ສຳນັກຂ່າວຕ່າງປະເທດ ລາຍງານໃນວັນທີ 17 ກໍລະກົດນີ້ວ່າ ພາຍຸເຂດຮ້ອນນັງກາ ຊັດຂຶ້ນຊາຍຝັ່ງພາກຕາເວັນຕົກຂອງປະເທດຍີ່ປຸ່ນແລ້ວ ໃນເວລາກາງເດິກທີ່ຜ່ານມາ ເຮັດໃຫ້ເກີດລົມແຮງ ແລະ ຝົນຕົກໜັກ ໂດຍທາງການໄດ້ແນະນຳໃຫ້ປະຊາຊົນ 360,000​ ໃນ 9 ແຂວງ ໃຫ້ອົບພະຍົບອອກຈາກພື້ນທີ່ ເຊິ່ງອິດທິພົນຂອງພາຍຸຫົວນີ້ ແມ່ນໄດ້ເຮັດໃຫ້ມີຜູ້ເສຍຊີວິດແລ້ວ 2 ຄົນ ແລະ ບາດເຈັບອີກ 31 ຄົນ ໃນຈຳນວນ 13 ແຂວງທີ່ໄດ້ຮັບຜົນກະທົບ, ພ້ອມກັນນັ້ນ ການສັນຈອນທາງອາກາດ ກໍຈຳເປັນໄດ້ຍົກເລີກຖ້ຽວບິນເຖິງ 217 ຖ້ຽວ ໃນມື້ວານນີ້ (16​ ກໍລະກົດ) ພ້ອມທັງຍົກເລີກອີກຢ່າງໜ້ອຍ 126 ຖ້ຽວພາຍໃນມື້ນີ້ອີກດ້ວຍ.