ສຳນັກຂ່າວຕ່າງປະເທດ ລາຍງານໃນວັນທີ 23 ກໍລະກົດນີ້ວ່າ ທ່ານ ບາຣັກ ໂອບາມາ ປະທານາທິບໍດີສະຫະລັດອາເມຣິກາ ແລະ ປະທານາທິບໍດີ ຕອຍຢິບ ເອີໂດກັນ ແຫ່ງຕວກກີ ໄດ້ຕົກລົງເຫັນດີຮ່ວມກັນຜ່ານທາງໂທລະສັບ ໃນການສະກັດກັ້ນກຸ່ມນັກຮົບຕ່າງຊາດ ທີ່ຈະເດີນທາງເຂົ້າໄປຮ່ວມສູ້ຮົບກັບກຸ່ມໄອເອັສ ຕາມບໍລິເວນຊາຍແດນຕວກກີ ແລະ ຊີຣີ ເນື່ອງຈາກໃນໄລຍະຜ່ານມາ ມີກຸ່ມນັກຮົບຊາວຕ່າງຊາດຫລາຍພັນຄົນ ນຳໃຊ້ເສັ້ນທາງຜ່ານຕວກກີ ເພື່ອເຂົ້າໄປຍັງຊີຣີ ຕາມການຊວນເຊື່ອປຸກລະດົມຂອງກຸ່ມລັດອິດສະລາມ ຫລື ໄອເອັສ ທີ່ກຳລັງຍຶດຄອງພື້ນທີ່ບາງສ່ວນຂອງປະເທດຊີຣີ ແລະ ອີຣັກຢູ່ໃນປັດຈຸບັນ.