ຕຳຫຼວດໃນເມືອງ Edinburgh ຂອງປະເທດອັງກິດໄດ້ຮັບແຈ້ງຈາກພົນລະເມືອງດີທີ່ກຳລັງໃຊ້ງານ Google Street View ແລ້ວບັງເອີນພົບເຫັນເຫດການທີ່ເບິ່ງຄືວ່າໜ້າຈະເປັນການຄາດຕະກຳ ເພາະຊາຍຄົນໜຶ່ງກຳລັງຖືຂວານຢູ່ໃນມື ໂດຍຂະນະນັ້ນມີຊາຍສູງອາຍຸນອນຢູ່ກາງຖະໜົນ ເຊີ່ງເມື່ອຕຳຫຼວດຮູ້ຂໍ້ມູນກໍໄດ້ກໍ່ການສອບສວນເຖິງເຫດການດັ່ງກ່າວ ຈົນພົບວ່າເຫດການນີ້ເປັນການແກ້ງກັນຫລິ້ນມ່ວນໆ ຂອງສອງຄູ່ຫູໃນອູ່ແປງລົດ
Dan Thomson ແລະ Gary Kerr
ໂດຍ Dan Thomson ເຈົ້າຂອງອູ່ແປງລົດອາຍຸ 56 ປີ ກັບ Gary Kerr ອາຍຸ 31 ປີ ໄດ້ຮ່ວມກັນເຮັດເປັນວ່າມີເຫດການຄາດກຳເກີດຂຶ້ນ ເພາະຕອນນັ້ນທັງຄູ້ໄດ້ເຫັນລົດຂອງ Google Street View ຜ່ານມາພໍດີ ເລີຍສ້າງເລື່ອງຂຶ້ນມາ ແນ່ນອນວ່າທາງຕຳລວດກໍໄດ້ອອກມາກ່າວເຖິງເລື່ອງນີ້ວ່າເປັນການອຳກັນຫລິ້ນເທົ່ານັ້ນ ບໍ່ແມ່ນເຫດການແທ້ໆ ແລະກໍໂຊກຍັງດີທີ່ຕຳຫຼວດຄົນນັ້ນເປັນລູກຄ້າອູ່ແປງລົດນີ້ແລະຮູ້ວ່າມັນເປັນແຕ່ເລື່ອງຕະຫຼົກ ເລີຍບໍ່ໄດ້ຖືກຂໍ້ຫາຫຍັງ ແຕ່ແນ່ນອນວ່າທາງຕຳຫຼວດກໍບໍ່ສະບາຍໃຈຫາກເກີດເຫດການແບບນີ້ຂຶ້ນອີກ ຖ້າພົບຫຍັງແປກໆໃຫ້ຮີບແຈ້ງຕຳຫຼວດຈະດີກວ່າ ເພາະບາງທີອາດຈະບໍ່ແມ່ນເລື່ອງຢອກກັນກໍໄດ້
