ຫາກເຈົ້າຕ້ອງປະສົບເຫດການທີ່ບໍ່ຄາດຄິດເມື່ອໂທລະສັບມືຖືສຸດຮັກຕ້ອງມາຕົກລົງນ້ຳ ແລ້ວເຄື່ອງຂອງເຈົ້າບໍ່ໄດ້ເປັນປະເພດກັນນ້ຳອີກ ຈະເຮັດຢ່າງໃດດີ? ລອງນຳ 3 ຂັ້ນຕອນຕໍ່ໄປນີ້ໄປໃຊ້ເບິ່ງ ຮັບຮອງວ່າຈະຊ່ວຍແກ້ບັນຫາເບື້ອງຕົ້ນໃຫ້ກັບເຈົ້າໄດ້ເປັນຢ່າງດີ
- ຢ່າຕົກໃຈ ຕັ້ງສະຕິໃຫ້ດີ
ຂັ້ນຕອນທຳອິດຫລັງຈາກຫຍິບໂທລະສັບມືຖືຂຶ້ນມາຈາກນ້ຳຮຽບຮ້ອຍແລ້ວ ຈົ່ງຈື່ເອົາໄວ້ໃຫ້ດີວ່າຢ່າໄປກົດປຸ່ມຫຍັງເທິງຕົວເຄື່ອງເປັນອັນຂາດ ເພາະເມື່ອໂທລະສັບມືຖືຕົກນ້ຳຈະມີຄວາມຊຸ່ມຢູ່ພາຍໃນເຊີ່ງການທີ່ເຈົ້າໄປກົດປຸ່ມອາດຈະເຮັດໃຫ້ໄຟຟ້າລັດວົງຈອນໄດ້
- ຈົ່ງເຮັດໃຫ້ຊິ້ນສ່ວນຕ່າງໆ ແຫ້ງ
ຫຼັງາກຫຍິບໂທລະສັບມືຖືຂຶ້ນຈາກນ້ຳແລ້ວໃຫ້ຖອດຊິ້ນສ່ວນຕ່າງໆ ເຊັ່ນ ຝາຫຼັງ ແບດເຕີລີ່ ຊິມກາດ ຫລື SD Card ອີກ ແລ້ວນຳຜ້າມາເຊັດໃຫ້ແຫ້ງ ຫລັງຈາກນັ້ນຄວນຟິດນ້ຳທີ່ຢູ່ດ້ານໃນຕົວເຄື່ອງໃຫ້ອອກມາ ຫລືບໍ່ກໍໃຊ້ພັດລົມເປົ່າຊ່ວຍ ແຕ່ຢ່າເປົ່າລົມຮ້ອນດ້ວຍໄດລ໌ເປົ່າຜົມ ລວມເຖິງນຳໄປຕາກແດດ ເພາະອາດເຮັດໃຫ້ຊິ້ນສ່ວນພາຍໃນເສຍຫາຍໄດ້
- ໃຊ້ເຂົ້າສານເປັນຕົວຊ່ວຍດູດນ້ຳ
ເມື່ອນອກເຄື່ອງແຫ້ງຮຽບຮ້ອຍແລ້ວ ຕໍ່ໄປກໍເຖິງຂັ້ນຕອນໄລ່ນ້ຳພາຍໃນອອກໄປ ໂດຍວິທີການທີ່ສຸດແສນຈະທຳມະດາ ແຕ່ໄດ້ຜົນດີີທີ່ສຸດກໍຄື ນຳໂທລະສັບມືຖືໄປໃສ່ໃນຖັງເຂົ້າສານ ແລ້ວຖິ້ມໄວ້ປະມານ 2-3 ມື້ ຈາກນັ້ນເມື່ອເຈົ້າແນ່ໃຈວ່າແຫ້ງໝົດໄປແລ້ວ ກໍໃຫ້ລອງເປີດເຄື່ອງເບິ່ງ ຖ້າໃຊ້ໄດ້ກໍຖືວ່າໂຊກດີ ແຕ່ຖ້າບໍ່ກໍລອງສົ່ງໃຫ້ຮ້ານແປງເບິ່ງ ທັງນີ້ ທີ່ເຮົາບໍ່ຢາກໃຫ້ເຈົ້າເປີດເຄື່ອງຕອນເຄື່ອງຍັງປຽກ ເພາະຈະເຮັດໃຫ້ວົງຈົນພາຍໃນຊ໋ອດ ຈົນນຳໄປແປງໄດ້ຍາກ
