ສຳນັກຂ່າວຕ່າງປະເທດ ລາຍງານໃນວັນທີ 23 ກໍລະກົດນີ້ວ່າ ກອງທັບປາກິດສະຖານ ໄດ້ສົ່ງເຮລິຄອບເຕີ້ ແລະ ເຮືອຫລາຍລຳ ເຂົ້າໄປອົບພະຍົບຜູ້ປະສົບໄພນ້ຳຖ້ວມ ທາງພາກເໜືອຂອງປະເທດ ເນື່ອງຈາກປະເຊີນກັບຝົນຕົກໜັກ ຈາກອິດທິພົນຂອງລົມມໍລະສຸມເປັນເວລາຫລາຍມື້ຜ່ານມາ ໂດຍ ທ່ານ ອາໝັດ ຄາມານ ໂຄສົກຂອງສຳນັກງານຈັດການໄພພິບັດແຫ່ງຊາດຂອງປາກິດສະຖານ ໄດ້ລະບຸວ່າ ຈົນເຖິງຂະນະນີ້ມີຜູ້ເສຍຊີວິດຈາກເຫດນ້ຳຖ້ວມໃນປະເທດແລ້ວ 3 ຄົນ ແລະ ມີຜູ້ໄດ້ຮັບຜົນກະທົບເຖິງ 285,000 ຄົນ ພ້ອມນັ້ນຍັງສ້າງຄວາມເສຍຫາຍໃຫ້ແກ່ຂົວ, ຖະໜົນ, ເຮືອນຊານ ແລະ ສິ່ງກໍ່ສ້າງສາທາລະນະຫລາຍແຫ່ງ.