ສຳນັກຂ່າວຕ່າງປະເທດ ລາຍງານໃນວັນທີ 22 ກໍລະກົດນີ້ວ່າ ກຸ່ມຊາວກະສິກອນຝຣັ່ງ ໄດ້ພາກັນໂຮມຊຸມນຸມປະທ້ວງ ພ້ອມທັງປິດກັ້ນທາງດ່ວນສາຍ ອາ 1 ທີ່ເຊື່ອມຕໍ່ລະຫວ່າງນະຄອນຫລວງປາຣີ ແລະ ພື້ນທີ່ທາງພາກເໜືອຂອງຝຣັ່ງ ດ້ວຍການນຳເອົາລົດໄຖຈຳນວນ 500 ຄັນ ມາຂວາງປິດຖະໜົນໄວ້ ພາຍໃຕ້ການນຳຂອງ ຊາເວຍ ບູແລັງ ຫົວໜ້າສະຫະພາບກະສິກອນ FNSEA ທີ່ປຸກລະດົມຊາວກະສິກອນປະທ້ວງ ເນື່ອງຈາກລາຄາຜົນຜະລິດທາງການກະເສດຕົກຕ່ຳ ໂດຍໃນຂະນະທີ່ລັດຖະບານຝຣັ່ງ ກຳລັງກຽມອອກມາດຕະການສຸກເສີນ ເພື່ອຊ່ວຍເຫລືອແກ່ກຸ່ມຊາວກະສິກອນເຫລົ່ານີ້ຢ່າງຮີບດ່ວນ.