spot_img
Homeຂ່າວຕ່າງປະເທດເກຣັກຈ່າຍໜີ້ໃຫ້ IMF ແລ້ວ ຫລັງຈາກຜິດຊຳລະເມື່ອ 30 ມິຖຸນາຜ່ານມາ!

ເກຣັກຈ່າຍໜີ້ໃຫ້ IMF ແລ້ວ ຫລັງຈາກຜິດຊຳລະເມື່ອ 30 ມິຖຸນາຜ່ານມາ!

Published on

EyWwB5WU57MYnKOuXuYB43u82OP004N9MvEN3rF50nnIehzhMrKILf

ສຳນັກຂ່າວຕ່າງປະເທດ ລາຍງານໃນວັນທີ 21 ກໍລະກົດນີ້ວ່າ ໃນມື້ວານນີ້ (20 ກໍລະກົດ) ລັດຖະບານເກຣັກ ໄດ້ຈ່າຍໜີ້ຈຳນວນ 2.05 ຕື້ໂດລາ ທີ່ຜິດຊຳລະຄືນໃຫ້ແກ່ກອງທຶນການເງິນລະຫວ່າງປະເທດ ຫລື ໄອເອັມເອັບແລ້ວ ລວມເຖິງຈ່າຍໜີ້ຈຳນວນ 4.2 ຕື້ເອີໂຣ ຂອງທະນາຄານກາງເອີຣົບ ທີ່ເຖິງກຳນົດຈ່າຍໃນມື້ດັ່ງກ່າວອີກດ້ວຍ.

ທັງນີ້ ເກຣັກໄດ້ຜິດຊຳລະໜີ້ໄອເອັມເອັບ ໃນມື້ວັນທີ 30 ມິຖຸນາຜ່ານມາ ແລະ ຜິດຊຳລະອີກເທື່ອໜຶ່ງໃນວັນທີ 13 ກໍລະກົດ ເນື່ອງຈາກບໍ່ສາມາດເຈລະຈາຂໍກູ້ຢືມເພີ່ມຕື່ມຈາກບັນດາເຈົ້າໜີ້ໄດ້ ແຕ່ພາຍຫລັງການຍອມຮັບເງື່ອນໄຂຮັດສາຍແອວອັນເຂັ້ມງວດ ຂອງບັນດາເຈົ້າໜ້ີ ພ້ອມທັງລັດຖະສະພາເກຣັກ ຜ່ານກົດໝາຍປະຕິຮູບ ເມື່ອທ້າຍອາທິດທີ່ຜ່ານມາ ຈິ່ງເຮັດໃຫ້ກຸ່ມປະເທດທີ່ໃຊ້ເງິນສະກຸນເອີໂຣ ຫລື ເອີໂຣໂຊນ ຕັດສິນໃຈມອບເງິນຊ່ວຍເຫລືອສຸກເສີນໃຫ້ເກຣັກໃນໄລຍະສັ້ນ ລວມ 7 ຕື້ເອີໂຣ ເພື່ອໃຫ້ເກຣັກນຳມາໃຊ້ໜີ້ກ່ອນ.

ທັງນີ້ ໜຶ່ງໃນເງື່ອນໄຂອັນເຂັ້ມງວດຂອງເຈົ້າໜີ້ທີ່ມີຕໍ່ເກຣັກນັ້ນ ແມ່ນລວມມີການຂຶ້ນພາສີມູນຄ່າເພີ່ມ (VAT) ຈາກເດີມທີ່ຢູ່ໃນລະດັບ 13% ມາເປັນ 23% ອັນໄດ້ເຮັດໃຫ້ພາລະຄ່າໃຊ້ຈ່າຍ ໃນການຊື້ສິນຄ້າ ແລະ ການບໍລິການຕ່າງທີ່ເພີ່ມຂຶ້ນ ໄດ້ຕົກມາຢູ່ໃນຄວາມຮັບຜິດຊອບຂອງປະຊາຊົນຊາວເກຣັກ.

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...