ປ່ຽນ Theme Service ຕາມໃຈມັກ

ເມື່ອເວົ້າເຖິງເລື່ອງ theme ຂຶ້ນມາ ເຮົາມັກຈະຄິດຍ້ອນໄປຫາໂທລະສັບມືຖືສະໄໝກ່ອນທີ່ສາມາດປັບປ່ຽນລັກສະນະໜ້າຈໍໃຫ້ເປັນໄປແບບທີ່ເຮົາມັກ ໄດ້ຕາມໃຈ ແລະ ສະແດງເຖິງ style ຂອງຕົວເຮົາເອງໄດ້. ໃນ Samsung Galaxy S6 ກໍມີຄຸນສົມບັດນີ້ມາຕັ້ງແຕ່ແກະກ່ອງກັນເລີຍ ໂດຍມັນຈະສາມາດປ່ຽນລັກສະນະ ຮູບພາບພື້ນ ຫຼັງຂອງໜ້າຈໍຫຼັກ, ລາຍການແອັບຯ, ໜ້າຈໍລັອກ, ແຖບການແຈ້ງເຕືອນ, ແປ້ນໂທລະສັບ, ລາຍຊື່ຕິດຕໍ່, ແອັບຯຂໍ້ຄວາມ ແລະ ໄອຄອນໃຫ້ເຂົ້າຊຸດເປັນໂທນສີ ແລະ ລາຍທີ່ມີເອກະລັກໃຫ້ເປັນແບບ ດຽວກັນໄດ້.

ສຳລັບວິທີການໃຊ້ງານ Theme Service

ແມ່ນໃຫ້ປະຕິບັດຕາມຂັ້ນຕອນລຸ່ມນີ້

ຢູ່ທີ່ໜ້າຈໍຫຼັກ ໃຫ້ແຕະພື້ນທີ່ວ່າງເທິງໜ້າຈໍຄ້າງໄວ້
ຫຼັງຈາກນັ້ນແຕະ Themes
ເຮົາຈະເຫັນລາຍການ theme ຢູ່ໃນໜ້ານີ້. ເພື່ອເປັນຕົວຢ່າງເຮົາຈະລອງໃຊ້ theme ທີ່ຊື່ວ່າ Space ໂດຍແຕະທີ່ຮູບ theme ນັ້ນເລີຍ
ໜ້າຈໍສະແດງລາຍລະອຽດຂອງ Theme ຈະປະກົດຂຶ້ນມາ ເຮົາກໍພຽງແຕ່ກົດປຸ່ມ Download ຄ່ອຍໆ ແລ້ວກົດ Accept and download ເພື່ອຢືນຢັນ
ຫຼັງຈາກດາວໂຫຼດ Theme ສຳເລັດແລ້ວ ໃຫ້ກົດ Apply ເພື່ອເປີດໃຊ້ ຫຼັງຈາກນັ້ນກົດ Apply ອີກຄັ້ງເພື່ອເປີດໃຊ້ (ແອັບຯທີ່ເປີດຄ້າງໄວ້ທັງໝົດຈະຖືກປິດ ແລະ ຂໍ້ມູນທີ່ຍັງບໍ່ທັນບັນທຶກຈະຫາຍ ສະນັ້ນຢ່າລືມບັນທຶກໄວ້ກ່ອນເປີດໃຊ້ Theme)
Enjoy! ລັກສະນະໜ້າຈໍຂອງເຮົາກໍຈະປ່ຽນໄປເປັນຕາມແບບ theme ທີ່ເຮົາເລືອກ

ຢາກໄດ້ Theme ເພີ່ມອີກ
ຫາໄດ້ຢູ່ໃສ ?

ນອກຈາກນັ້ນຍັງມີ theme ອີຫຫຼາກຫຼາຍໃຫ້ເຮົາເລືອກໃຊ້ເຊິ່ງສາມາດດາວໂຫຼດເພີ່ມເຕີມໄດ້ຈາກຮ້ານຄ້າ theme ໄດ້ຕາມຂັ້ນຕອນລຸ່ມນີ້

ຢູ່ໜ້າຈໍຫຼັກ ແຕະພື້ນທີ່ວ່າງຄ້າງໄວ້ ຈາກນັ້ນ ກົດ Themes
ແຕະ Store
ຈາກນັ້ນໜ້າຮ້ານຄ້າຈະຖືກເປີດຂຶ້ນມາ ເຊິ່ງມີ theme ໃຫ້ເຮົາເລືອກຢ່າງຫຼາກຫຼາຍ ມັກ theme ໃດກໍສາມາດກົດດາວໂຫຼດໄດ້ ແລະ ປະຕິບັດຕາມວິທີເປີດໃຊ້ຕາມຂັ້ນຕອນທີ 4 ຂ້າງເທິງ
ພາຍໃນຮ້ານຄ້າ Theme ມີ theme ໃຫ້ເລືອກຫຼາກຫຼາຍເລີຍ ໃຜເປັນສາວົກ The Avengers ຍິ່ງບໍ່ຄວນ ພາດ! ເບິ່ງໄດ້ຈາກຕົວຢ່າງຂ້າງລຸ່ມ