spot_img
Homeຂ່າວການພັດທະນາຍທຂ ຊີ້ແຈງ ກໍລະນີບາງໂຄງການລັດມີມູນຄ່າສູງ!

ຍທຂ ຊີ້ແຈງ ກໍລະນີບາງໂຄງການລັດມີມູນຄ່າສູງ!

Published on

1-6
(ພາບປະກອບ)

ເມື່ອບໍ່ດົມານີ້, ລັດຖະມົນຕີວ່າການກະຊວງໂຍທາທິການ ແລະ ຂົນສົ່ງ ດຣ ບຸນຈັນ ສີນທະວົງ ໄດ້ອອກ ມາຊີ້ ແຈງຕອບຂໍ້ຂ້ອງໃຈຂອງປະຊາຊົນໃນກໍລະນີຫລາຍໂຄງການກໍ່ສ້າງຂອງລັດມີມູນຄ່າສູງເກີນ ຄວາມເປັນຈິງ, ທັງເປັນການໃຊ້ຈ່າຍງົບປະມານລັດແບບບໍ່ເໝາະສົມ, ຂະນະດຽວກັນຄຸນນະພາບ ການນຳໃຊ້ກໍບໍ່ຍາວນານ, ເຊິ່ງບັນຫາດັ່ງ ກ່າວທ່ານລັດຖະມົນຕີກະຊວງໂຍທາ ກ່າວວ່າ: ມີຫລາຍໂຄງ ການລົງທຶນຂອງລັດ, ໂດຍສະເພາະໃນຂະແໜງ ຍທຂ ຍັງບໍ່ປະຕິບັດຕາມຂໍ້ແນະນຳການນຳ ໃຊ້ລາຄາກາງ, ເນື່ອງຈາກຄວາມຕ້ອງການໃນການພັດທະນາສູງແຕ່ການສະໜອງ ດ້ານງົບປະມານພັດ ມີຈຳກັດ, ຈຶ່ງເກືດມີໂຄງການລົງທຶນກ່ອນ, ຊຶ່ງແມ່ນການເຈລະຈາ ກັນໂດຍກົງລະຫວ່າງຜູ້ຮັບເໝົາກັບ ອຳນາດການປົກຄອງ ແລະ ພາກສ່ວນກ່ຽວຂ້ອງໃນຂະແໜງຕ່າງໆ ແລະ ຜູ້ຮັບເໝົາລົງທຶນກ່ອນ
ກໍຕ້ອງໄດ້ຊອກແຫລ່ງທຶນດ້ວຍຕົນເອງມາກໍ່ສ້າງ, ສະນັ້ນ ຈຳເປັນຕ້ອງບວກຄ່າຄວາມສ່ຽງ ຕ່າງໆໃນ ການລົງທຶນເຂົ້າໃສ່ເຊັ່ນ: ອັດຕາດອກເບ້ຍເງິນກູ້ທະ ນາຄານ, ການເໜັງຕິງຂອງລາຄາວັດສະດຸກໍ່ສ້າງ, ຄວາມສ່ຽງຕໍ່ການຊຳລະຊັກຊ້າຂອງລັດຖະບານ ແລະ ກຳໄລອື່ນໆຈຶ່ງເຮັດໃຫ້ລາຄາຫົວໜ່ວຍ ແລະ ມູນຄ່າໂຄງການເພີ່ມຂຶ້ນ, ນອກຈາກນີ້ບາງໂຄງການບໍ່ມີການປະມູນ, ແນວໃດກໍຕາມເພື່ອແກ້ໄຂບັນ ຫາມູນຄ່າໂຄງການກໍ່ສ້າງສູງນີ້ຕ້ອງໄດ້ມີການປະມູນເປີດກວ້າງຕາມລະບຽບຢ່າງເຂັ້ມງວດ, ເພີ່ມທະວີການຊຸກຍູ້ຕິດຕາມບັນດາບໍລິສັດຜູ້ຮັບເໝົາ, ເຈົ້າຂອງໂຄງການຈັດຕັ້ງປະຕິບັດການ ກໍ່ສ້າງໃຫ້ໄດ້ຄຸນນະພາບຕາມມາດຕະຖານເຕັກນິກ, ແນໃສ່ນຳໃຊ້ງົບປະມານລັດໃຫ້ເກີດປະໂຫຍດສູ ງສຸດແກ່ປະເທດຊາດກໍຄືຜົນປະໂຫຍດຂອງປະຊາຊົນບັນດາເຜົ່າ.

 

ຂອບໃຈຂ່າວຈາກ:

ລພນ

 

 

ບົດຄວາມຫຼ້າສຸດ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...