ສຳນັກຂ່າວຕ່າງປະເທດ ລາຍງານໃນວັນທີ 16 ກໍລະກົດຜ່ານມານີ້ວ່າ ຮ້ານອາຫານຈຳນວນ 10 ແຫ່ງ ໃນນະຄອນດ່ານັງ ທາງພາກກາງຂອງຫວຽດນາມ ໄດ້ເລີ່ມເປີດໃຫ້ບໍລິການໃໝ່ແກ່ລູກຄ້າ ຖ້າດື່ມຈົນເມົາແລ້ວສົ່ງເຖິງເຮືອນຟຣີ ໂດຍບໍ່ເສຍຄ່າໃຊ້ຈ່າຍໃດໆ ເຊິ່ງເລີ່ມນັບຕັ້ງແຕ່ວັນພຸດທີ 15 ກໍລະກົດນີ້ເປັນຕົ້ນໄປ ອັນເປັນໂຄງການຕົ້ນແບບຂອງອົງການປົກຄອງນະຄອນດ່ານັງ ທີ່ຖືກຊຸກຍູ້ ແລະ ສົ່ງເສີມໂດຍຄະນະກຳມະການລະດັບຊາດ ເພື່ອຫລຸດອຸບັດເຫດທີ່ເກີດຂຶ້ນຈາກການໃຊ້ລົດໃຊ້ຖະໜົນ.