ສຳນັກຂ່າວຕ່າງປະເທດ ລາຍງານໃນວັນທີ 17 ກໍລະກົດນີ້ວ່າ ເກີດເຫດມືປືນບຸກດ່ຽວ ໂຈມຕີອາຄານຂອງກອງທັບເຮືອສະຫະລັດອາເມຣິກາ ແລະ ອາຄານສຳນັກງານຈັດຕັ້ງກອງທັບ ທີ່ຢູ່ຫ່າງກັນປະມານ 9 ກິໂລແມັດ ໃນເມືອງຊັດທານູກາ ລັດເທັນເນັດຊີ ມື້ວັນພະຫັດ (16 ກໍລະກົດ) ທີ່ຜ່ານມາ ເປັນເຫດເຮັດໃຫ້ມີທະຫານເສຍຊີວິດ 4 ຄົນ ແລະ ມືປືນຖືກສັງຫານເສຍຊີວິດ.
ເຈົ້າໜ້າທີ່ຕຳຫລວດເມືອງຊັດທານູກາຢືນຢັນວ່າ ເຫດການດັ່ງກ່າວແມ່ນເປັນການກໍ່ການຮ້າຍພາຍໃນປະເທດ ເຊິ່ງເປັນການໂຈມຕີທັງ 2 ສະຖານທີ່ໂດຍມືປືນຄົນດຽວກັນ.
