maps Timeline ສຳລັບຍ້ອນເບິ່ງປະຫວັດການເດິນທາງໄປຍັງສະຖານທີ່ຕ່າງໆ ຕິດຕາມໄດ້ທຸກຫົນແຫ່ງ
ເມື່ອວັນທີ່ 21 ທີ່ຜ່ານມາ ກູເກີນໄດ້ເປີດຕົວ Google Maps Timeline ສຳລັບຍ້ອນເບິ່ງປະຫວັດການເດິນທາງ ວ່າໃນແຕ່ລະມື້ ແຕ່ລະເດືອນທີ່ຜ່ານມາ ເຮົາເຄີຍເດິນທາງໄປທີ່ໃດມາແດ່ ເຊີ່ງຈະສະແດງເປັນເສັ້ນທາງພ້ອມທັງລະບຸມື້ເວລາເທິງແຜນທີ່ຂອງ Google Maps ແລະຍິ່ງໄປກວ່ານັ້ນຄື ຖ້າຫາກເຮົາໃຊ້ Google Photos ຖ່າຍຮູບໃນສະຖານທີ່ຕ່າງໆ ກໍຈະຖືກນຳມາສະແດງເທິງ Timeline ນີ້ດ້ວຍເຊັ່ນກັນ ແລະຍັງມີຟີວເຈີອື່ນໆ ອີກຫລວງຫລາຍ ເຊັ່ນ ກຳນົດສະຖານທີ່ໃຫ້ເປັນຊື່ເອີ້ນສະເພາະຕາມທີ່ເຮົາຕ້ອງການໄດ້
ຢ່າງໃດກໍຕາມປະຫວັດສະຖານທີ່ຕ່າງ ໆ ທີ່ຖືກບັນທຶກໄວ້ໃນ Google Maps Timeline ຈະສາມາດເບິ່ງໄດ້ສະເພາະຕົວເຮົາເອງເທົ່ານັ້ນ ຈຶ່ງບໍ່ຕ້ອງກັງວົນວ່າຄົນອື່ນຈະຮູ້ວ່າເຮົາໄປໃສແດ່ ແລະເຮົາກໍສາມາດເລືອກລົບປະຫວັດຂອງບາງສະຖານທີ່ຫລືບາງຊ່ວງເວລາບໍ່ໃຫ້ສະແດງໃນ Timeline ໄດ້ເຊັ່ນກັນ ໂດຍຟີວເຈີດັ່ງກ່າວສາມາດໃຊ້ງານເທິງ PC ແລະ Android ໄດ້ແລ້ວມື້ນີ້ ແຕ່ຜູ້ໃຊ້ຈະຕ້ອງເລືອກອະນຸຍາດໃຫ້ກູເກີນເກັບຂໍ້ມູນສະຖານທີ່ຂອງເຮົາດ້ວຍ