ດ້ວຍກະແສຕອບຮັບເປັນຢ່າງດີຂອງຜູ້ຊົມໃຊ້ໂທລະສັບມືຖື Samsung ດັ່ງນັ້ນ ບໍລິສັດຊຳຊຸງ ຈຶ່ງນຳເອົາ Samsung GALAXY Grand ຊຶ່ງເປັນໂທລະສັບມືຖື Smart Phone ລຸ້ນທຳອິດ ທີ່ເປັນພາສາລາວ ຢ່າງສົມບູນ ມາໃນເຄື່ອງ ມີເມນູພາສາລາວ ມີແປ້ນພິມພາສາລາວ ແລະ ສາມາດອ່ານພາສາລາວໄດ້ໃນເວັບໄຊຕ່າງໆ.
ໃນຍຸກປັດຈຸບັນ ຜູ້ໃດຕ້ອງການຄວາມສະດວກສະບາຍວ່ອງໄວທັນໃຈ ໃນການຕິດຕໍ່ສື່ສານກັນໃນສັງຄົມ ໂທລະສັບມືຖື Samsung ເປັນໂທລະສັບມືຖືທີ່ສາມາດຕອບສະໜອງຄວາມຕ້ອງການຂອງຜູ້ຊົມໃຊ້ໃນຍຸກປັດຈຸບັນໄດ້ເປັນຢ່າງດີ ດ້ວຍເທັກໂນໂລຊີ Smart Phone ທີ່ມີຢູ່ໃນໂທລະສັບມືຖື Samsung ການໃຊ້ງານທີ່ໂດດເດັ່ນບໍ່ຄືໃຜ ຈຶ່ງຊ່ວຍໃຫ້ທ່ານມ່ວນຊື່ນກັບການໃຊ້ຊີວິດແບບງ່າຍໆພຽງປາຍນິ້ວສຳພັດ ແລະ ບວກກັບການອອກແບບຫຼິ້ນຕ່າງໆທີ່ທັນສະໄໝ ຈຶ່ງເຮັດໃຫ້ໂທລະສັບມືຖື Samsung ໄດ້ຮັບຄວາມໄວ້ວາງໃຈ ແລະ ນິຍົມນຳໃຊ້ກັນໃນທົ່ວໂລກ.
ປັດຈຸບັນ ທາງບໍລິສັດ Samsung ກຳລັງພັດທະນາໂທລະສັບມືຖື Smart Phone ທຸກລຸ້ນທີ່ກຳລັງຈະອອກມາໃໝ່ໃຫ້ມີພາສາລາວໃນເຄື່ອງ ເພື່ອຄວາມສະດວກສະບາຍຂອງຜູ້ຊົມໃຊ້ໃນ ສປປ ລາວ.