ອີໂມຈິນັ້ນສຳຄັນຢ່າງໃດ… ອີໂມຈິມີປະໂຫຍດຢ່າງໃດ ເປັນຫຍັງເຮົາຈຶ່ງຄວນໃຫ້ຄວາມສຳຄັນກັບມັນ ມາເບິ່ງກັນ
ອີໂມຈິ (Emoji) ທີ່ເຮົາມັກໃຊ້ສົ່ງຫາໝູ່ ຄະນະທີ່ແຊດກັນເປັນປະຈຳນັ້ນ ແທ້ຈິງແລ້ວມີຄວາມສຳຄັນຫຼາຍກວ່າທີ່ຫຼາຍຄົນຄິດ ເພາະມັນບໍ່ໄດ້ມີໄວ້ສົ່ງຫາກັນຫລິ້ນໆ ມ່ວນໆ ເທົ່ານັ້ນ ແຕ່ມັນຍັງມີທັງປະໂຫຍດ ຄວາມສຳຄັນ ແລະຄວາມເປັນມາທີ່ເລິກກວ່ານັ້ນ ເຊີ່ງໃນມື້ນີ້ທາງເວັບໄຊຕ໌ Laopost ຈະມາເລົ່າໃຫ້ຟັງກັນວ່າອີໂມຈິນັ້ນມີຄວາມສຳຄັນຢ່າງໃດ ແລະເປັນຫຍັງເຮົາຈຶ່ງຄວນໃຫ້ຄວາມສຳຄັນກັບມັນ
1. ອີໂມຈິເປັນພາສາທີ່ພັດທະນາໄວທີ່ສຸດ
ໃຜຈະໄປຮູ້ວ່າອີໂມຈິນັ້ນແທ້ຈິງມີຕົ້ນກຳເນີດມາຈາກອີຍິບບູຮານນັບຮ້ອຍປີແລ້ວ ແລະພັດທະນາມາຈົນເປັນອີໂມຈິທີ່ໃຊ້ສົ່ງແຊດກັນໃນຍຸກປະຈຸບັນ ແລະຍັງເປັນອີກໜຶ່ງພາສາທີ່ມີການພັດທະນາວ່ອງໄວທີ່ສຸດໃນໂລກອີກດ້ວຍ
2. ການໃຊ້ອີໂມຈິເປັນລະຫັດຜ່ານປອດໄພກວ່າ
ການໃຊ້ອີໂມຈິເປັນລະຫັດຜ່ານນັ້ນນອກຈາກຈະຈື່ຈຳງ່າຍແລ້ວ ມັນຍັງສາມາດເດົາໄດ້ຍາກກວ່າລະຫັດຜ່ານແບບຕົວອັກສອນແລະຕົວເລກອີກດ້ວຍ ເນື່ອງຈາກອີໂມຈິທີ່ມີຫຼາຍກວ່າ 700 ແບບ ເຊີ່ງຫຼາຍກວ່າຕົວອັກສອນ 26 ຕົວ ແລະຕົວເລກອີກ 10 ຕົວຢູ່ຫຼາຍເທົ່າເລີຍ
3. ຄູ່ຮັກທີ່ສົ່ງອີໂມຈິຫາກັນມັກແໜ້ນແຟ້ນກວ່າ
ອີໂມຈິນັ້ນສາມາດສະແດງອອກເຖິງຄວາມຮູ້ສຶກແລະອາລົມໄດ້ຫຼາຍກວ່າການສົ່ງຂໍ້ຄວາມຕົວອັກສອນພຽງຢ່າງດຽວ ແລະນັ້ນກໍຊ່ວຍໃຫ້ຄູ່ຮັກເຂົ້າໃຈຄວາມຮູ້ສຶກຂອງອີກຝ່າຍໄດ້ດີຂຶ້ນ ລວມທັງສະແດງຄວາມຮັກໃຫ້ກັນໄດ້ງ່າຍຂຶ້ນອີກ
4. ອີໂມຈິໃນໂລກອອນໄລນ໌ຊ່ວຍດຶງດູດຄວາມສົນໃຈ
ຈາກການສຳຫຼວດແລ້ວ ພົບວ່າການໃຊ້ອີໂມຈິໃນບໍລິການອອນໄລນ໌ຢ່າງເຊັ່ນເຟສ໌ບຸກ ຫຼື ວັອດແອບນັ້ນ ມັກເຮັດໃຫ້ໄດ້ຄວາມສົນໃຈຈາກຄົນອື່ນຫຼາຍຂຶ້ນ
5. ການອ່ານອີໂມຈິຊ່ວຍກະຕຸ້ນສະໝອງ
ການທີ່ຄົນເຮົາໄດ້ອ່ານ ຫຼື ເຫັນອີໂມຈິສະແດງອາລົມຕ່າງໆ ນັ້ນ ຈະຊ່ວຍໃຫ້ສະໝອງໄດ້ຮັບການກະຕຸ້ນຫຼາຍກວ່າການອ່ານຂໍ້ຄວາມຕົວອັກສອນທຳມະດາໆ
6. ຜູ້ທີ່ມັກສົ່ງອີໂມຈິມັກມີເຊັກຫຼາຍກວ່າ
ຈາກການສຳຫຼວດພົບວ່າ ຜູ້ທີ່ມັກສົ່ງອີໂມຈິໃນການແຊດເລື້ອຍໆ ມັກຈະມີເພດສຳພັນຫຼາຍກວ່າຜູ້ທີ່ມັກສົ່ງພຽງຂໍ້ຄວາມຕົວອັກສອນພຽງຢ່າງດຽວ
7. ແມ່ນແຕ່ບໍລິສັດຄົນຍັກໃຫຍ່ຍັງໃຫ້ຄວາມສຳຄັນກັບອີໂມຈິ
ບັນດາບໍລິສັດຊື່ດັງລະດັບໂລກຕ່າງໆ ທັງ IBM, Apple, Google, Microsoft, Yahoo ແລະ ອື່ນໆ ລ້ວນໃຫ້ຄວາມສຳຄັນກັບອີໂມຈິ ບໍ່ວ່າຈະເປັນການຕັດສິນໃຈວ່າຈະນຳອີໂມຈິແບບໃດໄປໃຊ້ງານແທ້ ແລະ ຈະເລີ່ມນຳໄປໃຊ້ງານຕອນໃດ ເຊີ່ງຖ້າຫາກມັນບໍ່ແມ່ນສິ່ງທີ່ສຳຄັນແທ້ແລ້ວ ບໍລິສັດເຫຼ່ານີ້ຄືຊິບໍ່ໃຫ້ຄວາມສຳຄັນຂະໜາດນີ້ຢ່າງແນ່ນອນ
8. ອີໂມຈິຊ່ວຍສະແດງຄວາມເທົ່າທຽມໃນສັງຄົມ
ບໍ່ວ່າຈະເປັນການອອກແບບອີໂມຈິແບບຫຼາກຫຼາຍສີຜິວ ຫຼື ອີໂມຈິເພື່ອສະແດງຄວາມເທົ່າທຽມທາງເພດ ລ້ວນເປັນການສະແດງໃຫ້ເຫັນວ່າອີໂມຈິຊ່ວຍສົ່ງເສີມຄວາມເທົ່າທຽມກັນໃນສັງຄົມໄດ້ເປັນຢ່າງດີ