ທ່ານ ສຸບັນ ເພຍສັກຂາ ຮອງອຳນວຍການລັດວິສາຫະກິດຫວຍພັດທະ ນາ ໃຫ້ຮູ້ເມື່ອບໍ່ດົນນີ້ວ່າ: ປັດຈຸບັນຕົວ ແທນຈຳໜ່າຍຫວຍພັດທະນານັບທັງຢູ່ສູນ ກາງ ແລະ ທ້ອງຖິ່ນທົ່ວປະເທດມີທັງໝົດ 83 ສາຂາ, ໃນນັ້ນຕົວແທນຈ ຳໜ່າຍ ທີ່ເປັນຂອງລັດມີ 3 ສາຂາ, ສ່ວນທີ່ເຫລືອແມ່ນຂອງເອກະຊົນ ແລະ ນິຕິບຸກຄົນເປັນ ຜູ້ຈັດຕັ້ງປະຕິບັດແລະ ນັບແຕ່ປີ 2011 – 2014 ຜ່ານມາມູນຄ່າການຈຳໜ່າຍຜະລິດ ຕະພັນໃບຫວຍທຸກປະເພດໄດ້ຈຳນວນ 11 ພັນຕື້ ກວ່າກີບ, ໃນນີ້ຈຳໜ່າຍດ້ວຍ ເຄື່ອງຈັກທັນສະໄໝ (ອອນລາຍ)ກວມປະມານ 15% ຂອງມູນຄ່າທັງໝົດ, ສະເລ່ຍປະ ມານ 2.700 ກວ່າຕື້ກີບຕໍ່ປີ. ລວມຍອດລາຍຮັບປະຕິບັດໄດ້ 362 ຕື້ກວ່າກີບ, ສະເລ່ຍ 90 ຕື້ກວ່າກີບຕໍ່ປີ, ທຽບໃສ່ໄລ ຍະດຽວກັນເພີ່ມຂຶ້ນສະເລ່ຍ 264%, ກຳໄລສຸດທິເທົ່າກັບ 190 ຕື້ກວ່າກີບ, ສະເລ່ຍ 47 ຕື້ກວ່າກີບຕໍ່ປີ ແລະ
ປະຕິບັດພັນທະມອບງົບປະມານໃຫ້ລັດປະມານ 212 ຕື້ກວ່າກີບ, ສະເລ່ຍປະມານ 53 ກວ່າຕື້ກີບຕໍ່ປີ, ອັນໄດ້ປະກອບສ່ວນ ສຳຄັນເຂົ້າໃນການພັດທະນາເສດຖະກິດ-ສັງຄົມຂອງຊາດໄດ້ເປັນຢ່າງດີ, ນອກຈາກນີ້, ຍັງໄດ້ສ້າງວຽກ ເຮັດງານທຳ ແລະ ສ້າງລາຍຮັບເສີມໃຫ້ກັບປະຊາຊົນຜູ້ຂາຍຫວຍເປັນຈຳນວນຫລາຍອີກດ້ວຍ.
ແນວໃດກໍຕາມ, ຕໍ່ບັນຫາການຈຳໜ່າຍໃບຫວຍ ແລະ ການອອກເລກຜົນຫວຍໃນໄລຍະຫລັງມານີ້, ປາກົດວ່າ ມີສຽງວິພາກຈານຈາກສັງຄົມຫລາຍສົມຄວນ, ໂດຍສະເພາະແມ່ນການສ່ອງແສງບັນຫາການຕັ້ງໂຕະຂາຍຫວຍຢັ່ງ ຢາຍຕາມສາຍທາງໃນຕົວເມືອງເຫັນວ່າມີລັກສະນະຊະຊາຍ ແລະ ບໍ່ເປັນລະບຽບຈົບງາມ, ເຮັດໃຫ້ກິດຂວາງການສັນ ຈອນໃນຫລາຍຈຸດ ແລະ ນອກຈາກນີ້ກໍແມ່ນບັນຫາຂອງການອອກຜົນຫວຍທີ່ບໍ່ໄດ້ມີການຖ່າຍທອດສົດຜ່ານທາງໂທ ລະພາບ, ເຊິ່ງເປັນສິ່ງທີ່ສັງຄົມຍັງມີຄວາມລະແວງສົງໃສວ່າເລື່ອງຄວາມໂປ່ງໃສມາໂດຍຕະຫລອດ, ເນື່ອງຈາກມັກມີກໍລະນີອອກເລກໂຕເກົ່າຊ້ຳກັນຄືດັ່ງໃນຫລາຍງວດຜ່ານມາ.
ຂອບໃຈຂ່າວຈາກ:
