ທ່ານນາງ ດຣ. ຈິລ ໄບເດີນ, ພັນລະຍາ ທ່ານ ໂຈ ໄບເດີນ ຮອງປະທານາທິບໍດີ ສະຫະລັດອາເມລິກາ ຈະເດີນທາງມາຢ້ຽມຢາມ ສປປ ລາວ ໃນ ວັນທີ 21 ຫາ 22 ກໍລະກົດ ປີ 2015 ພ້ອມດ້ວຍ ທ່ານນາງ ແຄດເທີຣີນ ຣັສເຊລ ເອກອັກ-ຄະລັດຖະທູດ ຮັບຜິດຊອບ ວຽກງານຕ່າງໆ ຮອບດ້ານກ່ຽວກັບ ເລື່ອງແມ່ຍິງ ແລະ ຈະພົວພັນກັບ ລັດຖະບານ ແລະ ອົງການຈັດຕັ້ງທາງສັງຄົມ ເພືີ່ອສ້າງຄວາມເຂັ້ມແຂງ ທາງດ້ານເສດຖະກິດ ໂອກາດທາງ ດ້ານການສຶກສາໃຫ້ແກ່ແມ່ຍິງ ແລະເດັກນ້ອຍຜູ້ຍິງ ອີງຕາມລາຍງານຂ່າວ ຂອງສະຖານທູດສະຫະລັດ ປະຈຳ ສປປ ລາວ.
ການຢ້ຽມຢາມ ອັນເປັນຂີດໝາຍປະຫວັດສາດ ໃນຄັ້ງນີ້ ສະແດງອອກໃຫ້ເຫັນເຖິງຄວາມ ມຸ່ງໝັ້ນຂອງລັດຖະບານສະຫະລັດ ໃນການສືບຕໍ່ຮັດແໜ້ນ ແລະ ເສີມຂະຫຍາຍສາຍພົວພັນກັບ ສປປ ລາວ.
ໃນລະຫວ່າງການຢ້ຽມຢາມຂົງເຂດອາຊີນີ້ ດຣ. ຈິລ ໄບເດີນ ຍັງຈະເດີນທາງໄປຢ້ຽມຢາມສາທາລະນະລັດເກົາຫຼີ ແລະ ສາທາລະນະລັດສັງຄົມນິຍົມ ຫວຽດນາມ ແຕ່ວັນທີ 16 ຫາ 20 ກໍລະກົດ ເີ່ຊງການຢ້ຽມຢາມໃນແຕ່ລະປະເທດດັ່ງກ່າວ ແມ່ນຈະເນັ້ນໜັກໃສ່ວຽກງານ ໃນດ້ານພັດທະນາ ສ້າງຄວາມເຂັ້ມແຂງໃຫ້ແກ່ແມ່ຍິງ ແລະ ວຽກງານການສຶກສາ.
ຫລັງກຈາການມາຢ້ຽມຢາມ ສປປ ລາວ ທາງຄະນະຜູ້ແທນຂັ້ນສູງກໍຈະເດີນທາງໄປຢ້ຽມຢາມປະເທດຍີ່ປຸ່ນ ໃນ ວັນທີ 22 ຫາ 23 ກໍລະກົດນີ້.