ຮຽນຜູກກໍຕ້ອງຮຽນແກ້ Jailbreak ໄປແລ້ວ ກໍຄວນຮູ້ວິທີລົບ Jailbreak ອອກ ເວລາເຄື່ອງມີບັນຫາ ກ່ອນຈະສົ່ງສູນ ຄວນຈະລົບ Jailbreak ກ່ອນ ເຊີ່ງວິທີການລົບ Jailbreak ອອກນັ້ນງ່າຍຫຼາຍໆ ມາເບິ່ງຂັ້ນຕອນການເຮັດກັນເລີຍ
ກ່ອນຈະເຮັດຫຍັງ ກໍຕາມ ຄວນຈະ Backup (ສຳຮອງຂໍ້ມູນ) ກ່ອນ ສາມາດເບິ່ງຂັ້ນຕອນການເຮັດໄດ້ ບ່ອນນີ້
ເຮົາມີວິທີລົບ Jailbreak ມາຝາກ 2 ວິທີ ຄື ການໃຊ້ iTunes ແລະການໃຊ້ Cydia Impactor
ການລົບ Jailbreak ດ້ວຍ iTunes
ວິທີນີ້ຄ່ອນຂ້າງງ່າຍ ແລະສະດວກ ໃຫ້ເຮົາເປີດ iTunes ຂຶ້ນມາ ແລ້ວເລືອກ “ກູ້ຄືນ iPhone… ” ຖ້າໃຊ້ເວີລ໌ຊັ່ນພາສາອັງກິດຈະເປັນ “Restore iPhone… ”
ຈາກນັ້ນ iTunes ຈະກໍ່ການດາວນ໌ໂຫລດຟີມແວລ໌ເວີລ໌ຊັ່ນລ່າສຸດ (ຄອມພິວເຕີຈຳເປັນຕ້ອງເຊື່ອມຕໍ່ອິນເຕີເນັດກ່ອນລົງມືເຮັດ) ມາຕິດຕັ້ງໃໝ່ເທິງ iPhone ຂອງເຮົາ ແລ້ວລົບ Jailreak ອອກໃຫ້ເຮົາອັດຕະໂນມັດ
ຫຼັງຈາກນັ້ນໃຫ້ເຮົາ Restore Backup ເພື່ອກູ້ຄືນຂໍ້ມູນທີ່ເຮົາໄດ້ສຳຮອງ (Backup) ເອົາໄວ້
ການລົບ Jailbreak ດ້ວຍ Cydia Impactor
Cydia Impactor ເປັນທຣິກໃໝ່ທີ່ Saurik ຜູ້ສ້າງ Cydia ໄດ້ພັດທະນາຂຶ້ນມາ ໃຊ້ສຳລັບລົບ Jailbreak ຈາກ Jailbroken device ໃຫ້ iOS ກັບໄປເປັນຄືຂອງເດີມຈາກ Apple ການເຮັດວຽກຄ້າຍຄືກັບໂປແກມເທິງພີຊີຢ່າງ iLEX RAT ແລະ Semi-Restore ແຕ່ວ່າ Cydia Impactor ນັ້ນຈະມີຄວາມແຕກຕ່າງບ່ອນທີ່ ເປັນເຄື່ອງມືຕົວທຳອິດທີ່ສາມາດລົບ Jailbreak ອອກໄດ້ ໂດຍບໍ່ຕ້ອງ Restore ແຖມຍັງບໍ່ຈຳເປັນຕ້ອງໃຊ້ຄອມພິວເຕີຊ່ວຍອີກດ້ວຍ
ຄວາມສາມາດທີ່ໜ້າສົນໃຈຂອງ Cydia Impactor
- ລົບ Jailbreak ໄດ້ໂດຍບໍ່ຕ້ອງໃຊ້ຄອມພິວເຕີ
- ລົບຂໍ້ມູນສ່ວນຕົວຂອງຜູ້ໃຊ້ອອກໄດ້ທັງໝົດໂດຍບໍ່ຕ້ອງ Restore
- ສາມາດເລືອກໃຊ້ iOS ເວີລ໌ຊັ່ນເກົ່າໄດ້ ບໍ່ຈຳເປັນຕ້ອງອັບເປັນເວີລ໌ຊັ່ນລ່າສຸດ
ຂັ້ນຕອນການເຮັດ
ເປີດ Cydia ຂຶ້ນມາ ຄົ້ນຫາ Cydia Impactor ແລ້ວກໍ່ຕິດຕັ້ງ ເຮົາຈະໄດ້ແອບ ມາເທິງ Home screen
ແອບຈະເຕືອນເຮົາວ່າ ຕ້ອງຕໍ່ອິນເຕີລ໌ເນັດຄະນະເຮັດວຽກ ເຮົາຂໍແນະນຳໃຫ້ຕໍ່ຜ່ານ Wi-Fi, ກວດສອບແບດເຕີລີ່ຄວນຈະເຫຼືອຫຼາຍກວ່າ 50% ແລະໃນຄະນະທີ່ແອບ ກຳລັງເຮັດວຽກບໍ່ຄວນໃຊ້ງານແອບອື່ນ ປ່ອຍໃຫ້ມັນເຮັດວຽກພຽງຢ່າງດຽວ
ຫາກພ້ອມແລ້ວກໍກົດໄປທີ່ປຸ່ມສີແດງດ້ານລຸມ delete all data and jailbreak device ກົດ Delete all ເພື່ອຢືນຢັນການຕັດສິນໃຈ
ຫຼັງຈາກນັ້ນ iDevice ຂອງເຮົາຈະມີການ Reboot ເມື່ອສຳເລັດແລ້ວ ເຮົາຈະພົບກັບໜ້າຈໍ ສະບາຍດີ ຄືກັບທີ່ ເຮົາແກະກ່ອງ iDevice ຂຶ້ນມາເທື່ອທຳອິດ ສາມາດກົດ Restore Backup ຈາກ iTunes ໄດ້ເລີຍ ເປັນອັນຮຽບຮ້ອຍ
