ບັນຫາໜັກໃຈຂອງຄົົນທີ່ຕ້ອງໃຊ້ງານສະມາດໂຟນຕະຫຼອດເວລາອັນດັບທຳອິດ ຈະຕ້ອງມີເລື່ອງ 3G ບໍ່ພໍໃຊ້ລວມຢູ່ນຳເປັນອັນດັບທຳອິດ ມື້ນີ້ເຮົາມີເຄັດບໍ່ລັບທີ່ຈະຊ່ວຍໃຫ້ 3G ເຫຼືອໃຊ້ງານຫຼາຍຂຶ້ນ ງ່າຍໆ 5 ວິທີມາຝາກ ງານນີ້ສຳຫຼັບຊາວແອນດຣອຍໂດຍສະເພາະ ມາເບິ່ງກັນວ່າຕ້ອງເຮັດແນວໃດແດ່
- ບີບອັດຂໍ້ມູນໃນການຫຼິ້ນເວັບດ້ວຍ Chrome
ຖ້າຫາກປົກກະຕິແລ້ວເປີດເວັບເທິງມືຖືເປັນປະຈຳແລ້ວ ເຮົາແນະນຳໃຫ້ໃຊ້ແອບ Chrome ໃນການຫຼິ້ນເວັບ ດ້ວຍການເປີດໃຊ້ງານຄຸນສົມບັດ Data Saver ຈະເຮັດໃຫ້ຂໍ້ມູນທີ່ຖືກດາວໂຫຼດເທິງໜ້າເວັບຖືກບີບອັດ ເຮົາຈະເສຍດາຕ້າໃນການເປີດເວັບລຸດລົງໄດ້ 30-35% ກໍ່ໄດ້
ການເປີດ Data Saver ເຮົາຈະຮູ້ສຶກໜ້າເວັບສະແດງຜົນຊ້າລົງ ແລະ ຄຸ້ມຄ່າກວ່າການສູນເສຍດາຕ້າອັນມີຈຳກັດ ເປີດໃຊ້ງານດ້ວຍການໄປທີ່ຈຸດສາມຈຸດບໍລິເວນຂວາເທິງຂອງແອບ Chrome ເລື່ອນລົງມາຫາເມນູ Settings ແລ້ວກົດເປີດໃຊ້ງານ Data Saver
- ປ່ຽນແອບFacebook ທີ່ໃຊ້ງານຢູ່
ຖ້າເຄີຍກວດສອບປະລິມານການໃຊ້ດາຕ້າຂອງໂທລະສັບເບິ່ງແລ້ວ ເຮົາໜ້າຈະຮູ້ກັນດີວ່າແອບ Facebook ນັ້ນສິ້ນເປືອງດາຕ້າຢ່າງຫຼວງຫຼາຍ ມັນເປັນແອບ ທີ່ຕ້ອງໃຊ້ເປັນປະຈຳ ແມ່ນ Facebook Lite ທີ່ເປັນເວີຊັ່ນປະຫຍັດ ກໍຍັງໃຊ້ດາຕ້າສູງເຊັ່ນກັນ
ເຮົາຂໍແນະນຳລອງໃຊ້ Tinfoil for facebook ເປັນເວັບແອບ ທີ່ໃຊ້ດາຕ້າໃນການໂຫຼດຂໍ້ມູນໜ້ອຍຫລາຍ ດາວໂຫຼດໄວ ແລະບໍ່ມີໂຄສະນາມາກວນໃຈ ຫຼື ຖ້າບໍ່ລື້ງການໃຊ້ Facebook ຜ່ານ Chrome ກໍເປັນອີກທາງເລືອກໜຶ່ງໃນການປະຫຍັດ 3G ໃຫ້ເຮົາໄດ້ ເພື່ອຄວາມສະດວກໃນການໃຊ້ຢ່າລືມ Add to Home Screen ເພື່ອຄວາມສະດວກໃນການໃຊ້ງານ
- Restrict background data
ເປັນອີກໜຶ່ງວິທີງ່າຍໆ ໃນງານປະຫຍັດດາຕ້າ ກໍຄື: ການເປີດໃຊ້ງານ Restrict background data ໂດຍປົກກະຕິແລ້ວແມ່ນເຮົາຈະບໍ່ໄດ້ໃຊ້ງານໂທລະສັບຢູ່ ແຕ່ເບື້ອງຫຼັງກໍຈະຍັງມີການໃຊ້ງານອິນເຕີເນັດໃນການອັບເດດຂໍ້ມູນຢູ່ໂດຍທີ່ເຮົາບໍ່ຮູ້ຕົວ ເຊັ່ນ:ການ ເຊັກອີເມວ, ການອັບເດດ Feeds ຕ່າງໆ, ສະພາບອາກາດ ແລະອື່ນໆ ອີກຫຼວງຫຼາຍ ເຊິ່ງສ່ວນຫຼາຍບໍ່ໄດ້ຈຳເປັນຕໍ່ຊີວິດຂອງເຮົາປານໃດ
ການເປີດໃຊ້ງານ Restrict background data ໃຫ້ເຮົາໄປທີ່ Settings>> Data usage>> Restrict Background Data ແລະເຮົາຍັງສາມາດກຳນົດການອັບເດດຂໍ້ມູນຂອງ Google services ໄດ້ດ້ວຍການຕັ້ງຄ່າທີ່ Settings >> Accounts >> Google >> ເລືອກບັນຊີຜູ້ໃຊ້ >> ແລ້ວເລືອກປິດບໍລິການທີ່ເຮົາບໍ່ຕ້ອງການໃຫ້ມັນອັບເດດອັດຕາໂນມັດ
- ປິດການອັບເດດແອບແບບອັດຕະໂນມັດ
ອີກໜຶ່ງເຫດຜົນທີ່ 3G ຂອງເຮົາຕິດ FUp ຢ່າງວ່ອງໄວ ກໍມາຈາກການໃຊ້ງານ Google Play app updating ຖ້າເຮົາເປີດໃຫ້ມັນອັບເດດແອບ ອັດຕະໂນມັດໄວ້ FUP ຈະມາເບິ່ງໂດຍທີ່ເຮົາບໍ່ທັນຮູ້ໂຕເລີຍ
ທາງທີ່ດີເຮົາຄວນຈະປິດມັນ ແລ້ວອັບເດດຜ່ານ Wi-Fi ດີກວ່າ ແອບແຕ່ລະແອບ ຂະໜາດບໍ່ແມ່ນໜ້ອຍໆເລີຍ ໄປທີ່ Play Store ແລ້ວເຂົ້າໄປທີ່ Setting ເຮົາຈະເຫັນ Auto-Updates Apps ເລືອກໄປທີ່ “Do Not Auto-Update Apps” ຫຼື “only over Wi-Fi” ເທົ່ານີ້ກໍຮຽບຮ້ອຍ
- ຟັງເພງຈາກໂທລະສັບແທນທີ່ຈະເປີດຈາກ Youtube
ການສະຕີມເພງຈາກ Youtube ເປັນສິ່ງທີ່ເຜົາຜານດາຕ້າທີ່ໂຫດທີ່ສຸດ ເພງໜື່ງກໍກິນໄປຫຼາຍສິບ MB ແລ້ວ ທາງທີ່ດີຟັງເພງໂດຍກົງຈາກເຄື່ອງດີກວ່າ ຖ້າຫາກໜ່ວຍຄວາມຈຳບໍ່ພໍ ດ່ຽວນີ້ອຸປະກອນ OTG ສາມາດຊື້ຫາໄດ້ໃນລາຄາຖືກຕາມທ້ອງຕະຫຼາດກໍສາມາດໃຊ້ເພີ່ມໜ່ວຍຄວາມຈຳໃນການໃສ່ເພງໄດ້ແລ້ວ
